ព័ត៌មានអន្ដរជាតិ
អ្នកជំងឺ ៦៥០នាក់ កំពុងរង់ចាំសេចក្ដីស្លាប់ ដោយសារអ៊ីស្រាអែលឡោមព័ទ្ធមន្ទីរពេទ្យហ្គាហ្សា
កងកម្លាំងអ៊ីស្រាអែលបានចូលទៅដល់ច្រកទ្វារនៃមន្ទីរពេទ្យធំជាងគេរបស់ទីក្រុងហ្គាហ្សា នៅថ្ងៃចន្ទនេះ ដែលវាជាគោលដៅក្នុងការប្រយុទ្ធដណ្តើមការកាន់កាប់ភាគខាងជើងនៃតំបន់ហ្គាហ្សាស្រ្ទីប ខណៈអ្នកជំងឺរួមទាំងទារកទើបនឹងកើតបានស្លាប់ដោយសារកង្វះប្រេងឥន្ធនៈ។
![](https://www.kampucheathmey.com/wp-content/uploads/2023/11/image-937.png)
អ្នកនាំពាក្យក្រសួងសុខាភិបាលហ្គាហ្សា លោក Ashraf Al-Qidra ដែលស្ថិតនៅក្នុងមន្ទីរពេទ្យ Al Shifa បានឱ្យដឹងថា អ្នកជំងឺ ៣២នាក់បានស្លាប់ ក្នុងរយៈពេល ៣ថ្ងៃចុងក្រោយនេះ រួមទាំងទារកទើបនឹងកើត ៣នាក់ ហើយនេះដោយសារតែកងទ័ពអ៊ីស្រាអែលបានឡោមព័ទ្ធមន្ទីរពេទ្យ និងការកាត់ផ្តាច់ប្រភពថាមពល។
![](https://www.kampucheathmey.com/wp-content/uploads/2023/11/image-939.png)
ពេលនេះនៅសល់តែអ្នកជំងឺប្រមាណ ៦៥០នាក់ប៉ុណ្ណោះដែលនៅខាងក្នុង ហើយពួកគេគ្មានសង្ឃឹមឡើយថាអាចជម្លៀសចេញទៅកាន់កន្លែងព្យាបាលផ្សេងទៀត។
![](https://www.kampucheathmey.com/wp-content/uploads/2023/11/image-936.png)
ជុំវិញការឡោមព័ទ្ធមន្ទីរពេទ្យដ៏ធំរបស់ហ្គាហ្សា អ៊ីស្រាអែលនិយាយថា ដោយសារមន្ទីរពេទ្យនេះមានផ្លូវរូងក្រោមដី ដែលជាទីស្នាក់ការកណ្តាលរបស់ក្រុមហាម៉ាស ហើយក្រុមសកម្មប្រយុទ្ធនេះបានប្រើប្រាស់អ្នកជំងឺជាខែល ទប់ទល់ជាមួយអ៊ីស្រាអែល។
![](https://www.kampucheathmey.com/wp-content/uploads/2023/11/image-938.png)
លោកវេជ្ជបណ្ឌិត Ahmed El Mokhallalati បាននិយាយតាមទូរស័ព្ទប្រាប់អ្នកសារព័ត៌មានថា បច្ចុប្បន្នអ៊ីស្រាអែលបានកម្ទេចធុងទឹក ទម្លាក់គ្រាប់បែកលើអណ្តូងទឹក ទម្លាក់គ្រាប់បែកបំផ្លាញម៉ាស៊ីនបូមអុកស៊ីហ្សែន និងអ្វីៗទាំងអស់ក្នុងមន្ទីរពេទ្យ ដូច្នេះទាំងគ្រូពេទ្យ និងអ្នកជំងឺស្ទើរតែមិនរួចជីវិត។ វេជ្ជបណ្ឌិតរូបនេះបន្ថែមថា “យើងត្រូវបានឡោមព័ទ្ធ ហើយស្ថិតនៅក្នុងរង្វង់នៃសេចក្តីស្លាប់” ៕
ប្រែសម្រួល៖ សន្យា
ប្រភព៖ Reuters
ចុចអាន៖ អ៊ីស្រាអែល លក់ប្រព័ន្ធការពារដែនអាកាសទៅឱ្យ ហ្វាំងឡង់
ចុចអាន៖ កងកុម៉្មង់ដូពិសេសអ៊ីស្រាអែល ២នាក់ ស្លាប់ក្នុងការប្រយុទ្ធជាមួយក្រុម ហាម៉ាស នៅ ហ្គាហ្សា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