សេដ្ឋកិច្ច
ក្រុមហ៊ុនអាកាសចរណ៍ វៀតណាម មួយចំនួនបន្ថយជើងហោះហើរ ព្រោះតែបញ្ហាហិរញ្ញវត្ថុ និងតម្រូវការទាប
ក្រុមហ៊ុនអាកាសចរណ៍វៀតណាមមួយចំនួនបានកាត់បន្ថយប្រេកង់ហោះហើររបស់ខ្លួនទាំងក្នុង និងក្រៅប្រទេស ដោយសារតែបញ្ហាហិរញ្ញវត្ថុ និងតម្រូវការហោះហើរទាប ។
ក្រុមហ៊ុនអាកាសចរណ៍ចំនួន ៦ ដែលបានកាត់បន្ថយនោះ រួមមានក្រុមហ៊ុន Vietnam Airlines, Vietjet, Bamboo Airways, Pacific Airlines, Vietravel Airlines និងក្រុមហ៊ុនអាកាសចរណ៍ Vasco ។
តាមរយៈតំណាងក្រុមហ៊ុនអាកាសចរណ៍វៀតណាមបានលើកឡើងថា ទីផ្សារអាកាសចរណ៍បានចូលដល់រដូវបិទទ្វារ ហើយក្រុមហ៊ុនអាកាសចរណ៍មួយចំនួនកំពុងរៀបចំរចនាសម្ព័ន្ធអាជីវកម្មរបស់ពួកគេឡើងវិញ ដូច្នេះបានធ្វើឲ្យប្រេកង់ជើងហោះហើរក្នុងស្រុកធ្លាក់ចុះយ៉ាងហោចណាស់ ១៥ ទៅ ៣០ ភាគរយ ដែលជំរុញឲ្យតម្លៃសំបុត្រយន្តហោះឡើងថ្លៃគួរឲ្យកត់សម្គាល់ ។
បើយោងតាមផែនការរបស់អាជ្ញាធរអាកាសចរណ៍ស៊ីវិលវៀតណាមសម្រាប់ឆ្នាំ ២០២៣ បានឲ្យដឹងថា ទំហំនៃយន្តហោះរបស់ក្រុមហ៊ុនអាកាសចរណ៍ក្នុងស្រុកនឹងកើនឡើងពី ២៣០ គ្រឿងនៅដើមឆ្នាំនេះ ហើយនឹងឡើងដល់ ២៥០ គ្រឿងនៅចុងឆ្នាំនេះ ប៉ុន្តែទោះជាយ៉ាងណាក៏ដោយ ចំនួនយន្តហោះសរុបដែលដំណើរការដោយក្រុមហ៊ុនដឹកជញ្ជូនទាំងនេះបានធ្លាក់ចុះទៅវិញ ។
ចំណែកបើយោងតាមទិន្នន័យពី Planespotter ដែលជាមូលដ្ឋានទិន្នន័យអនឡាញអំពីពាណិជ្ជកម្មអាកាសចរណ៍បានបង្ហាញថា ក្រុមហ៊ុនអាកាសចរណ៍វៀតណាមគ្រុប ដែលរួមមាន Vietnam Airlines, Pacific Airlines និង Vasco ប្រតិបត្តិការយន្តហោះចំនួន ១០០ គ្រឿង តាមពីក្រោយដោយក្រុមហ៊ុន Vietjet មាន ៨០ គ្រឿង, ក្រុមហ៊ុន Bamboo Airways ២១ គ្រឿង និង Vietravel Airlines មានចំនួន ៣ គ្រឿង ៕
ប្រែសម្រួល៖ នាង រតនៈ
ប្រភព៖ Tuoi Tre
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា