ព័ត៌មានជាតិ
សហជីព-កម្មករ ថា របបសន្តិសុខសង្គមផ្នែកថែទាំសុខភាពសម្រាប់បុគ្គលស្វ័យនិយោជន៍ និង អ្នកក្នុងបន្ទុកសមាជិក ប.ស.ស ជួយសម្រាលបន្ទុកជីវភាពគ្រួសារ
សហជីព និង កម្មករ សាទរចំពោះរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ព្រោះកម្មវិធីនេះ ជួយសម្រាលបន្ទុកជីវភាពគ្រួសារក្នុងការថែទាំសុខភាព ក្រោយពីរាជរដ្ឋាភិបាលប្រកាសដាក់ឲ្យអនុវត្តជាផ្លូវការ កាលពីថ្ងៃទី ១៤ ខែវិច្ឆិកា ឆ្នាំ ២០២៣។
ការលើកឡើងរបស់សហជីព និង កម្មករ នេះ បន្ទាប់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានគូសបញ្ជាក់កាលពីថ្មីៗនេះថា តាមការសិក្សាកន្លងមក កម្មករ-និយោជិត ឬ ប្រជាពលរដ្ឋម្នាក់ ជាមធ្យមត្រូវចំណាយ ២៥០ ដុល្លារ ក្នុងមួយឆ្នាំ ឬចន្លោះពី ១៥ ដុល្លារ ទៅ ២០ ដុល្លារ ក្នុងមួយខែ ករណីមិនមានរបបថែទាំសុខភាព ជាហេតុធ្វើឲ្យពួកគាត់មួយចំនួនធំ មិនសូវហ៊ានទៅពិគ្រោះជាមួយគ្រូពេទ្យញឹកញាប់ រហូតជួនកាលបណ្ដោយឲ្យខ្លួនឈឺដល់ដំណាក់កាលធ្ងន់ធ្ងរ ពិបាកជួយទាន់ពេលវេលា។
ជាមួយនេះ លោក គឹម ចាន់សំណាង ប្រធានសហភាពសិទ្ធកម្មករកម្ពុជា បានលើកឡើងថា ការអនុវត្តរបបសន្តិសុខសង្គមនេះ គឺជាការបង្ហាញការយកចិត្តទុកដាក់ពីសំណាក់រាជរដ្ឋាភិបាលបន្ថែមទៀតចំពោះសុខុមាលភាពប្រជាពលរដ្ឋ ព្រមទាំងជួយកាត់បន្ថយការចំណាយបន្ទុកក្នុងគ្រួសារ។
លោកលើកឡើងទៀតថា «របបសន្តិសុខសង្គមនេះ ធ្វើឲ្យបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ទទួលបានផលប្រយោជន៍ដូចៗគ្នា។ ដោយគ្រាន់តែបង់ភាគទាន ១ ៥៦០០ រៀល តែប៉ុណ្ណោះ ទទួលសេវាថែទាំព្យាបាលជំងឺដូចកម្មករ-កម្មការិនីដែរ»។
ចំណែកកម្មការិនីរោងចក្រម្នាក់ ឈ្មោះ ហាន មុំ បានលើកឡើងដែរថា លោកស្រីសប្បាយចិត្តនៅពេលមានរបបសន្តិសុខសង្គមផ្នែកថែទាំសុខភាពនេះ។ ក្នុងនោះ ដោយសារមានគ្រួសារជាអ្នករត់ម៉ូតូឌុប ហើយលោកស្រីចង់ឲ្យគ្រួសារមានប័ណ្ណ ប.ស.ស ដែរ ដើម្បីថែទាំសុខភាពដូចគ្នា។
កម្មការិនីរូបនេះនិយាយថា «ខ្ញុំជាកម្មការិនីរោងចក្រ មានប័ណ្ណ ប.ស.ស រួចហើយ តែគ្រួសារខ្ញុំជាអ្នករត់ម៉ូតូឌុប គាត់ចង់បានប័ណ្ណ ប.ស.ស ដែរ។ ខ្ញុំសប្បាយចិត្តពេលឮមានកម្មវិធីនេះ ព្រោះប័ណ្ណ
ប.ស.ស មានសារៈសំខាន់ណាស់ ដោយសារកន្លងមក ពេលឈឺល្មមៗ អត់ហ៊ានទៅពេទ្យទេ ដោយជីវភាពខ្វះខាត»។ កម្មការិនីរូបនេះ បន្ថែមថា ការព្យាបាលនៅមន្ទីរពេទ្យម្តងៗ លោកស្រីត្រូវចំណាយអស់ប្រហែល ១០ ទៅ ២០ ម៉ឺនរៀល តែនៅពេលមានប័ណ្ណ ប.ស.ស គឺជួយសម្រាលចំណាយច្រើនណាស់។
កម្មការិនីដដែល និយាយបន្តថា « ខ្ញុំចង់ឃើញសមាជិកផ្ទះខ្ញុំមានប័ណ្ណ ប.ស.ស ដូចៗ គ្នា ព្រោះពេលមានប័ណ្ណ ប.ស.ស អត់សូវភ័យរឿងពេលឈឺ ដោយសារអត់មានថវិកាព្យាបាល។ ខ្ញុំសូមអរគុណរាជរដ្ឋាភិបាលដែលបង្កើតឲ្យមានកម្មវិធីនេះជួយប្រជាពលរដ្ឋ»។
