ព័ត៌មានជាតិ
លោក ជិន ម៉ាលីន ៖ ករណីលោក កឹម សុខា មិនមែនជាករណីអាទិភាព ដែលត្រូវលើកយកមកដោស្រាយមុនគេ
លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានថ្លែងប្រាប់កម្ពុជាថ្មីនារសៀលថ្ងៃទី០៦ ខែកុម្ភៈ នេះថា ការស្នើសុំបន្តសវនាការ គឺជាសិទ្ធិរបស់អ្នកស្នើ ប៉ុន្តែការសម្រេចស្ថិតនៅលើតុលាការ ម្យ៉ាងទៀតពេលនេះ តុលាការកំពុងតែមមាញឹកដោះស្រាយសំណុំរឿងកកស្ទះ ដូច្នេះសំណុំរឿងលោក កឹម សុខា ប្រហែលមិនមែនជាករណីអាទិភាព ដែលត្រូវយកមកដោះមុនគេនោះទេ។
លោក ជិន ម៉ាលីន បញ្ជាក់យ៉ាងដូច្នេះថា “ការស្នើសុំជាសិទ្ធិរបស់គាត់ ប៉ុន្តែការសម្រេចជាសិទ្ធិរបស់តុលាការ គ្មានអ្នកណាអាចបង្គាប់បញ្ជា ឬសម្រេចជំនួសតុលាការបានទេ ប៉ុន្តែបើតាមសង្កេតមើល ពេលនេះតុលាការកំពុងតែជាប់មមាញឹកនៅក្នុងយុទ្ធនាការដោះស្រាយការកកស្ទះក្នុងសំណុំរឿងព្រហ្មទណ្ឌ ហើយអាទិភាពនៃយុទ្ធនាការនេះ ផ្ដោតសំខាន់ទៅលើសំណុំរឿងព្រហ្មទណ្ឌ ដែលមានមនុស្សជាប់ឃុំ ដើម្បីឈានទៅដល់ការដោះស្រាយភាពចង្អៀតណែននៅក្នុងពន្ធនាគារ ដូច្នេះករណី កឹម សុខា នេះប្រហែលជាមិនមែនជាករណីអាទិភាព ដែលត្រូវយកមកដោះមុនគេនោះទេ ដោយសារ កឹម សុខា មិនជាប់នៅក្នុងឃុំទេ គាត់នៅក្រៅឃុំ និងមានសេរីភាព ដើរហើរ ជួបជុំ ប្រាស្រ័យទាក់ទងគ្រប់ពេលវេលាទាំងអស់ ប៉ុន្តែទោះជាយ៉ាងណា ការសម្រេចស្ថិតនៅលើតុលាការទាំងអស់ គ្មានអ្នកណាអាចបង្គាប់បញ្ជា ឬសម្រេចជំនួសតុលាការបានទេ”។
សូមបញ្ជាក់ថា កាលពីថ្ងៃទី២២ ខែមករា ឆ្នាំ២០២១ ក្រុមមេធាវីការពារក្តីលោក កឹម សុខា បានដាក់លិខិតជាថ្មី (លើកទី៣) ទៅសាលាដំបូងរាជធានីភ្នំពេញ ដើម្បីបន្តសវនាការជំនុំជម្រះលើសំណុំរឿងព្រហ្មទណ្ឌរបស់លោក គឹម សុខា ដែលបានផ្អាកកាលពីចុងខែមីនា ឆ្នាំ២០២០ ដោយសារតែការរីករាលដាលនៃជំងឺកូវីដ១៩ ហើយការស្នើសុំនេះ ដោយសំអាងថា ទី១, ដោយសារស្ថានភាពជំងឺ Covid-19 រាជរដ្ឋាភិបាលគ្រប់គ្រងបានទាំងស្រុងហើយ តាមរយៈក្រសួងសុខាភិបាល ទី២, ដើម្បីជៀសវាងការបន្តផ្អាកដំណើរការនីតិវិធី ជាពិសេសដើម្បីជៀសវាងការបន្តរំលោភបំពានលើសិទ្ធិ ក្នុងការទទួលបានការជំនុំជម្រះក្តីឆាប់រហ័ស និងយុត្តិធម៌របស់លោក កឹម សុខា។ ទី៣, ដើម្បីកុំឲ្យទុកសំណុំរឿងចាស់ចោលយូរពេក ពីព្រោះអង្គសវនាការបានធ្វើការដេញដោលយ៉ាងច្រើនរួចហើយ។
