ព័ត៌មានជាតិ
ថ្នាក់ដឹកនាំធនាគារជំរុញដល់អតិថិជនអង្គុយជជែកគ្នាត្រង់ៗ ករណីជួបបញ្ហាមិនមានលទ្ធភាពសងបំណុល
ក្នុងកិច្ចពិភាក្សាជុំវិញប្រធានបទការគ្រប់គ្រងបំណុល ដែលរៀបចំឡើយដោយសភាពាណិជ្ជកម្មអាមេរិកប្រចាំនៅកម្ពុជាកាលពីសប្តាហ៍មុននេះ ថ្នាក់ដឹកនាំធនាគារមួយចំនួនបានជំរុញដល់អតិថិជនដែលមានបញ្ហាហិរញ្ញវត្ថុគ្មានលទ្ធភាពទូទាត់បំណុលធនាគារ គួរអង្គុយជជែកពិភាក្សាគ្នាដើម្បីរកច្រកដោះស្រាយបញ្ហា។
លោក Jean Pierre Gagnon អនុប្រធាននាយកប្រតិបត្តិធនាគារស្ថាបនាបានគូសបញ្ជាក់ថា អតិថិជនដែលជួបបញ្ហាមិនមានលទ្ធភាពទូទាត់បំណុល គួរអង្គុយជជែកគ្នាដើម្បីរកដំណោះស្រាយនិងការសម្របសម្រួល។ ការអង្គុយជជែកគ្នាត្រង់ៗជាគន្លឹះដើម្បីរួមគ្នារកដំណោះស្រាយ។
លោកថា ស្ថានភាពសេដ្ឋកិច្ចពេលនេះ អតិថិជនមួយចំនួនអាចជួបបញ្ហាបំណុល ខណៈធនាគារក៏នឹងខិតខំរកនីតិវិធីដើម្បីរកផ្លូវឈ្នះទាំងអស់គ្នា។
ជុំវិញបញ្ហានេះ លោក ហុង សុខឡេង អគ្គនាយកធនាគារ BIC ក៏លើកឡើងថា វិបត្តិបំណុលប៉ះពាល់ទាំងអតិថិជននិងធនាគារដែលផ្តល់កម្ចី។
ខាងធនាគារមិនចង់ឈានទៅរកផ្លូវច្បាប់ ដែលនាំឲ្យប៉ះពាល់ផលប្រយោជន៍ទាំងអតិថិជននិងធនាគារនោះទេ។ បើតាមអគ្គនាយកធនាគារ BIC មានតែការជជែកគ្នាត្រង់ៗទេ ទើបអាចរកច្រកចេញបាន។
បើយោងតាមរបាយការណ៍របស់ក្រុមហ៊ុនក្រេឌីតប្យួរ៉ូកម្ពុជា (CBC) កាលពីពេលថ្មីៗនេះបានបង្ហាញពីការកើនឡើងបំណុលមិនអាចសងត្រឡប់វិញបានរបស់អតិថិជនកម្ចីពីគ្រឹះស្ថានហិរញ្ញវត្ថុ។ ស្ថាប័នដែលផ្តល់សេវាវិភាគព័ត៌មានហិរញ្ញវត្ថុនិងរបាយការណ៍ឥណទានអតិថិជន បានក្រើនរំលឹកដល់ស្ថាប័នហិរញ្ញវត្ថុទាំងអស់ត្រូវបង្កើតយន្តការក្នុងការគ្រប់គ្រងបំណុល។ តាមស្ថាប័ននេះ ការប្រើប្រាស់បច្ចេកវិទ្យានឹងរួមចំណែកបង្កើនប្រសិទ្ធភាពលើការគ្រប់គ្រងបំណុល និងបញ្ចៀសហានិភ័យផ្សេងៗ។
នាយកប្រតិបត្តិការិយាល័យមេធាវី សិដ្ឋាល័យ អ្នកស្រី សុខ វណ្ណសិកា បានគូសបញ្ជាក់ថា ការខកខានក្នុងការទូទាត់បំណុលទាន់ពេលវេលា តាមផ្លូវច្បាប់ស្មើបំពានកិច្ចសន្យា។
យ៉ាងណាមិញបើតាមអ្នកច្បាប់រូបនេះ ជាទូទៅធនាគារគេអត់ចង់អនុវត្តនីតិវិធីតាមផ្លូវតុលាការនោះទេ បើអតិថិជនចូលខ្លួនដោះស្រាយ។ ជាក់ស្ដែងធនាគារតែងតែចង់ដោះស្រាយក្រៅប្រព័ន្ធតុលាការ តាមរយៈការសម្របសម្រួលជាមួយអតិថិជន។ ប៉ុន្តែបើគ្មានការសម្របសម្រួលណាមួយទេ ចំណាត់ការតាមផ្លូវច្បាប់អាចឈានទៅរិបអូសទ្រព្យសម្បត្តិអតិថិជនដើម្បីទូទាត់បំណុលដែលបានជំពាក់៕
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៩ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២២ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan