មីយ៉ាន់ម៉ារកចំណូលបានជាង ៣៦៥លានដុល្លារ ពីការនាំចេញផលនេសាទក្នុងរយៈពេល ៧ ខែ

មីយ៉ាន់ម៉ារកចំណូលបាន ៣៦៥.៩២៨ លានដុល្លារអាមេរិក ពីការនាំចេញផលិតផលនេសាទក្នុងរយៈពេលជិត ៧ខែនៃឆ្នាំសារពើពន្ធ ២០២៣-២៤ នេះបើយោងតាមក្រសួងពាណិជ្ជកម្មមីយ៉ាន់ម៉ាបង្ហាញកាលពីថ្ងៃសៅរ៍។

ទិន្នន័យរបស់ក្រសួងបានបង្ហាញថា ប្រាក់ចំណូលដែលបានមកពីការនាំចេញផលិតផលជលផលរវាងថ្ងៃទី ១ ខែមេសា ដល់ថ្ងៃទី ២៧ ខែតុលា ឆ្នាំនេះគឺធ្លាក់ចុះបើធៀបនឹងឆ្នាំមុន ដែលរកបានដល់ទៅ ៤០៣.៦២២លានដុល្លារ។  

ក្រសួងបានបញ្ជាក់ថា ក្នុងអំឡុងពេលដែលបានលើកឡើង ការនាំចេញសរុបរបស់ប្រទេសអាស៊ីអាគ្នេយ៍មួយនេះ មានតម្លៃជាង ៨.៥ ពាន់លានដុល្លារ។

មីយ៉ាន់ម៉ា បាននាំចេញជាចម្បងនៅផលិតផលកសិកម្ម នេសាទ សារធាតុរ៉ែ ផលិតផលព្រៃឈើ និងទំនិញផលិតទៅកាន់ដៃគូពាណិជ្ជកម្មបរទេសរបស់ខ្លួន រួមមានប្រទេសចិន ថៃ បង់ក្លាដែស និងឥណ្ឌា នេះបើយោងតាមក្រសួងពាណិជ្ជកម្ម៕

ប្រែសម្រួល៖ នាង រតនៈ

ប្រភព៖ Xinhua

ចុចអាន៖ នាយកប្រតិបត្តិក្រុមហ៊ុនអចលនទ្រព្យ វៀតណាម ជាប់ពន្ធនាគារមួយជីវិត ក្រោយលក់គម្រោងខ្យល់ឲ្យអតិថិជន