ព័ត៌មានជាតិ
អាជ្ញាធរខេត្តកោះកុង ជំរុញបន្តសហការសម្រួលចុះឈ្មោះបោះឆ្នោតជ្រើសតាំងសមាជិកព្រឹទ្ធសភា
លោកអភិបាលរងខេត្តកោះកុង បានជំរុញដល់អាជ្ញាធរសមត្ថកិច្ចជំនាញ និងតំណាងគណបក្សនយោបាយទាំងអស់ក្នុងខេត្ត ត្រូវសហការសម្របសម្រួលដល់ដំណើរការចុះឈ្មោះសមាជិកក្រុមប្រឹក្សាឃុំសង្កាត់ សម្រាប់ការបោះឆ្នោតជ្រើសតាំងសមាជិកព្រឹទ្ធសភា។
ថ្លែងក្នុងកិច្ចប្រជុំផ្សព្វផ្សាយស្តីពីដំណើរការចុះឈ្មោះបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធ នីតិកាលទី ៥ និងផ្សព្វផ្សាយពីលទ្ធផលបណ្ដោះអាសន្នពីការពិនិត្យលើបញ្ជីឈ្មោះ និងចុះឈ្មោះបោះឆ្នោត ២០២៣ លោក ស្រេង ហុង អភិបាលរងខេត្តកោះកុង លើកទឹកចិត្តដល់ភាគីពាក់ព័ន្ធទាំងអស់ ត្រូវបានសហការគ្នាឲ្យជិតស្និទ្ធ ដើម្បីសម្រេចតាមផែនការរបស់ គ.ជ.ប លើការចុះឈ្មោះសមាជិកក្រុមប្រឹក្សាឃុំសង្កាត់ ដែលផ្តើមនៅថ្ងៃទី ១៨ ខែតុលា ស្អែកនេះ។
លោកអភិបាលរងខេត្ត បន្ថែមនៅថ្ងៃទី ១៧ ខែតុលា ថា ឆ្លងតាមបទពិសោធន៍កន្លងទៅ អ្នកពាក់ព័ន្ធចូលរួមធ្វើបានល្អប្រសើររលូនមិនកកស្ទះដល់ការដំណើរការចុះឈ្មោះបោះឆ្នោត ឬការបោះឆ្នោតជ្រើសរើសក្រុមប្រឹក្សាឃុំសង្កាត់ និងបោះឆ្នោតជ្រើសតាំងតំណាងរាស្ត្រ ពោលគឺអនុវត្តល្អទៅតាមគោលការណ៍នីតិវិធីរបស់ គ.ជ.ប។ ទន្ទឹមនោះ លោកក៏ស្នើដល់តំណាងគណបក្សនយោបាយមួយចំនួន សូមគោរពទៅតាមនីតិវិធី ឬគោលការណ៍ណែនាំរបស់ គ.ជ.ប ដែលបានសម្រេច ចៀសវាងបង្កបាតុភាពមិនល្អណាមួយធ្វើឲ្យប៉ះពាល់សន្តិសុខសណ្ដាប់ធ្នាប់សង្គម។
ចំណែកឯលោក សេង ណេង ប្រធានលេខាធិការដ្ឋានរៀបចំការបោះឆ្នោតខេត្តកោះកុង បានលើកឡើងថា ដំណើរការចុះឈ្មោះបញ្ជីបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ នឹងផ្តើមអនុវត្តចាប់ពីថ្ងៃទី ១៨ ខែតុលា ដល់ថ្ងៃទី ៦ ខែវិច្ឆិកា ខាងមុខ ក្នុងន័យសំដៅធ្វើយ៉ាងណាទទួលបានទិន្នន័យច្បាស់លាស់ជាក់លាក់បញ្ចូលក្នុងបញ្ជីឈ្មោះបោះឆ្នោតទៅប្រតិទិនរបស់ គ.ជ.ប។
លោក សេង ណេង អះអាងថា ខេត្តកោះកុង មានសមាជិក សមាជិកក្រុមប្រឹក្សាឃុំសង្កាត់ចំនួន ១៦៨ រូប ដែលនឹងត្រូវបានមកចុះឈ្មោះក្នុងបញ្ជីបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នៅឆ្នាំ ២០២៤ ដោយមានតែការិយាល័យបោះឆ្នោត ១ ប៉ុណ្ណោះ។ ក្នុងនោះមានគណបក្សនយោបាយប្រកួតប្រជែងចំនួន ៣ បក្ស គឺ ទី១.គណបក្សប្រជាជនកម្ពុជា ទី២.គណបក្សភ្លើងទៀន និងទី៣.គណបក្សយុវជនកម្ពុជា។
យោងតាមសេចក្ដីជូនដំណឹងប្រធាន គ.ជ.ប បង្ហាញថា អភិបាលរាជធានី និងខេត្ត នៅពេលទទួលបានបញ្ជីឈ្មោះសមាជិកក្រុមប្រឹក្សាឃុំសង្កាត់ ទាំងអស់ក្នុងតំណែង និងរាយការណ៍សរុបលទ្ធផល នៃការចុះបោះឆ្នោតពីឃុំសង្កាត់នានា ស្ថិតក្នុងរាជធានី-ខេត្ត។ អភិបាលរាជធានីខេត្ត ត្រូវពិនិត្យ និងផ្ទៀងផ្ទាត់បញ្ជីឈ្មោះសមាជិកទាំងអស់នោះឡើងវិញ៕
អត្ថបទ ៖ សិរីវឌ្ឍនៈ
សួនផ្កាសិប្បនិម្មិត កំពុងទាក់ទាញទេសចរទៅកម្សាន្ដ
ត្រាំ បញ្ជូនទ័ព ១ ៥០០នាក់ ទៅព្រំដែនម៉ិកស៊ិក ដើម្បីបង្ក្រាបជនអន្តោប្រវេសន៍
ផ្លូវមួយកន្លែងក្នុងមូលដ្ឋានសង្កាត់ផ្សារដើមគ ក្លាយជាកន្លែងគំនរសំរាម ខណៈអាជ្ញាធរថា នឹងដាក់កម្លាំងឃ្លាំមើលអ្នកលួចចោល
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់