ពលករថៃ ៥នាក់ទៀតស្លាប់នៅ អ៊ីស្រាអែល នាំឲ្យចំនួនសរុបកើនដល់ ៣៩នាក់

ជនជាតិថៃចំនួន៥នាក់ទៀត ដែលធ្វើការនៅក្នុងប្រទេសអ៊ីស្រាអែល ត្រូវបានបញ្ជាក់ថាបាត់បង់ជីវិត នាំឲ្យតួលេខស្លាប់សរុប កើនដល់៣៩នាក់។

តាមប្រភព​ពី​ស្ថានទូត​ថៃ​ក្នុង​ទីក្រុង Tel Aviv, ក្រសួង​កាបរទេសនិយាយ​ថា អាជ្ញាធរ​អ៊ីស្រាអែល ​បាន​បញ្ចប់​ការ​កំណត់​អត្តសញ្ញាណ​ជនរងគ្រោះ​រួចហើយ និង​បាន​កត់សម្គាល់​ជនជាតិ​ថៃ ៥ នាក់​បន្ថែម​ទៀត​ក្នុង​ចំណោម​ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិត​ត្រឹម​ថ្ងៃ​ទី​១០ខែ​វិច្ឆិកា ​ពលករ​ថៃ​ដែល​ស្លាប់នៅអ៊ីស្រាអែល​មាន​ចំនួន៣៩​នាក់ និង​របួស១៩​នាក់ ខណៈ២៥​នាក់​ត្រូវ​ចាប់​ជា​ចំណាប់​ខ្មាំង។ ក្នុង​ចំណោម​អ្នក​រង​របួស មាន​៤នាក់​កំពុង​សម្រាក​ព្យាបាល​នៅ​មន្ទីរ​ពេទ្យ។

ស្របពេលជាមួយគ្នានោះ លោក Pairote Chotikasathien មកពីក្រសួងការងារ បាន​ថ្លែងថា ពលករ​ថៃ​ជាង៦០០០នាក់​ បាន​ដាក់​ពាក្យ​សុំ​សំណង​ពី​មូលនិធិ​សម្រាប់​ពលករ​នៅ​បរទេស។ ក្នុងចំណោមនោះ មានប្រហែល៣០០០ត្រូវបានសងរួចរាល់ ហើយអ្នកនៅសល់ នឹងទទួលបានសំណង១៥០០០បាតក្នុង១សប្តាហ៍។ យ៉ាងណាក្តី លោកបញ្ជាក់ថា ពលករមួយចំនួន ប្រឈមនឹងភាពយឺតយ៉ាវក្នុងការទូទាត់ ដោយសារតែបញ្ហាការងារឯកសារ។

មានពលករថៃប្រហែល៣០០០០នាក់ ធ្វើការនៅអ៊ីស្រាអែល មុនការវាយឆ្មក់ឆ្លងដែនកាលពីថ្ងៃទី៧ខែតុលា ដោយក្រុមហាម៉ាសប៉ាឡេស្ទីន។ ចាប់​តាំង​ពី​ពេល​នោះ​មក មាន​ពលករ​ថៃ​ប្រមាណ ៨០០០​នាក់​ បានធ្វើ​មាតុភូមិ​និវត្តន៍ ហើយ​ពលករ​ថៃ​ជាង ២​ម៉ឺន​នាក់​សម្រេចចិត្ត​ស្នាក់​នៅអ៊ីស្រាអែល បើ​ទោះ​បី​មាន​ជម្លោះ​កាន់​តែ​ខ្លាំង​ឡើង​ៗក៏​ដោយ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ ដឹកពលរដ្ឋខ្លួន ១៣០នាក់ទៀត ចេញពី អ៊ីស្រាអែល