គួរជម្រាបថា កាលពីថ្ងៃទី ១៤ ខែវិច្ឆិកា ឆ្នាំ ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានប្រកាសដាក់ឲ្យអនុវត្តជាផ្លូវការ «របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គលស្វ័យនិយោជន៍ និង អ្នកក្នុងបន្ទុកសមាជិក ប.ស.ស.» និង «កម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ»។
យោងតាមរបាយការណ៍របស់ក្រសួងការងារ និង បណ្ដុះបណ្ដាលវិជ្ជាជីវៈ បានឲ្យដឹងថា តាមរយៈកម្មវិធីនេះ បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស រួមមានប្តី ឬ ប្រពន្ធ និងកូន ក្នុងបន្ទុក អាចទទួលបានរបបសន្តិសុខសង្គមផ្នែកថែទាំសុខភាព ដោយគ្រាន់តែបង់ភាគទានត្រឹមតែ ១៥ ៦០០ រៀល គឺអាចទទួលបានសេវាព្យាបាល និងថែទាំវេជ្ជសាស្ត្រនៅគ្រប់ពេទ្យដែលជាដៃគូរបស់ ប.ស.ស បន្ថែមពីលើមន្ទីរពេទ្យរដ្ឋ។ បន្ថែមពីនេះ សម្រាប់បុគ្គលស្វ័យនិយោជន៍ជាស្ត្រីដែលបង់ភាគទានបាន ៩ ខែ ក្នុងកំឡុង ១២ ខែ នឹងទទួលបានប្រាក់បំណាច់លំហែមាតុភាពនៅពេលសម្រាលកូន និងវិភាជន៍ប្រាក់បូជាសពពេលទទួលមរណភាព។
របាយការណ៍របស់ក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ទៀតថា ការពង្រីកវិសាលភាពរបបសន្តិសុខសង្គមផ្នែកថែទាំសុខភាព តាមរបបភាគទានដោយស្ម័គ្រចិត្តនេះ នឹងគ្របដណ្ដប់ដល់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ប្រមាណជាង ៣ លាននាក់បន្ថែម ដែលនឹងធ្វើឲ្យរបបសន្តិសុខសង្គមផ្នែកថែទាំសុខភាព នឹងគ្របដណ្ដប់ប្រជាជនសរុបប្រមាណជាង ៥ លាននាក់៕
ទីផ្សារកីឡាបាល់ទះកាន់តែធំ សម្រាប់អ្នកចង់ក្លាយជាកីឡាករអាជីព
UN៖ មនុស្ស១៤០០នាក់បានស្លាប់ក្នុងការបង្ក្រាបលើការតវ៉ានៅបង់ក្លាដែស ខណៈចាប់ខ្លួនជាង១១០០០នាក់
នេន ទុំ សន្យាមិនបោះបង់ការខិតខំរបស់ខ្លួន ព្រោះតែគំនិតអវិជ្ជមានអ្នកមួយចំនួនឡើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ថៃប៉ុនប៉ងចាប់ខ្លួនដឹកនាំកងកម្លាំងឆ្មាំព្រំដែនរដ្ឋ Karenរបស់មីយ៉ាន់ម៉ា ដោយចោទពីបទជួញដូរមនុស្សឆ្លងដែន
កវីនិពន្ធល្បីខាងកំណាព្យ បណ្ឌិត ជ័យ ចាប ធ្លាក់ខ្លួនឈឺធ្ងន់ចូលសង្គ្រោះបន្ទាន់
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ត្រាំ ប្រាប់ភ្នាក់ងាររដ្ឋាភិបាលថា «មុនរើសបុគ្គលិកម្នាក់ ត្រូវបញ្ឈប់៤នាក់សិន»
ដាណឺម៉ាក ព្រមានថា ៥ឆ្នាំទៀត រុស្ស៊ី អាចបញ្ឆេះសង្គ្រាមធំនៅអឺរ៉ុប
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
សន្តិសុខសង្គម១ សប្តាហ៍ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត