កីឡា
Leduc ហាក់ស្ងប់ស្ងាត់ ស្របពេល ព្រំ សំណាង បង្ហាញការហ្វឹកហាត់សកម្មជាមួយគ្រូ១០រូប
កីឡាករប្រដាល់មីយ៉ាន់ម៉ា Dave Leduc ហាក់មិនបង្ហាញសកម្មភាពហ្វឹកហាត់អ្វីគួរឲ្យកត់សំគាល់ទេមួយរយៈពេលចុងក្រោយ ក្រៅពីការបង្ហោះខិត្តប័ណ្ណផ្សព្វផ្សាយពីកម្មវិធីប្រកួតនៅថ្ងៃទី៥ ខែវិច្ឆិកា ឆ្នាំ២០២៣ ជាមួយអ្នកលេងគុនខ្មែរ ព្រំ សំណាង។
ផ្ទុយទៅវិញ ព្រំ សំណាង កាន់តែបង្ហាញសកម្មភាពហ្វឹកហាត់យ៉ាងសកម្មដោយមានគ្រូធំ និងគ្រូជំនួយ១០រូប។ កាលពីថ្ងៃទី២៥ ខែតុលា គ្រូធំ និងគ្រូជំនួយទាំង១០រូបបានមកជួបជុំគ្នានៅក្លិបហ្វឹកហាត់ក្នុងផ្សារទំនើបអូឡាំព្យា។ ពួកគាត់បានទស្សនា និងវិភាគវីដេអូប្រកួតរបស់ Dave Leduc ដោយគ្រូម្នាក់ៗចាប់ចំណុចខ្លាំង និងចំណុចខ្សោយរបស់កីឡាករប្រដាល់មីយ៉ាន់ម៉ាដើម្បីត្រៀមក្បាច់វ៉ៃ និងការពារ។
ជាពិសេសមានវីដេអូឃ្លីបខ្លះត្រូវបានបង្ហាញជាសាធារណៈដែលឃើញលោកគ្រូ នួន ភារម្យ និងលោកគ្រូ អេ ភូថង បង្ហាញស្នៀតពិសេសៗដល់ ព្រំ សំណាង ដែលមើលទៅពិតជាគួរឲ្យចាប់អារម្មណ៍។
ងាកទៅកីឡាករដែលគេហៅស្តេចប្រដាល់មីយ៉ាន់ម៉ា Dave Leduc ហាក់មិនបង្ហាញសកម្មភាពហ្វឹកហាត់ឡើយមួយរយៈពេលចុងក្រោយ។ កន្លងមកកីឡាករមីយ៉ាន់ម៉ារូបនេះតែងតែមានសង្គ្រាមពាក្យសំដីជាមួយកីឡាករកម្ពុជានៅលើបណ្តាញទំនាក់ទំនងសង្គម។ សូម្បីតែអ្នកគាំទ្រសួរ ឬមានមតិតាមបណ្តាញសង្គមក៏រូបគេឆ្លើយឆ្លងដែរ។
ការបង្ហាញសកម្មភាពហ្វឹកហាត់ចុងក្រោយបំផុតរបស់ Leduc គឺនៅថ្ងៃទី២៨ ខែកញ្ញា និងយកវីដេអូហ្វឹកហាត់របស់ ព្រំ សំណាង ទៅបង្ហោះនៅថ្ងៃទី៥ ខែតុលា ឆ្នាំ២០២៥។ ចាប់តាំងពីនោះមក រូបគេបង្ហោះតែបង្ហោះតែខិត្តប័ណ្ណផ្សព្វផ្សាយប៉ុណ្ណោះ។
គ្រូបង្វឹកទាំង១០រូបសុទ្ធតែជាអតីតជើងខ្លាំងគុនខ្មែរ និងជាគ្រូបង្វឹកមកពីក្លិបផ្សេងៗគ្នា។ ពួកគេបានជួបជុំគ្នាសិក្សា វិភាគដៃគូប្រកួត បង្ហាត់ស្នៀតពិសេសៗតាមជំនាញរបស់គ្រូបង្វឹកម្នាក់ៗ ការថែមទាំសុខភាព និងរាងកាយឲ្យបានល្អដិតដល់។
ខាងក្រោមជាគ្រូបង្វឹកទាំង១០រូប
- សេន ប៊ុនថេន
- ពេជ្រ សុផាន់
- ប៉ឹត ខាំ
- ឡៅ ស៊ីណាត
- វង្ស ស៊ីថៃ
- នួន ភារម្យ
- អេ ភូថង
- វ៉ន វីវ៉ា
- ម៉ាក់ សាមឿន
- ជា ស្រួច
មែនទែនទៅ ព្រំ សំណាង បានហ្វឹកហាត់ និងប្រកួតជាប្រចាំក្នុងរយៈពេល២ឆ្នាំចុងក្រោយ ខណៈ Dave Leduc ខានប្រកួតយូរហើយបើគិតចាប់តាំងពីប្រកួតចុងក្រោយកាលពីចុងឆ្នាំ២០២០៕
អត្ថបទ៖ វីរបុត្រ
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា