ជីវិតកម្សាន្ដ

សាយ ចាត់ទុកការរើសអើងជារឿងមិនគប្បីចំពោះមនុស្សជាតិ

បានផុស

១ year មុន

នៅ

ថ្ងៃពុធ ១ វិច្ឆិកា ២០២៣

ដោយ

ស្របពេលដែលប៉ុន្មានថ្ងៃនេះផ្ទុះការវែកញែក និងរិះគន់រឿងតារាកំប្លែងនាយ ក្រឹម និយាយប៉ះពាល់ដល់ភេទទី៣ នាំឲ្យមានការរើសអើងនោះ គេឃើញមានប្រតិកម្មច្រើនពីមហាជនពិសេសអ្នកមានទំនោរស្រឡាញ់ភេទដូចគ្នាមានការថ្នាំងថ្នាក់យ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកងាកមកមើលលោក អ៊ួន បឋម ហៅ សាយ ដែលជាតារាចម្រៀង Original Song បានបញ្ចេញទស្សនៈ របស់ខ្លួនហាក់រម្លឹកស្មារតីមហាជន និងអ្នកគាំទ្រកុំឲ្យមានការរើសអើងប្រកាន់ពូជសាសន៍ សាសនា ឋានៈ វណ្ណៈ ពណ៌ សម្បុរ និងការរើសអើងភេទជាដើម។ ក្នុងនោះដែរលោក សាយ បានចាត់ទុកការរើសអើងជារឿងមិនគប្បីចំពោះមនុស្សជាតិ។

តារាចម្រៀង Original Song លោក សាយ បានលើកឡើងជាទស្សនៈថា “រើសអើងពូជសាសន៍ សាសនា ឋានៈ វណ្ណៈ ពណ៌ សម្បុរ និងការរើសអើងភេទ គឺជារឿងមិនគប្បីចំពោះមនុស្សជាតិតាំងពីដើមមកម្ល៉េះ សូមមេត្តាកុំបន្តទៅថ្ងៃអនាគតទៀត”។ គំនិតនេះទទួលបានការគាំទ្រពីសំណាក់អ្នកគាំទ្រក្នុងការលុបបំបាត់ការរើសអើង។

លោក អ៊ួន បឋម ហៅ សាយ ដែលគេស្គាល់ថាជាតារាចម្រៀងប្រុស Original Song បច្ចុប្បន្នកត់សម្គាល់ឃើញថា លោកកាន់តែមានការគាំទ្រ និងមានប្រជាប្រិយភាពខ្លាំងតាមរយៈការងារសប្បុរសធម៌ជួយសង្គម និងវិស័យសិល្បៈជាដើម។ លោក សាយ កាលពីថ្មីៗក៏ប្រកាសការព្រឹត្តិការណ៍ “ទីកែបរត់អបអរសាទរបុណ្យឯករាជ្យជាតិ” “K EP SEA-MOUNTAIN RUN” ដែលកម្មវិធីនេះរៀបចំឡើងនៅដើមខែវិច្ឆិកា ឆ្នាំ២០២៣ ខាងមុខនេះ៕

អត្ថបទ៖ ចាន់រ៉ា