ព័ត៌មានជាតិ

ព្រះសង្ឃមួយអង្គលង់ទឹកសុគតពេលស្រង់ទឹកនៅភ្នំគូលេន

បានផុស

៤ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

Sokhom Khon

ព្រះសង្ឃតូចមួយអង្គព្រះជន្ម១៤ព្រះវស្សា បានលង់ទឹកសុគតខណៈនិមន្ដកម្សាន្ដនិងស្រង់ទឹកលេងនៅលើភ្នំគូលេន។

ហេតុការណ៍នេះ បានកើតឡើងនៅវេលាម៉ោង១២និង៤០នាទីថ្ងៃទី០៧ ខែកុម្ភៈ ឆ្នាំ២០២១ ស្ថិតនៅឃុំខ្នងភ្នំ ស្រុកស្វាយលើ ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនៅទីនោះឲ្យដឹងថា មានព្រះសង្ឃ និងពុទ្ធបរិស័ទជាច្រើនអង្គ នាក់បាននិមន្តនិងអញ្ជើញមកពីវត្តអណ្តើក ខេត្តបាត់ដំបង ដើម្បីមកគោរពបូជា និងទស្សនាកម្សាន្តនៅរមណីយដ្ឋានភ្នំគូលែន។ ហើយព្រះសង្ឃទាំងអស់ មានចំនួន៥០អង្គ បាននិមន្តទៅស្រង់ទឹកធ្លាក់ជាន់ទី៣ ក្រោយពីស្រង់ទឹករួចក៏បាននិមន្ដឡើងមកជាន់ទី២វិញ។

ប្រភពបានបន្តថា ពេលមកដល់ស្រាប់តែបាត់ព្រះសង្ឃតូចមួយអង្គ ក៏ផ្អើលឈូឆរនាំគ្នាចុះទៅរកក្នុងទឹកវិញ ក៏ឃើញព្រះសង្ឃអង្គនោះ បានលង់ទឹកសុគតបាត់ទៅហើយ រួចក៏នាំគ្នាស្រង់យកមកលើគោក និងបានរាយការណ៍ជូនសមត្ថកិច្ច។

សមត្ថកិច្ចបានឲ្យដឹងថា ព្រះសង្ឃដែលលង់ទឹកព្រះនាម យឿន សុផុន មានព្រះជន្ម១៤ព្រះវស្សា មានទីលំនៅភូមិ អូរប្រាំទី២ ឃុំមាឃ ស្រុក ស្ទឹងត្រង់ ខេត្តកំពង់ចាម គង់នៅវត្តអណ្តើក ខេត្តបាត់ដំបង។

ក្រោយពិនិត្យនិងធ្វើកោសល្យវិច័យរួច សមត្ថកិច្ចបានប្រគល់សព ជូនអាណាព្យាបាល (គ្រូចៅអធិការវត្ត) យកទៅធ្វើបុណ្យតាមប្រពៃណី៕