ជីវិតកម្សាន្ដ

អ្នកនិពន្ធ សួន ពិសិដ្ឋ ប្រាប់មូលហេតុទុកសក់វែងរយៈពេល ២ ឆ្នាំ

បានផុស

១ year មុន

នៅ

ថ្ងៃពុធ ១៨ តុលា ២០២៣

ដោយ

កន្លងមកមានអ្នកគាំទ្រមួយចំនួនតែងលួចសួរដោយមានចម្ងល់ជុំវិញ អ្នកនិពន្ធល្បីឈ្មោះ សួន ពិសិដ្ឋ ទុកសក់វែងខុសពីធម្មតា។ ចម្លើយមិនត្រូវបានបញ្ជាក់ទេកាលពីកន្លងមក ប៉ុន្តែមកដល់ពេលនេះ ស្រាប់តែលោក សួន ពិសិដ្ឋ សម្រេចប្រាប់ពីមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សួន ពិសិដ្ឋ បញ្ជាក់ថា បើគិតមកដល់ពេលឥឡូវសក់វែងនេះ គឺលោកត្រូវទុកក្នុងរយៈពេល ២ ឆ្នាំ មកហើយ។ ចំពោះមូលហេតុ ដោយសារតម្រូវតាមការចង់បានរបស់អ្នកដឹកនាំរឿងម្នាក់ដែលចង់ឲ្យលោកទុកដើម្បីក្លាយជាតួអង្គសម្តែងជាមនុស្សជំនាន់ដើមនាសម័យអង្គរ។ លោកថា «សក់វែងនេះ ខ្ញុំត្រូវទុកក្នុងរយៈពេល ២ ឆ្នាំ ដើម្បីថតភាពយន្តនៅក្នុងអំឡុងពេលថតខ្សែភាពយន្តនេះ»។

អ្នកនិពន្ធរូបនេះនិយាយថា «នេះជាមូលហេតុដែលខ្ញុំទុកសក់វែងជាថ្មីម្ដងទៀត គឺដោយសារតម្រូវក្លាយខ្លួនវិលត្រឡប់ពេលវេលាជាមនុស្សជំនាន់ដើមនាសម័យអង្គរ តម្រូវសក់វែង និងបួងសក់ឡើង និងតម្រូវជាតួអង្គធំមួយនៅក្នុងវណ្ណកម្ម នៃខ្សែភាពយន្ដភាគខ្នាតធំគឺរឿង “អប្សរាមហាអង្គរ” ដែលជាស្នាដៃដឹកនាំរឿងដឹកនាំសម្ដែងដោយលោកគ្រូ ហ្វៃ សំអាង និងជាស្នាដៃតែងនិពន្ធរឿងដោយលោកគ្រូ ហ្វៃ សំអាង និងលោកគ្រូ យូ សុភា»។

ជាមួយនេះ លោក សួន ពិសិដ្ឋ ក៏បានអរគុណមហាជនដែលតែងតែគាំទ្រដល់លោក មិនថាក្នុងវិស័យតន្ត្រីចម្រៀង វិស័យភាពយន្ត វិស័យពាណិជ្ជកម្ម ឬ ក៏ការចែករំលែកនូវចំណេះដឹងផ្នត់គំនិតទស្សនៈ និងបទពិសោធន៍ជីវិត។

គួរជម្រាបថា ចាប់ប្រឡូកវិស័យសិល្បៈរយៈពេលយូរឆ្នាំមកនេះ អ្នកនិពន្ធល្បីឈ្មោះលោក សួន ពិសិដ្ឋ បានសាងស្នាដៃជាច្រើនតាមរយៈការនិពន្ធបទចម្រៀងល្បី និងពីរោះៗ សម្រាប់អ្នកសិល្បៈច្រើនដួង។ កាន់តែពិសេសថែមទាំងនោះ លោក សួន ពិសិដ្ឋ ក៏មានទេពកោសល្យផ្នែកសម្តែងទៀតផង៕

អត្ថបទ ៖ ចាន់រ៉ា