សំណុំរឿងសន្ទិដ្ឋិភាពជាមួយបរទេសរបស់លោក កឹម សុខា ត្រូវបានផ្អាកជាបណ្តោះអាសន្នតាមរយៈលិខិតជូន ដំណឹងមួយរបស់លោក កូយ សៅ ចៅក្រមជំនុំជម្រះ នៃសាលាដំបូងរាជធានីភ្នំពេញ កាលពីថ្ងៃទី២៣ ខែមីនា ឆ្នាំ ២០២០ ដោយសារតែមានការរីករាល ដាល នៃជំងឺកូវីដ១៩ ហើយនឹងបន្តលុះត្រាតែមានការជូនដំណឹងជាថ្មី។
កាលពីថ្ងៃទី០២ ខែកុម្ភៈ ឆ្នាំ២៩២១ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លោក កូយ សៅ បានបដិសេធការស្នើសុំបន្តសវនាការរបស់ក្រុមមេធាវីការពារក្តីលោក កឹម សុខា ដោយសំអាងថា ពេលនេះការរីករាលដាលនៃជំងឺ Covid-19 នៅមានសភាពទន់ៗឡើយ ហើយក្រុមប្រឹក្សា ជំនុំជម្រះ នឹងពិចារណាបន្តសវនាការឡើងវិញនៅពេលសមស្របខាងមុខ ទីតាំងនេះបើយោងតាមលិខិតដែលទើបទទួលបាននៅព្រឹកនេះ។
លោក កឹម សុខា ត្រូវបានចាប់ និងឃុំខ្លួនដាក់ពន្ធនាគារ កាលពីថ្ងៃទី៣ ខែកញ្ញា ឆ្នាំ២០១៧ ដោយចោទប្រកាន់ពីបទធ្វើសន្ទិដ្ឋិភាពជាមួយបរទេស តាមមាត្រា៤៤៣ នៃក្រមព្រហ្មទណ្ឌ។ យោងតាមក្រមព្រហ្មទណ្ឌបទធ្វើសន្ទិដ្ឋិភាពជាមួយបរទេស គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬភ្នាក់ងារបរទេស ដើម្បីបង្កើតឲ្យមានអំពើប្រទូស្តរ៉ាយ ឬឲ្យមានអំពើឈ្លានពានប្រឆាំងនឹងព្រះរាជាណា ចក្រកម្ពុជា។ បទល្មើសនេះ អាចជាប់ពន្ធនាគារពី១៥ ឆ្នាំដល់៣០ឆ្នាំ បើរកឃើញការពិតដូចការចោទប្រកាន់នោះមែន៕
ដោយ ៖ កោះកែវ
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រដ្ឋមន្ត្រីដាក់ចេញទិសដៅសំខាន់ៗដើម្បីលើកកម្ពស់វិស័យសុខាភិបាលឲ្យកាន់តែប្រសើរ
ខ្សែប្រយុទ្ធចូលសញ្ជាតិវៀតណាមថ្មី Rafaelson លេង២ប្រកួត ស៊ុតបាន៣គ្រាប់
កម្ពុជាអនុញ្ញាត្តឱ្យមានការជួញដូរទ្រព្យសកម្មគ្រីបតូ
ខេត្តរតនគិរី៖ ដំឡូងមីធ្លាក់ថ្លៃ អ្នកដាំស្នើអ្នកទិញកុំទម្លាក់តម្លៃខ្លាំងពេក តែអ្នកទិញថា តម្លៃទិញ វាអាស្រ័យលើតម្លៃលក់ចេញ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២០ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