ព័ត៌មានជាតិ
ឯកឧត្ដម ហ៊ុន ម៉ានី ៖ បើបុគ្គលម្នាក់ មានចក្ខុវិស័យ ជំនាញ តែអត្តចរិតមិនល្អ ក៏គ្មានលក្ខណៈសម្បត្តិគ្រប់គ្រាន់ដឹកនាំកិច្ចការឲ្យមានប្រសិទ្ធភាពឡើយ
ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ សង្កត់ធ្ងន់ថា បើបុគ្គលម្នាក់ មានចក្ខុវិស័យ ជំនាញ តែអត្តចរិតមិនល្អ ក៏បុគ្គលនោះ គ្មានលក្ខណៈសម្បត្តិគ្រប់គ្រាន់ក្នុងការដឹកនាំកិច្ចការនានា ឲ្យមានគុណភាព និងប្រសិទ្ធភាពឡើយ។
ការសង្កត់ធ្ងន់នេះ ក្នុងឱកាស ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានក្រុមប្រឹក្សាសាលាភូមិន្ទរដ្ឋបាល បានអញ្ជើញជាអធិបតីក្នុង«ពិធីបិទវគ្គបណ្ដុះបណ្ដាលមន្ត្រីជាន់ខ្ពស់ ជំនាន់ទី ១ និងបើកវគ្គបណ្ដុះបណ្ដាលតម្រង់ទិសដំបូងមន្ត្រីគ្រប់គ្រងរដ្ឋបាល ក្របខ័ណ្ឌថ្មី ឆ្នាំ ២០២៣ នៃក្រសួងអប់រំ យុវជន និងកីឡា” នៅសាលសហសិក្សាសាលាភូមិន្ទរដ្ឋបាល កាលពីព្រឹកថ្ងៃទី ២៦ ខែតុលា ឆ្នាំ ២០២៣។
ឯកឧត្ដម ហ៊ុន ម៉ានី មានប្រសាសន៍ថា ដើម្បីសម្រេចបានចក្ខុវិស័យទៅថ្ងៃអនាគត បុគ្គលគ្រប់រូប ចាំបាច់ត្រូវមានសមត្ថភាពបច្ចេកទេសរៀងៗ ខ្លួន ហើយត្រូវដុសខាត់សម្រួច ចំណេះ ជំនាញរបស់ខ្លួនជាប្រចាំ។ ឯកឧត្ដម សង្កត់ធ្ងន់ថា «ដោយឡែក ទោះបីជាបុគ្គលម្នាក់ មានចក្ខុវិស័យ មានជំនាញ តែមិនមានអត្តចរិតល្អ ក៏បុគ្គលម្នាក់នោះ មិនទាន់មានលក្ខណៈសម្បត្តិគ្រប់គ្រាន់ក្នុងការដឹកនាំកិច្ចការនានា មានគុណភាព និងប្រសិទ្ធភាពនោះឡើយ»។
ឯកឧត្ដម ហ៊ុន ម៉ានី លើកឡើងថា «បុគ្គលគ្រប់រូប សុទ្ធតែមានចក្ខុវិស័យផ្ទាល់ខ្លួន ដើម្បីការរីកចម្រើនទៅថ្ងៃអនាគត។ ហើយសម្រាប់ព្រះរាជាណាចក្រកម្ពុជា យើងមានចក្ខុវិស័យសម្រាប់ប្រទេសជាតិរបស់យើង នោះគឺ ចក្ខុវិស័យឆ្នាំ ២០៣០ និង ២០៥០»។
ឯកឧត្ដម ហ៊ុន ម៉ានី រំលឹកថា ឯកឧត្ដម តែងតែចងចាំសារដាស់តឿនរបស់ សម្ដេចតេជោ មួយឃ្លាថា «ជាតិជាមន្ត្រីល្អ ដាក់ខ្លួនឲ្យទាប ឫកពាឲ្យសុភាព មារយាទឲ្យខ្ពស់ កុំបាត់ម្ចាស់ការ»។ ឯកឧត្ដម បន្ថែមថា ថ្ងៃនេះ ឯកឧត្ដម បានចែករំលែកសារនេះជាមួយសិក្ខាកាម នៃសាលាភូមិន្ទរដ្ឋបាល ដែលជាមន្ត្រីជាន់ខ្ពស់ និងមន្ត្រីគ្រប់គ្រងរដ្ឋបាល ក្របខ័ណ្ឌថ្មី ឆ្នាំ ២០២៣។
