កីឡា

អត្តពលិក៤៨នាក់ ចូលរួមការប្រកួតកីឡាវាយកូនបាល់ជើងឯកថ្នាក់ជាតិប្រចាំឆ្នាំ២០២០

បានផុស

៤ years មុន

នៅ

ថ្ងៃអាទិត្យ ៧ កុម្ភៈ ២០២១

ដោយ

ភ្នំពេញ ៖ ការប្រកួតកីឡាវាយកូនបាល់ជ្រើសរើសជើងឯកថ្នាក់ជាតិប្រចាំឆ្នាំ២០២០ នៅព្រឹកថ្ងៃទី៧ ខែកុម្ភៈ ឆ្នាំ២០២១នេះ បានចាប់ផ្តើមការប្រកួតហើយ នៅទីលានសហព័ន្ធនៃពហុកីឡដ្ឋានជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនេះ រៀបចំដោយសហព័ន្ធកីឡាវាយកូនបាល់កម្ពុជាសហការជាមួយនាយកដ្ឋានអប់រំ កាយនិងកីឡាក្រោមគំរោងថវិកាគាំទ្ររបស់ក្រសួងអប់រំ យុវជននិងកីឡា មានរយៈពេល៤ថ្ងៃដែលគ្រោងបញ្ចប់នៅថ្ងៃទី១០ខែកុម្ភៈ ឆ្នាំ២០២១។

លោក ជា ពៅ អគ្គលេខាធិការរងសហព័ន្ធកី ឡាវាលកូនបាល់កម្ពុជាបានប្រាប់ឲ្យដឹងថា ការ ប្រកួតឆ្នាំនេះ មានកីឡាករ-កីឡាការិនីចូលរួមចំនួន៤៨នាក់ ក្នុងនោះកីឡាករ៤៤នាក់ និងកីឡាការិនី៤នាក់ មកពី១០ខេត្តក្រុងរួមមានក្លិបខេមរភូមិន្ទ ក្លិបឌីវេនខូ ក្លិបខេត្តបាត់ដំបង ក្លិបខេត្ត សៀមរាប ក្លិបអង្គការអរុណរះ ក្លិបសុខារិទ្ធ ក្លិបខេត្តកែប ក្លិបកណ្តាល ក្លិបក្រសួងសេដ្ឋកិច្ច និងហិរញ្ញវត្ថុ និងក្លិបខេត្តព្រះវិហារ។

ចំពោះវិញ្ញាសា ដែលដាក់ឲ្យប្រកួតប្រជែងមានចំនួន៤រួមមាន វិញ្ញាសាវាយឯកត្តជនបុរស១នាក់ទល់១នាក់ វិញ្ញាសាវាយឯកត្តជននារី ១នាក់ទល់ ១ នាក់ វិញ្ញាសាវាយឯកត្តជនអាយុក្រោម១៨ឆ្នាំ ១នាក់ទល់១នាក់ និងវិញ្ញាសាវាយគូ៕

ដោយ ៖ វិសិទ្ធ