ព័ត៌មានជាតិ
បុរសសញ្ជាតិបារាំង-ខ្មែរ ថ្លែងអំណរគុណក្រុមគ្រូពេទ្យក្រសួងសុខាភិបាល ចំពោះសកម្មភាពប្រកបដោយការយកចិត្តទុកដាក់
បុរសម្នាក់ឈ្មោះ ក្លូត ប៊ូទ្រី (Claude Boutry) អាយុ៧១ឆ្នាំ មានសញ្ជាតិបារាំង-ខ្មែរ បានថ្លែងអំណរគុណដល់ក្រុមគ្រូពេទ្យរបស់ក្រសួងសុខាភិបាល ចំពោះការយកចិត្តទុកដាក់សម្រាប់អ្នកធ្វើចត្តាឡីស័ក ពិសេសសម្រាប់រូបលោក ដែលបានចូលមកប្រទេសម្ពុជា ហើយបានឆ្លងកាត់ការធ្វើធ្វើចត្តាឡីស័ក ប្រកបដោយការយកចិត្តទុកដាក់ នេះបើយោងតាមលិខិតផ្ញើជូនលោក ម៉ម ប៊ុនហេង រដ្ឋមន្ត្រីក្រសួងសុខាភិបាល។
លោកក្លូត ប៊ូទ្រី ដែលកើតនៅឆ្នាំ១៩៥០ នៅទីក្រុងភ្នំពេញ និងបានបញ្ចប់មធ្យមសិក្សាទុតិយភូមិ នៅទសវត្សរ៍ឆ្នាំ១៩៧០ នៅវិទ្យាល័យបារាំងមួយនៅរាជធានី បានលើកឡើងថា នៅពេលលោកធ្វើដំណើរពីអាកាសយានដ្ឋានឆាលដឺហ្គោលទីក្រុងប៉ារីស និងអាកាសយានដ្ឋានអន្តរជាតិភ្នំពេញ នៅថ្ងៃទី១ ខែធ្នូ ឆ្នាំ២០២០ លោកគ្មានអ្វីគួរឲ្យភ្ញាក់ផ្អើលនោះទេ ខណៈដែលលោកត្រូវបានគេដាក់ឲ្យធ្វើចត្តាឡីស័កជាមួយអ្នកដំណើរទាំងអស់។
លោកថា នៅពេលមកដល់ពោធិចិនតុង លោកបានឃើញការដាក់ពង្រាយយ៉ាងមានសណ្តាប់ធ្នាប់នៃក្រុមគ្រូពេទ្យ ដើម្បីធ្វើតេស្ត PCR និងយកសំណាកយ៉ាងប្រុងប្រយ័ត្នទៅលើអ្នកដំណើរ។ ការត្រួតពិនិត្យឯកសាររដ្ឋបាល មានលក្ខណៈហ្មត់ចត់ និងប្រកបដោយកាយវិការរម្យទម។ ទាំងនេះបានធ្វើឱ្យលោកមានទំនុកចិត្ត ព្រោះលោកមិនធ្លាប់បានឃើញនៅអាកាសយាន្តដ្ឋានឆាលដឺហ្គោលទីក្រុងប៉ារីសទេ។ បន្ទាប់មក លោកត្រូវបានដឹកតាមរថយន្តក្រុងពិសេសមួយទៅសណ្ឋាគារដើម្បីធ្វើចត្តាឡីស័ក។
លោកក្លូត ប៊ូទ្រី អះអាងថា ប្រជាពលរដ្ឋខ្មែរ និងអ្នកកាន់ Visa K ត្រូវបានគេដឹកបញ្ជូនទៅកាន់សណ្ឋាគារមួយ (ក្រុមបណ្តាញសណ្ឋាគារ Fangipani) ដែលមានទីតាំងនៅម្តុំផ្សារទួលទំពូង។ បន្ទប់មានទំហំធំទូលាយ មានម៉ាស៊ីនត្រជាក់ បង្អួច និងយ៉ ដែលមានទេសភាពខាងក្រៅ។ នៅក្នុងបន្ទប់មានតុការិយាល័យវែងធ្វើពីឈើ ទូរទស្សន៍ខ្សែកាប ទូទឹកកកតូច គ្រែគេងធំ កន្សែងពោះគោ ទូរដែក និងបន្ទប់ទឹកធំទូលាយ។ បើនិយាយពីចំណាត់ថ្នាក់សណ្ឋាគារនៅប្រទេសបារាំងវិញ គឺស្មើទៅនឹងលំដាប់ផ្កាយ៣ ដូចសណ្ឋាគារ Novotel នៃក្រុមបណ្តាញសណ្ឋាគារ ACCOR។ លោកអាចបញ្ជាក់យ៉ាងច្បាស់ថា លោកមានមោទនភាពណាស់ ពីព្រោះលោកទទួលបានការយកចិត្តទុកដាក់យ៉ាងខ្លាំងពីសំណាក់រាជរដ្ឋាភិបាលកម្ពុជា ចំពោះការស្វាគមន៍នេះ និងការឥតគិតថ្លៃចំពោះរាល់ចំណាយទាក់ទងនឹងកាតព្វកិច្ចនៃការធ្វើចត្តាឡីស័កនេះ។
