មេដឹកនាំប្រឆាំងអ៊ីស្រាអែលទាមទារឱ្យលោក Netanyahu ចុះចេញពីតំណែង

មេដឹកនាំប្រឆាំងអ៊ីស្រាអែល លោក Yair Lapid បានអំពាវនាវឱ្យនាយករដ្ឋមន្ត្រី Benjamin Netanyahu ចុះចេញពីតំណែងជាបន្ទាន់ ចំពេលមានការទម្លាក់គ្រាប់បែកមិនរើសមុខរបស់អ៊ីស្រាអែល ទៅលើតំបន់ហ្គាហ្សា។

ជាមួយគ្នានោះ លោក Lapid បានអំពាវនាវឱ្យមានការបោះឆ្នោតមិនទុកចិត្តនៅក្នុងសភាដែលនឹងអនុញ្ញាតឱ្យមានការបង្កើតរដ្ឋាភិបាលថ្មីដែលដឹកនាំដោយនាយករដ្ឋមន្ត្រីមួយផ្សេងទៀត។ លោក Lapid បាននិយាយកាលពីថ្ងៃពុធនៅក្នុងបទសម្ភាសន៍មួយជាមួយបណ្តាញព័ត៌មានអ៊ីស្រាអែលថា “លោក Netanyahu គួរតែចាកចេញជាបន្ទាន់… យើងត្រូវការការផ្លាស់ប្តូរ” ។

បន្ថែមពីលើនេះលោក Lapid ចោទប្រកាន់លោក Netanyahu អំពីបរាជ័យដែលមិនអាចលើកលែងបាន ជុំវិញការដែលមិនការពារ ការវាយប្រហារថ្ងៃទី៧ ខែតុលា។

នេះជាលើកទីមួយហើយដែលមេដឹកនាំប្រឆាំងរូបនេះ បានអំពាវនាវឱ្យលោក Netanyahu ចុះចេញពីដំណែងដោយនិយាយថា ស្ថានការណ៍មិនធានាដល់ការបោះឆ្នោតមុនកាលកំណត់ទេ ផ្ទុយទៅវិញ ភាគីគួរតែជ្រើសរើសការកសាងប្រទេសឡើងវិញជាមួយនាយករដ្ឋមន្ត្រីផ្សេងម្នាក់ទៀត៕

ប្រែសម្រួល៖ សន្យា

ប្រភព៖ Aljazeera

ចុចអាន៖ ក្រោយប្រជុំចប់ប៉ុន្មានម៉ោងប៉ុណ្ណោះ លោក បៃដិន បន្តហៅលោក ស៊ី ជីនពីង ជា “មេដឹកនាំផ្ដាច់ការ”