Apple ជិតដាក់លក់ខ្មៅដៃថ្មី ក្នុងតម្លៃសមរម្យ ជាមួយការសាកថ្មប្រើ USB-C

ក្រុមហ៊ុន Apple បានណែនាំខ្មៅដៃឆ្លាតវៃថ្មីមួយដែលមានតម្លៃថោក និងសមរម្យទៅកាន់ត្រកូលរបស់ខ្លួនដែលមានតម្លៃខ្ពស់ៗ ។

ខ្មៅដៃ Apple ថ្មី​នេះក៏​អាច​ប្រើ​លើ iPad Pro M2 ផងដែរ ប៉ុន្តែមិនគាំទ្រការប្រែលប្រួលសម្ពាធ និងមុខងារចុចពីរដងដើម្បីផ្លាស់ប្តូរការប្រើប្រាស់នោះទេ ។

គួរបញ្ជាក់ថា ខ្មៅដៃ Apple មិនមានការបញ្ចូលថ្មឥតខ្សែនោះទេ វាមានរន្ធ USB-C លាក់ដោយគម្របរអិលសម្រាប់បញ្ចូលថ្ម ។ បើប្រៀបធៀបទៅនឹង ខ្មៅដៃ ជំនាន់ទី ២ ខ្មៅដៃថ្មីនេះ គឺមានភាពរអាក់រអួលបន្តិច ដោយសារអ្នកប្រើត្រូវការខ្សែ USB ដើម្បីសាក ។

មួយវិញទៀត ខ្មៅដៃ Apple ថ្មី​ឆក់ទៅនឹងចំហៀងនៃ iPad ដូច្នេះពេលអត់ប្រើ វានឹងដំណើរការការសន្សំសំចៃថ្មដោយស្វ័យប្រវត្តិ ។ ចំណែកឯតម្លៃវិញត្រឹមតែ ១១៩ ដុល្លារប៉ុណ្ណោះ ហើយដាក់លក់ក្នុងទីផ្សារចាប់ពីដើមខែវិច្ឆិកា ឆ្នាំ ២០២៣ ឆាប់ៗនេះ ៕

ប្រែសម្រួល៖ វារី

ប្រភព៖ asianone

ចុចអាន៖ ភាគហ៊ុនក្រុមហ៊ុនទទួលសិទ្ធិផលិតទូរសព្ទ iPhone របស់ តៃវ៉ាន់ ធ្លាក់ចុះ ៣ ភាគរយ