ព័ត៌មានអន្ដរជាតិ

អាមេរិក ជំទាស់បទឈប់បាញ់មនុស្សធម៌ ក្នុងជម្លោះអ៊ីស្រាអែល-ហាម៉ាស់

បានផុស

១ year មុន

នៅ

ថ្ងៃព្រហស្បតិ៍ ១៩ តុលា ២០២៣

ដោយ

កាលពីថ្ងៃពុធទី១៨ខែតុលា សហរដ្ឋអាមេរិក បានវេតូលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលនឹងអំពាវនាវឲ្យមានការផ្អាកផ្នែកមនុស្សធម៌ ក្នុងជម្លោះរវាងអ៊ីស្រាអែលនិងក្រុមសកម្មប្រយុទ្ធប៉ាឡេស្ទីន ហាម៉ាស់ ដើម្បីអនុញ្ញាតឲ្យជំនួយមនុស្សធម៌ អាចចូលទៅកាន់តំបន់ ហ្គាហ្សាស្រ្ទីប បាន។

កិច្ចប្រជុំរបស់ក្រុមប្រឹក្សាសន្តិសុខអង្គការសហប្រជាជាតិ (រូបថត៖ AFP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតលើអត្ថបទដែលព្រាងដោយប្រេស៊ីល ត្រូវបានពន្យារពេលពីរដងរួចមកហើយ ក្នុងរយៈពេលប៉ុន្មានថ្ងៃកន្លងមកនេះ ហើយកាលពីថ្ងៃពុធ សមាជិកចំនួន១២ប្រទេស បានបោះឆ្នោតគាំទ្រលើសេចក្តីព្រាងអត្ថបទ ខណៈរុស្ស៊ី និងអង់គ្លេស អនុបវាទ។

នៅថ្ងៃនោះដែរ អគ្គលេខាធិការ UN លោក Antonio Guterres បានអំពាវនាវឲ្យមានបទឈប់បាញ់មនុស្សធម៌ជាបន្ទាន់ ដើម្បីអនុញ្ញាតឲ្យមានការដោះលែងចំណាប់ខ្មាំង និងបើកផ្លូវឲ្យជំនួយមនុស្សធម៌ ចូលទៅកាន់តំបន់ហ្គាហ្សា។

សេចក្តីព្រាងនេះ ក៏ជំរុញអ៊ីស្រាអែល ត្រូវលុបចោលបញ្ជារបស់ខ្លួន ដែលឲ្យជនស៊ីវិល និងបុគ្គលិក UN នៅហ្គាហ្សា រើទៅភាគខាងត្បូងនៃតំបន់ប៉ាឡេស្ទីន និងថ្កោលទោស ការវាយប្រហារភេរវកម្មដោយក្រុមហាម៉ាស់ផងដែរ។

អ៊ីស្រាអែលកាលពីសប្តាហ៍មុន បានបញ្ជាឲ្យប្រជាជនប្រហែល ១.១លាននាក់នៅក្នុងតំបន់ហ្គាហ្សា ត្រូវរើទៅភាគខាងត្បូង។ ការអំពាវនាវនោះធ្វើឡើង ខណៈអ៊ីស្រាអែល ត្រៀមលក្ខណៈសម្រាប់ការវាយលុកដីគោក ដើម្បីសងសឹក ចំពោះការវាយប្រហារដ៏អាក្រក់បំផុតរបស់ក្រុមហាម៉ាស់នៅក្នុងប្រវត្តិសាស្ត្រ ៧៥ឆ្នាំរបស់អ៊ីស្រាអែល៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ប៉ាឡេស្ទីន អង្វរករឲ្យអន្តរជាតិកុំលម្អៀង ត្រូវទប់ស្កាត់អំពើប្រល័យពូជសាសន៍ របស់អ៊ីស្រាអែល