ឱសថ៥ប្រភេទ កាត់បន្ថយខ្លាញ់ក្បាលពោះយ៉ាងងាយបំផុត

ខ្លាញ់ក្បាលពោះអ្នកណាៗក៏មិនចង់បានដែរ​ ជាពិសេសសម្រាប់អ្នកស្រលាញ់រាងរៅ ចង់បានរាងស្វែលស្អាត និងស្លៀកពាក់អ្វីក៏សមសួន។ ប៉ុន្តែប្រសិនបើអ្នកមានខ្លាញ់នៅត្រង់ក្បាលពោះ វានឹងធ្វើឲ្យអាក្រក់ ហើយប្រាកដណាស់នឹងរកវិធីកម្ចាត់ចោលមិនខាន។

យ៉ាងណាក៏ដោយយើងខ្ញុំមានវិធីធម្មជាតិងាយៗ ដែលជួយឲ្យខ្លាញ់ត្រង់បរិវេនក្បាលពោះរាបស្មើ ឬស្រកបានខ្លះៗដោយការទទួលទានអាហារ។

១​ ក្រូចឆ្មា

ក្រូចឆ្មាមានជាតិសរសៃខ្ពស់ ហើយជាតិសរសៃជួយឲ្យក្រពះអ្នកឆ្អែតបានយូរ ធ្វើឲ្យអ្នកកម្រមានអារម្មណ៍ឃ្លាន។ ជាពិសេសវាមានផ្ទុកវីតាមីន C ដែលជួយដុតបំផ្លាញជាតិខ្លាញ់ក្នុងរាងកាយ បង្កើនជាតិខ្លាញ់ល្អ។

២ ស្លឹកម្រេះព្រៅ

ស្លឹកមួយនេះជួយបណ្ដេញជាតិខ្លាញ់ និងជាតិស្ករចេញពីរាងកាយ។ វាថែមទាំងមាន​សមត្ថភាព​ជួយ​បណ្តេញ​ទឹកប្រមាត់​ចេញពី​ថ្លើម ដែល​នឹង​ជួយ​រំលាយ​ជាតិ​ខ្លាញ់​បាន​កាន់តែ​ល្អ​។

៣ ខ្ទឹម

ខ្ទឹមសមានផ្ទុកសារធាតុ allicin ដែលជួយកាត់បន្ថយកូលេស្តេរ៉ុល-ទ្រីគ្លីសេរីដក្នុងឈាម-កូលេស្តេរ៉ុលអាក្រក់ LDL និងជួយទប់ស្កាត់ការបង្កើតជាតិគ្លុយកូសក្នុងឈាម។ បើបរិភោគនៅស្រស់អ្នកនឹងទទួលបានអត្ថប្រយោជន៍យ៉ាងច្រើនផងដែរ។

៤ ម្ទេស

ម្ទេសមានវីតាមីន C ខ្ពស់​ ជួយពង្រីកសរសៃឈាមក្នុងពោះវៀន និងក្រពះ។ អាចស្រូបយកសារធាតុចិញ្ចឹមបានល្អប្រសើរ ប្រព័ន្ធរំលាយអាហារកាន់តែប្រសើរ។ ហើយម្ទេសក៏មានផ្ទុកសារធាតុ capsaicin, oleoresin និងអាស៊ីត ascorbic ដែលមានសារៈសំខាន់ខ្លាំងណាស់។ ដោយសារតែវាជួយក្នុងការសម្រកទម្ងន់​ វា​នឹង​ជួយ​បំប្លែង​ជាតិ​ខ្លាញ់​ទៅជា​ថាមពល ដែល​នឹង​ជួយ​កាត់​បន្ថយ​ភាពធាត់។

៥​ ស្លឹកបាស់

ស្លឹកបាស់មានផ្ទុកនូវសារធាតុដែលជួយដល់ការសម្រកទម្ងន់​ មានឈ្មោះថា “Polyprenol”។ ស្លឹកបាស់ក៏អាចកាត់បន្ថយកម្រិតជាតិខ្លាញ់សរុបនៅក្នុងឈាម​ និងគ្លីសេរីនតម្រងនោមុ។ ក្នុងពេលជាមួយគ្នានេះ វាបង្កើនកូលេស្តេរ៉ុលល្អ (HDL) ធ្វើឲ្យអ្នកមានរាងស្លីមដូចគ្នា៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រែសម្រួល៖ សាង ស្រីល័ក្ខ

ចុចអាន៖ខ្វិតជាផ្លែឈើមួយប្រភេទ អាចជួយព្យាបាលរោគាពុំសូវមានអ្នកដឹង