ជីវិតកម្សាន្ដ

លទ្ធផលតេស្តរកថ្នាំញៀនចុងក្រោយរបស់ G -DRAGON បានបង្ហាញការពិត

បានផុស

១១ ខែ មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

នៅថ្ងៃ ០៦ ខែវិច្ឆិកានេះ ពីតារាចម្រៀងប្រុស Kwon Jiyong ឬ G-DRAGON សមាជិកក្រុម BIGBANG បានមកជួបប៉ូលិសនៅទីក្រុង Incheon ដើម្បីចូលរួមការស៊ើបអង្កេតលើករណីដែលលោកត្រូវចោទប្រកាន់ពីបទប្រើប្រាស់គ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការស៊ើបអង្កេតរយៈពេល ៤ម៉ោង លោកបានដើរចេញមកក្រៅប៉ុស៍ប៉ូលិស ខណៈដែលក្រុមអ្នកសារព័ត៌មានសួរអំពីលទ្ធផលតេស្តបឋម G-Dragon បង្ហាញថា លទ្ធផលចេញមកអវិជ្ជមាន បានន័យថារកមិនឃើញថ្នាំញៀនក្នុងខ្លួនតារាប្រុសរូបនេះទេ។

ទោះយ៉ាងណាក៏ដោយ មុនពេលត្រូវបានគេស៊ើបអង្កេតសមាជិកក្រុម BIGBANG រូបនេះបានបើកចំហដល់ប្រព័ន្ធផ្សព្វផ្សាយខ្លីមួយប៉ុណ្ណោះ។ ក្នុងនោះលោកបានបញ្ចាក់ថា នឹងត្រៀមខ្លួនបញ្ជាក់ពីភាពគ្មានកំហុសរបស់ខ្លួននោះដោយថា“ខ្ញុំពិតជាមិនពាក់ព័ន្ធគ្រឿងញៀនទេ! ខ្ញុំនៅទីនេះដើម្បីបញ្ជាក់វាសម្រាប់អ្នកគ្រប់គ្នា”។

សូមរម្លឹកដែរថា កាលពីថ្ងៃពុធ ទី២៥ ខែតុលា ភ្នាក់ងារប៉ូលិសទីក្រុង Incheon បានកត់ឈ្មោះ G Dragon ទុក ពីបទប្រើប្រាស់គ្រឿងញៀន ស្របពេលដែលអង្គភាពស៊ើបអង្កេតគ្រឿងញៀនរបស់ប៉ូលិស Incheon ធ្លាប់បានដាក់ពាក្យសុំដីកាស្វែងរកកំណត់ត្រាទំនាក់ទំនងរបស់លោក ក្រោមការសង្ស័យនៃបទល្មើសគ្រឿងញៀនក្រោមច្បាប់គ្រប់គ្រងគ្រឿងញៀន។ ទោះជាយ៉ាងណាក៏ដោយ តុលាការស្រុក Incheon បានបដិសេធដោយហេតុផលថា ភស្តុតាងមិនគ្រប់គ្រាន់ឡើយសម្រាប់ការចាប់ខ្លួនលោកឡើយ៕