ជីវិតកម្សាន្ដ

យស បូវណ្ណៈ ទទួលលិខិតសរសើរក្នុងចលនាថែរក្សា ការពារ ផ្សព្វផ្សាយ ខឿនសិល្បៈ វប្បធម៌ខ្មែរ នៅអាមេរិក

បានផុស

១ year មុន

នៅ

ថ្ងៃចន្ទ ១៦ តុលា ២០២៣

ដោយ

លោក យស បូវណ្ណៈ ដែលជាអតីតតារាភាពយន្តជើងចាស់ល្បីឈ្មោះ បានសម្ដែងក្តីរំភើបរីករាយ និងមោទនភាពខ្លាំងបន្ទាប់ពីរូបលោកត្រូវបានសមាជិកសភា ៣រូបប្រចាំរដ្ឋកាលីហ្វ័រញ៉ា នៃប្រទេសសហរដ្ឋអាមេរិកផ្តល់ជូននូវប័ណ្ណសរសើរ និងលិខិតសរសើរដល់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្តល់ជូននេះ បន្ទាប់ពីការមើលឃើញពីសកម្មភាពតារាភាពយន្តជើងចាស់ លោក យស បូវណ្ណៈ និងក្រុមគ្រួសារ បានចូលរួមយ៉ាងសកម្មក្នុងចលនាថែរក្សាការពារ និងផ្សព្វផ្សាយនូវខឿនសិល្បៈ វប្បធម៌ខ្មែរ និងការចូលរួមការងារសង្គមផ្សេងៗទៀត នៅលើទឹកដីនៃប្រទេសសម្បូរដុល្លារសហរដ្ឋអាមេរិក។

លោក យក បូវណ្ណៈ បានបញ្ជាក់ឲ្យដឹងពីសហរដ្ឋអាមេរិកថា «២៥ឆ្នាំដែលខ្ញុំបាទ យស បូវណ្ណៈ និងឧត្ដមភរិយា អ្នក ស្រី លី ស៊ីថារី បានចូលរួមបម្រើក្នុងសង្គមសហគមន៍ និងអង្គការផ្សេងៗដូចជា, ខាងសុខាភិបាល សង្គមកិច្ចការងារសាធារណៈ និងវប្បធម៌ជាច្រើនឯទៀ ត ជុំវិញរដ្ឋកាលីហ្វ័រញ៉ាសហរដ្ឋអាមេរិក»។

តារាភាពយន្តជើងចាស់រូបនេះបញ្ជាក់ទៀតថា លោកពិតជាសប្បាយចិត្តដែល បានទទួលនូវប័ណ្ណសរសើរ និងលិខិតសរសើរពីសំណាក់សមាជិកសភា ៣រូបប្រចាំរដ្ឋកាលីហ្វ័រញ៉ា សហរដ្ឋអាមេរិក។

លោកបន្ថែមថា «លិខិតសរសើរនេះដែលជាស្នាដៃខ្ញុំបាទ យស បូវណ្ណៈ និងក្រុមគ្រួសារ របស់ខ្ញុំបាទបានចូលរួមយ៉ាងសកម្មក្នុងចលនាថែរក្សាការពារ និងងផ្សព្វផ្សាយ នូវខឿនសិល្បៈ វប្បធម៌ខ្មែរ និងការចូលរួមការងារសង្គម សហគមន៍និងអង្គការផ្សេងៗក្នុងរដ្ឋកាលីហ្វ័រញ៉ា»។

លោក យស បូវណ្ណៈ ក៏ធ្លាប់បញ្ជាក់កន្លងមកដែរថា ដើម្បីផ្សព្វផ្សាយសិល្បៈវប្បធម៌ជាតិខ្មែរយើង ទោះជាហត់នឿយពីការងារស្នូលយ៉ាងណាក៏ដោយក៏ក្រុមគ្រួសាររបស់លោក ស៊ូខំប្រឹងបង្ហាញឲ្យបរទេសបានស្គាល់អំពីអត្តសញ្ញាណ សិល្បៈ វប្បធម៌ខ្មែរ ដ៏សម្បូរបែប របស់ខ្មែរយើងផងដែរ៕

អត្ថបទ៖ ចាន់រ៉ា