សេដ្ឋកិច្ច

ក្រុមហ៊ុន Amazon ចំណេញជិត ១០ ពាន់លានដុល្លារនៅត្រីមាសទី ៣

បានផុស

១ year មុន

នៅ

ថ្ងៃសុក្រ ២៧ តុលា ២០២៣

ដោយ

ក្រុមហ៊ុនយក្សអេឡិចត្រូនិក Amazon រកចំណូលបានជាង ១៤៣.១ ពាន់លានដុល្លារសម្រាប់ត្រីមាសទី ៣ ដោយកើនឡើង ១៣ ភាគរយ បើប្រៀបធៀបនឹងឆ្នាំមុន ខណៈប្រាក់ចំណេញនេះមានចំនួនជិត ១០ ពាន់លានដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលក់តាមវេបសាយរបស់ Amazon ប្រចាំត្រីមាសកើនឡើង ១២ ភាគរយ ដល់ ២៣.១ ពាន់លានដុល្លារ ។ ទន្ទឹមនឹងនេះ ប្រាក់ចំណូលពីការផ្សាយពាណិជ្ជកម្ម មានចំនួន ១២.១ ពាន់លានដុល្លារ កើនឡើង ២៦ ភាគរយ ធៀបនឹងរយៈពេលដូចគ្នាកាលពីឆ្នាំមុន ខណៈការលក់នៅអាមេរិកខាងជើង បានកើនឡើង ១១ ភាគរយ បើប្រៀបធៀបនឹងឆ្នាំមុនដល់ ៨៧.៩ ពាន់លានដុល្លារ ។

បន្ទាប់ពីបញ្ចេញរបាយការណ៍នៃប្រាក់ចំណូលហើយ ភាគហ៊ុន Amazon បានកើនឡើងច្រើនជាង ៣ ភាគរយភ្លាមៗ ។

តាមរយៈរបាយការណ៍នេះ ចំណូលរបស់ក្រុមហ៊ុន Amazon មានការកើនឡើងខ្ពស់ជាងក្រុមហ៊ុនដទៃផ្សេងទៀត រួមមានក្រុមហ៊ុនបច្ចេកវិទ្យា Microsoft, Google និង Meta ដែលជាសញ្ញាបង្ហាញថា ក្រុមហ៊ុន Amazon កំពុងត្រលប់មករកភាពល្អប្រសើរវិញ ។

គួរឲ្យដឹងថា កាលពីឆ្នាំមុន Amazon បានកាត់បន្ថយការងារប្រហែល ២៧,០០០ នាក់ នៃអាជីវកម្មតាមផ្នែករបស់ខ្លួន ។ ការបញ្ឈប់នេះចាប់ផ្តើមនៅក្នុងខែវិច្ឆិកា បន្ទាប់ពី ២ ភាគ ៤ នៃរបាយការណ៍ខាតបង់សុទ្ធកាលពីដើមឆ្នាំមុនដោយសារតែកត្តាម៉ាក្រូសេដ្ឋកិច្ច និងការពង្រីកហួសហេតុនៃក្រុមហ៊ុន ៕

ប្រែសម្រួល៖ នាង រតនៈ

ប្រភព៖ CNN