ព័ត៌មានអន្ដរជាតិ

រុស្ស៊ី ចូលរួមជាមួយ ចិន ផ្អាកនាំចូលអាហារសមុទ្រពី ជប៉ុន

បានផុស

១ year មុន

នៅ

ថ្ងៃអង្គារ ១៧ តុលា ២០២៣

ដោយ

អាជ្ញាធររុស្ស៊ីបាននិយាយថា រុស្ស៊ីកំពុងចូលរួមជាមួយប្រទេសចិនក្នុងការរឹតបន្តឹងការនាំចូលផលិតផលនេសាទរបស់ជប៉ុន ដែលបានចាប់ផ្តើមពីកាលពីថ្ងៃចន្ទ ទី១៦ ខែតុលាតទៅ ដោយសារតែការបង្ហូរទឹកសំណល់ចេញពីរោងចក្រថាមពលនុយក្លេអ៊ែរ Fukushima Daiichi ចូលក្នុងមហាសមុទ្រប៉ាស៊ីហ្វិក ។

រុស្ស៊ីបានប្រកាសទៀតថា ការរឹតបន្តឹងនឹងធ្វើឡើងរហូតដល់មានព័ត៌មានចាំបាច់ស្តីពីសុវត្ថិភាពនៃអាហារសមុទ្រ ជប៉ុនត្រូវបានផ្តល់ជូន និងវិភាគដោយនិយតកររុស្ស៊ី ប៉ុន្តែការរឹតបន្តឹងនេះគឺបានចែកដាច់ពីគ្នារវាងការចែកចាយផលិតផលសមុទ្រ និងផលិតផលកែច្នៃរបស់ជប៉ុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ពាក់ព័ន្ធទៅនឹងការបង្ហូរទឹកសំណល់ចេញពីរោងចក្រថាមពលនុយក្លេអ៊ែរនេះដែរ ទីភ្នាក់ងារថាមពលបរមាណូអន្តរជាតិ (IAEA) ធ្លាប់បាននិយាយហើយថា វាគឺស្របតាមស្តង់ដារសុវត្ថិភាពអន្តរជាតិ ដូច្នេះនឹងមិនមានផលប៉ះពាល់អ្វីដល់អាហារសមុទ្រនោះទេ ។

គួរបញ្ជាក់ថា ចិនបានផ្អាកការនាំចូលអាហារសមុទ្រពីប្រទេសជប៉ុនកាលពីចុងខែសីហា ដើម្បីជាការឆ្លើយតបទៅនឹងការបង្ហូរទឹកសំណល់ចេញពីរោងចក្រថាមពលនុយក្លេអ៊ែរ Fukushima Daiichi ខណៈបច្ចុប្បន្ន រដ្ឋាភិបាលជប៉ុនបាននិងកំពុងជំរុញក្រុងប៉េកាំងឲ្យដកការផ្អាកការនាំចូលនេះផងដែរ ៕

ប្រែសម្រួល៖ នាង រតនៈ

ប្រភព៖ NHK