ទាហានអ៊ីស្រាអែល ៣០នាក់ស្លាប់ ក្នុងការវាយប្រហារជាមួយក្រុមហាម៉ាស់

នៅក្នុងការវាយប្រហារចុងក្រោយនេះ ទាហាន​អ៊ីស្រាអែល​ម្នាក់​ទៀត​ត្រូវ​បាន​សម្លាប់​នៅ​តំបន់​ហ្គាហ្សា ដែលនាំឱ្យចំនួន​អ្នក​ស្លាប់​សរុបកើន​ដល់ ៣០​នាក់។

កងទ័ពអ៊ីស្រាអែលបាននិយាយនៅថ្ងៃចន្ទនេះថា ទាហានម្នាក់ទៀតត្រូវបានសម្លាប់ក្នុងអំឡុងពេលការវាយលុកតំបន់ហ្គាហ្សាស្ទ្រីប ដែលទាហានរូបនោះជាទាហាននៅក្នុងកងវរសេនាតូចទី៩ នៃកងរថពាសដែកអ៊ីស្រាអែល។

អ៊ីស្រាអែលបាននិយាយថា ចាប់តាំងពីវាបានចាប់ផ្តើមពង្រីកប្រតិបត្តិការជើងគោកនៅតំបន់ហ្គាហ្សាស្ទ្រីបកាលពីថ្ងៃទី២៧ ខែតុលា ទាហាន ៣០នាក់ត្រូវបានសម្លាប់ និង ២៦០នាក់ផ្សេងទៀតបានរងរបួស។

យ៉ាងហោចណាស់មានជនជាតិប៉ាឡេស្ទីន ៩,៧៧០ នាក់ រួមទាំងកុមារ ៤,៨០០នាក់ និងស្ត្រី ២,៥៥០នាក់ត្រូវបានសម្លាប់នៅក្នុងការទម្លាក់គ្រាប់បែករបស់អ៊ីស្រាអែលនៅតំបន់ហ្គាហ្សាស្ទ្រីប។ ចំណែកចំនួនអ្នកស្លាប់របស់អ៊ីស្រាអែលគឺជិត ១,៦០០នាក់។ នេះបើយោងតាមតួលេខផ្លូវការ៕

ប្រែសម្រួល៖ សន្យា

ប្រភព៖ Anadolu

ចុចអាន៖ ត្រឹម ២៤ម៉ោង អ៊ីស្រាអែលវាយប្រហារគោលដៅក្រុមហាម៉ាស់ចំនួន ៤៥០កន្លែង