ជាមួយគ្នានេះ ឯកឧត្ដមរដ្ឋមន្ត្រីក្រសួងមុខងារសាធារណៈ បានបន្តថា ជាការពិត ការបណ្ដុះបណ្ដាលអភិវឌ្ឍន៍សមត្ថភាពវិជ្ជាជីវៈមានសារៈសំខាន់ តែមន្ត្រីដែលមានឥរិយាបថការងារល្អ ការបំពេញការងារប្រកបដោយក្រមសីលធម៌ វិន័យ គុណភាព និងគុណធម៌ នឹងធានាបាននូវការឆ្លើយតបទៅនឹងសេចក្ដីត្រូវការរបស់ប្រជាជនទាំងក្នុងពេលបច្ចុប្បន្ន និងទៅអនាគត។ មិនខុសពីអ្វី ដែល ឯកឧត្ដម តែងតែបានលើកឡើងជារឿយៗ នោះទេ អ្នកដឹកនាំត្រូវការកត្តាចំនួនបី ដើម្បីជំរុញគុណភាព នៃភាពជាអ្នកដឹកនាំល្អ ក្នុងនោះរួមមាន ៖ ចក្ខុវិស័យ (Vision) ជំនាញ (Expertise) និងអត្តចរិតល្អ (Character)៕
អត្ថបទ ៖ ពិសី
អយ្យការអមសាលាដំបូងខេត្តសៀមរាប ធ្វើសន្និសីទសារព័ត៌មាន ពាក់ព័ន្ធករណីឃាតកម្មលើអ្នកកាសែត
ក្រសួងអប់រំ ថាខ្លួនមិនដែលទទួលសំណើរណាមួយ ក្នុងការបញ្ចូលភាសាវៀតណាមទៅក្នុងកម្មវិធីសិក្សាផ្លូវការឡើយ
សិស្សស្រីៗ០៨នាក់ ត្រូវបានកម្លាំងកងរាជអាវុធហត្ថឃាត់ខ្លួនធ្វើការអប់រំ ក្រោយបានណាត់វៃគ្នា បង្ករបួសស្នាម
ប្រមុខការទូតកម្ពុជា ជជែកជាមួយសមភាគីវៀតណាមលើការពង្រឹងកិច្ចសហប្រតិបត្តិការទ្វេភាគី
សហព័ន្ធបាល់ទាត់ស៊ីរី ប្តូរពណ៌ឯកសណ្ឋាន ក្រោយលោក អាសាដ បានដួលរំលំ
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
គ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ
សឿន វីតា កំពុងកៀរគរសប្បុរជនជួយនិស្សិតពេទ្យបញ្ចប់ការសិក្សាម្នាក់ ដែលត្រូវលាងឈាម (មានវីដេអូ)
រុស្ស៊ី ស្នើសុំក្រុមឧទ្ទាមស៊ីរី ដែលផ្ដួលរបប Assad រក្សាទុកមូលដ្ឋានយោធា២កន្លែង
ព្រាប សុវត្ថិ នៅតែឈរលើតំណែងតារាចម្រៀងជួរមុខលំដាប់ប្រទេស
-
ព័ត៌មានអន្ដរជាតិ៤ ថ្ងៃ ago១១ខែ វៀតណាម រញ្ជួយដី ៤៥៨លើក
-
សុខភាព២១ ម៉ោង agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៣ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ចរាចរណ៍៣ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ជីវិតកម្សាន្ដ៥ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ព័ត៌មានជាតិ៤ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សន្តិសុខសង្គម៦ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
បច្ចេកវិទ្យា៦ ថ្ងៃ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