ព័ត៌មានជាតិ

កម្ពុជាគាំទ្រសកម្មភាពមនុស្សធម៌របស់អង្គការ UNICEF ដែលបានចូលរួមផ្តល់ជំនួយសង្គមជាតិជាបន្តបន្ទាប់

បានផុស

៤ years មុន

នៅ

ថ្ងៃសៅរ៍ ៦ កុម្ភៈ ២០២១

ដោយ

ភ្នំពេញ ៖ ថ្នាក់ដឹកនាំជាន់ខ្ពស់របស់ក្រសួងសង្គមកិច្ច អតីតយុទ្ធជន និងយុវនីតិសម្បទាសម្តែងនូវការសាទរនិងគាំទ្រពេញទំហឹងក្នុងកិច្ចប្រជុំស្តីពីផែនការសកម្មភាពរំកិល២០២១-២០២២ រវាងក្រសួងសង្គមកិច្ច អតីតយុទ្ធជន និងយុវនីតិសម្បទា ជាមួយអង្គការUNICEF។ នេះជាការលើកឡើងរបស់លោកតូច ចាន់នី អគ្គនាយក នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាក្នុងកិច្ចប្រជុំស្តីពីផែនការសកម្មភាពរំកិល២០២១-២០២២ កាលពីល្ងាចម្សិលមិញរវាងក្រសួងសង្គមកិច្ច អតីតយុទ្ធជន និងយុវនីតិសម្បទា ជាមួយអង្គការUNICEF។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមក្រសួងសង្គមកិច្ចដែលជាសរសរទ្រូងរបស់កម្ពុជាលោកតូច ចាន់នី បានថ្លែងនូវការគាំទ្រទាំងស្រុងចំពោះកិច្ចប្រជុំនេះ ហើយសូមឲ្យមានការបន្តចូលរួមពីតំណាងមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តមន្ត្រីបង្គោលទទួលបន្ទុកសុខុមាលភាពកុមារនៃមន្ទីរ ការិយាល័យសង្គមកិច្ច និងសុខុមាលភាពសង្គមក្រុង ស្រុក រួមទាំងអង្គការជាដៃគូ។

លោកតូច ចាន់នី បានបន្ថែមថា ផែនការនេះមានការជួយបច្ចេកទេសពីក្រសួង និងមន្ទីរ សង្គមកិច្ច អតីតយុទ្ធជន និងយុវនីតិសម្បទា និងអង្កការUNICEF, រួមគ្នាដើម្បីលើកកម្ពស់ផែនការសកម្មភាពរំកិល២០២១-២០២២ និងការថែទាំកុមារនៅតាមគ្រួសារ និងសមាហរណកម្មកុមារពីមណ្ឌលថែទាំ នានា៕

ដោយ ៖ វិមាន