ព័ត៌មានអន្ដរជាតិ
អាមេរិក ជំរុញអ៊ីស្រាអែល ឲ្យការពារជនស៊ីវិល និងបង្កើនជំនួយដល់ តំបន់ហ្គាហ្សា
កាលពីថ្ងៃអាទិត្យទី២៩ខែតុលា សហរដ្ឋអាមេរិក បានជំរុញអ៊ីស្រាអែល ឲ្យការពារជនស៊ីវិលនៅតំបន់ហ្គាហ្សា និងអំពាវនាវឲ្យបង្កើនការផ្តល់ជំនួយមនុស្សធម៌ជាបន្ទាន់ ចំពេលមានការថ្កោលទោសកាន់តែខ្លាំង លើការបាត់បង់ជីវិតមនុស្សដោយសារអ៊ីស្រាអែលទម្លាក់គ្រាប់អស់រយៈពេល៣សប្តាហ៍។
សេតវិមាននិយាយថា លោកប្រធានាធិបតី Joe Biden បានប្រាប់នាយករដ្ឋមន្ត្រីអ៊ីស្រាអែល Benjamin Netanyahu នៅក្នុងការអំពាវនាវមួយថា អ៊ីស្រាអែលមានសិទ្ធិការពារខ្លួន ហើយគួរតែធ្វើដូច្នេះតាមរបៀបដែលស្របតាមច្បាប់អន្តរជាតិ ស្តីពីការការពារជនស៊ីវិល។
ស្របពេលជាមួយគ្នានោះ លោក Biden និង Netanyahu បានពិភាក្សាគ្នាអំពីកិច្ចខិតខំប្រឹងប្រែងដើម្បីការពារចំណាប់ខ្មាំងជាង២០០នាក់ ដែលត្រូវក្រុមសកម្មប្រយុទ្ធហាម៉ាស់ប៉ាឡេស្ទីនចាប់ខ្លួន ក្នុងការវាយប្រហារដ៏គួរឲ្យភ្ញាក់ផ្អើលមួយលើអ៊ីស្រាអែលកាលពីថ្ងៃទី៧ខែតុលា ដែលសម្លាប់មនុស្សប្រមាណ១៤០០នាក់។
យោងតាមសេតវិមាន, លោក Biden ក៏បានគូសបញ្ជាក់ផងដែរ អំពីតម្រូវការ ក្នុងការបង្កើនលំហូរនៃជំនួយមនុស្សធម៌ជាបន្ទាន់ និងសំខាន់ ដើម្បីបំពេញតម្រូវការរបស់ជនស៊ីវិលនៅក្នុងតំបន់ ហ្គាហ្សា ខណៈការផ្គត់ផ្គង់កំពុងធ្លាក់ចុះ។
សូមបញ្ជាក់ ដោយសារតែចំនួនមនុស្សស្លាប់នៅតំបន់ហ្គាហ្សាស្ទ្រីប បានឈានដល់ខ្ទង់ពាន់នាក់និងកំពុងកើនឡើងជាបន្តបន្ទាប់ រដ្ឋបាលរបស់លោក Biden បានស្ថិតនៅក្រោមសម្ពាធកាន់តែខ្លាំងឡើង ដើម្បីបញ្ជាក់ឲ្យច្បាស់ថា ការគាំទ្រដ៏ខ្ជាប់ខ្ជួនរបស់ខ្លួនចំពោះអ៊ីស្រាអែល នឹងមិនប្រែក្លាយទៅជាការធ្វើឲ្យទឹកដីហ្គាហ្សាត្រូវខ្ទេចខ្ទីនិងធ្វើបាបប្រជាជនប៉ាឡេស្ទីន ឲ្យរងទុក្ខវេទនានោះទេ៕
ប្រែសម្រួល៖ Vann Vann
ប្រភព៖ CNA
ចុចអាន៖ ប្រជាជននៅហ្គាហ្សាចាប់ផ្តើមចលាចល ដោយនាំគ្នាសម្រុកចូលឃ្លាំងស្តុក លួចយកជំនួយ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា