រុស្ស៊ី ថា ក្រឡាដើររបស់ អាមេរិក កំពុងអូសស្ថានភាពសន្តិសុខនៅមជ្ឈិម​បូព៌ាឈានដល់ចំណុចគ្មានថ្ងៃវិលត្រលប់ដូចដើមវិញ

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានសរសេរនៅលើឆានែល Telegram របស់លោកស្រីថា ក្រឡាដើររបស់សហរដ្ឋអាមេរិកបាននាំឲ្យស្ថានការណ៍សន្តិសុខនៅមជ្ឈិមបូព៌ាឈានដល់ចំណុចគ្មានថ្ងៃវិលត្រលប់ដូចដើមវិញបាន ។

ការលើកឡើងរបស់លោកស្រី Zakharova កើតមានឡើង ក្រោយពេលដែលក្រសួងការបរទេសអាមេរិកបានប្រកាសថា បុគ្គលិកស្ថានទូតអាមេរិកប្រចាំនៅទីក្រុងហ្សេរុយសាឡឹម និងការិយាល័យផ្សេងទៀតនៅទីក្រុង Tel Aviv បានចាកចេញពីអ៊ីស្រាអែល ត្រលប់ទៅសហរដ្ឋអាមេរិកវិញហើយ ព្រោះថា ការ​សម្រេច​ចិត្ត​ធ្វើបែបនេះ ដោយ​សារ​តែពួកគេដឹងពី​ស្ថានការណ៍​សន្តិសុខ​មិន​អាច​ទាយ​ទុក​មុនបាន​នៅ​ក្នុង​ប្រទេស​អ៊ីស្រាអែល” ។

អ្នកនាំពាក្យក្រសួងការបរទេសរុស្ស៊ីរូបនេះបញ្ជាក់ថា “អ្នកធានាសន្តិសុខក្នុងតំបន់បានជំរុញឲ្យស្ថានភាពសន្តិសុខឈានដល់ចំណុចគ្មានថ្ងៃវិលត្រលប់ដូចដើមវិញបាន ហើយតើនរណាម្នាក់នៅទីក្រុងវ៉ាស៊ីនតោននឹងត្រូវទទួលខុសត្រូវម្តងទៀតចំពោះអំពើឃោរឃៅ និងការបង្កហេតុបែបនេះ?” ។

ទន្ទឹមនោះ ការអះអាងរបស់លោកស្រី Zakharova ក៏កើតមានឡើង បន្ទាប់ពីក្រុមហាម៉ាស់បើកការវាយប្រហារមិនធ្លាប់មានពីមុនមកទៅលើអ៊ីស្រាអែលកាលពីថ្ងៃទី៧ ខែតុលា ដោយបានសម្លាប់មនុស្សជាង ១,៣០០ នាក់ ដែលភាគច្រើនជាជនស៊ីវិល ។

ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជាង ២,៦០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ប្រហែល ១,៥០០ នាក់នៅក្នុងទឹកដីអ៊ីស្រាអែល ខណៈមនុស្ស​ជាង ៩,៦០០ នាក់បាន​រង​របួស ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ អាមេរិក បញ្ជូននាវាផ្ទុកយន្តហោះទីពីរទៅសមុទ្រមេឌីទែរ៉ាណេភាគខាងកើត ដើម្បីរាំងខ្ទប់សកម្មភាព អ៊ីរ៉ង់