ជីវិតកម្សាន្ដ

ពេជ្រ វត្តីសារ៉ាវឌ្ឍី រំលេចខ្លួនក្នុងឈុតប្រពៃណីលើទឹកដីវៀតណាម ទទួលបានការគាំទ្រយ៉ាងច្រើន

បានផុស

១ year មុន

នៅ

ថ្ងៃសៅរ៍ ២១ តុលា ២០២៣

ដោយ

កញ្ញា ពេជ្រ វត្តីសារ៉ាវឌ្ឍី ម្ចាស់មកុដ Miss Grand Cambodia 2022 បង្ហាញវត្តមានយ៉ាងភ្ញាក់ផ្អើលនៅលើទឹកដីប្រទេសវៀតណាម ខណៈការប្រកួត Miss Grand International 2023 នៅទឹកដីនោះ បានកំពុងដំណើរការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរចេញទៅប្រទេសវៀតណាមរបស់កញ្ញា ពេជ្រ វត្តីសារ៉ាវឌ្ឍី ត្រូវបានគេរំពឹងថា ស្រីស្អាតរូបនេះធ្វើឡើងក្នុងគោលបំណងដើម្បីលើកទឹកចិត្តសិស្សប្អូន ភឹម ស្រីនោ តំណាងឲ្យប្រទេសកម្ពុជា ក៏ដូចជាលើកទឹកចិត្តដល់បណ្តាបេក្ខភាពផ្សេងៗទៀតកំឡុងពេលប្រកួតលើឆាកអន្តជាតិដណ្ដើមមកុដ MGI 2023។

ការបង្ហាញវត្តមាននៅលើឆាក Miss Grand International 2023 នេះដែរ គេឃើញ វត្តីសារ៉ាវឌ្ឍី រំលេចខ្លួនក្នុងសម្លៀកបំពាក់ប្រពៃណីបែបនារីខ្មែរយ៉ាងស្រស់ស្អាតជាមួយស្នាមញញឹមដោយភាពទាក់ទាញ។ ក្នុងនោះ ពេជ្រ វត្តីសារ៉ាវឌ្ឍី បានបញ្ចេញសំណេរខ្លីថា «ចូលរួមកម្មវិធីប្រកួតឈុតតំណាងជាតិ Miss Grand International 2023»។ យ៉ាងណា រូបភាពនេះ ក៏ទទួលបានការកោតសរសើរច្រើនពីសំណាក់អ្នកគាំទ្រ។

ប្រាកដណាស់ម្ចាស់មកុដ Miss Grand Cambodia 2022កញ្ញា ពេជ្រ វត្តីសារ៉ាវឌ្ឍី បច្ចុប្បន្នគេសង្កេតឃើញថា ទាំងប្រជាប្រិយភាព និងសន្ទុះ នៃការគាំទ្រ ហាក់ហក់ឡើងមិនចាញ់តារាឯទៀតនោះឡើយ។ មិនតែប៉ុណ្ណោះ រូបសម្ផស្សរបស់នាង ក៏ជាផលវិជ្ជមានក្នុងការទាក់ទាញបុរសៗ ឲ្យលង់ស្រលាញ់ទៀតផង។

គួររម្លឹកថា កញ្ញា ពេជ្រ វត្តីសារ៉ាវឌ្ឍី ជាបវរកញ្ញាតំណាងកម្ពុជាក្នុងការចេញទៅប្រកួតលើឆាកអន្តរជាតិនាកំឡុងខែតុលា ចុងឆ្នាំ ២០២២។ យ៉ាងណាមិញ ទោះបីនាងមិនអាចឆ្លងចូលទៅក្នុង Top5 នៃការប្រកួតវគ្គផ្ដាច់ព្រ័ត្រ MGI 2022 នៅឯប្រទេសឥណ្ឌូណេស៊ី ពិតមែន តែបវរកញ្ញារូបនេះ នៅតែរក្សាបានការគាំទ្រ លើកទឹកចិត្តខ្លាំង ពីសំណាក់ប្រជាជនកម្ពុជាគ្រប់រូប៕

អត្ថបទ ៖ ចាន់រ៉ា