បើតាមលោកក្លូត ប៊ូទ្រី ចាប់ពីថ្ងៃទី១ ដល់ថ្ងៃទី១៥ ខែធ្នូ ឆ្នាំ ២០២០ អាហារខ្មែរទាំងបីពេល ត្រូវបានបុគ្គលិកសណ្ឋាគារនាំយកមកដល់មាត់ទ្វារបន្ទប់ (ប្រអប់ប្លាស្ទិច ២ + ទឹក ១ ដប) ដោយមានម្ហូបមួយមុខនិងស៊ុបមួយមុខ។ របបអាហារ គឺគ្រប់គ្រាន់ និងមានតុល្យភាពសម្រាប់មនុស្សចាស់ដែលមានសក់ស្កូវដូចជាលោក។ សម្រាប់ក្មេងៗដទៃទៀត គឺមិនទាន់គ្រប់គ្រាន់នោះទេ ក៏ប៉ុន្តែពួកគេមានជម្រើសក្នុងការបញ្ជាទិញអាហារបំប៉នផ្សេងទៀតពីខាងក្រៅទាំងតាមរយៈគ្រួសាររបស់ពួកគេឬតាមរយៈការដឹកជញ្ជូនមកដល់ទីកន្លែង។ នៅពេលលោកទូរស័ព្ទហៅអ្នកទទួលភ្ញៀវនៅសណ្ឋាគារ ដើម្បីទិញថ្នាំរាគបន្ថែម លោកទទួលបានការហៅតាមទូរស័ព្ទត្រលប់ពីវេជ្ជបណ្ឌិតប្រចាំការនៅសណ្ឋាគារ។ ក្រោយមកលោកបានដឹងថា គ្រូពេទ្យដែលមានសុជីវធម៌នេះ ធ្វើការនៅក្រសួងសុខាភិបាល និងបានសួរលោកនូវសំណួរមួយចំនួនអំពីបញ្ហាសុខភាព ហើយក៏បានទិញថ្នាំឲ្យលោកផងដែរ។
សរុបសេចក្តីមក លោកក្លូត ប៊ូទ្រី អះអាងថា “ក្នុងនាមខ្ញុំផ្ទាល់ ក៏ដូចជាក្នុងនាមអ្នកដំណើរផ្សេងទៀត ដែលបានស្នាក់នៅសណ្ឋាគារជាមួយគ្នា ខ្ញុំសូមថ្លែងអំណរគុណ និងការដឹងគុណយ៉ាងខ្លាំងចំពោះការងារដ៏ក្លាហានរបស់ក្រុមគ្រូពេទ្យរបស់ឯកឧត្តម នៅក្នុងក្របខ័ណ្ឌនៃបុព្វហេតុជាតិប្រយុទ្ធប្រឆាំងនឹងជំងឺកូវីដ-១៩ និងចុងក្រោយ សម្រាប់ការឥតគិតថ្លៃនៅក្នុងអំឡុងពេលស្នាក់នៅធ្វើចត្តាឡីស័កដែលក្រសួងរបស់ឯកឧត្តមជាអ្នកទទួលបន្ទុក។ បុគ្គលិកដែលខិតខំប្រឹងប្រែងទាំងអស់នេះ សាកសមនឹងទទួលបានការសរសើរគាំទ្រពីប្រជាជនសម្រាប់សកម្មភាពឆ្លើយតបរបស់ពួកគេ និងសម្រាប់បេសកកម្មដ៏ថ្លៃថ្លារបស់ពួកគេដែលប្រឈមនឹងហានិភ័យជារៀងរាល់ថ្ងៃ៕
ដោយ ៖ កោះកែវ
ក្រុមភ្ញៀវ៤រំពឹងទទួលបានលទ្ធផលល្អក្នុងលីគ CPL សប្តាហ៍នេះ
ជំងឺសាហាវបណ្តាលឲ្យហូរឈាមតាមភ្នែក ផ្ទុះឡើងជាថ្មីនៅ អាហ្វ្រិក
របបសឹកយោធាមីយ៉ាន់ម៉ាចាប់ផ្តើមកេណ្ឌស្រ្តីចូលបម្រើកងទ័ព
អាជ្ញាធរ ខេត្តព្រះវិហារ ៖ ករណីហិង្សានៅស្រុកឆែប ជាទំនាស់រវាងពលរដ្ឋ និងពលរដ្ឋ ខណៈដំណោះស្រាយត្រូវបានបញ្ចប់
ឆ្លងកាត់សិល្បៈ ៣០ ឆ្នាំ យ៉ែម សំអូន បង្ហើបថា លោកនៅតែរក្សាតម្លៃទីផ្សារដូចដើម អត់ផ្លាស់ប្ដូរទេ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
ជាង ១០ ថ្ងៃចុងក្រោយនេះ រមណីយដ្ឋានភ្នំសំពៅស្ងប់ស្ងាត់ អាជីវករឆ្ងល់គ្រប់គ្នាបាត់ភ្ញៀវទៅណា?
ត្រាំ នឹងបញ្ជូនជន្តោប្រវេសន៍ ៣០ ០០០នាក់ ទៅគុក Guantanamo
សេតវិមាន ចោទរដ្ឋបាលលោក បៃដិន ខ្ជះខ្ជាយទៅចំណាយ ៥០លានដុល្លារ ទិញស្រោមអនាម័យឲ្យពលរដ្ឋហ្គាហ្សា
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង