ព័ត៌មានជាតិ
«ខ្សែរ៉កកាហ្វេ» នៅខេត្តកែប កំពុងទាក់ទាញភ្ញៀវទេសចរជាតិ-អន្តរជាតិ ឲ្យមកកម្សាន្តកាន់តែច្រើន
កាលពីថ្ងៃទី ១៦ ខែវិច្ឆិកា ឆ្នាំ ២០២៣ កន្លែង «ខ្សែរ៉កកាហ្វេ» ដែលជាទីពេញនិយម និងជាផលិតផលទេសចរណ៍ថ្មីមួយរបស់ខេត្តកែប បាន និងកំពុងទាក់ទាញភ្ញៀវទេសចរជាតិ-អន្តរជាតិ ឲ្យមកទស្សនាកម្សាន្តកាន់តែច្រើន។
«ខ្សែរ៉កកាហ្វេ» នេះ មានទីតាំងនៅលើភ្នំ ទល់មុខឆ្នេរខ្សាច់កម្សាន្ត អាចមើលឃើញសមុទ្រ ខ្យល់អាកាសបរិសុទ្ធត្រជាក់ស្រួល និងដើមឈើធំៗ រំលេចដោយទេសភាពបៃតង។ ចំណែកការរៀបចំកន្លែង គឺ ស្អាត អនាម័យ និងសេវាកម្មល្អ ពិសេសអាចជិះខ្សែរ៉កលេងលម្ហែកម្សាន្តមើលទេសភាពថែមទៀតផង។
កញ្ញា ស្រី គា អ្នកទេសចរមកពីខេត្តតាកែវ បានបង្ហាញចំណាប់អារម្មណ៍របស់ខ្លួនចំពោះ «ខ្សែរ៉កកាហ្វេ» ក៏ដូចជាខេត្តកែបថា កញ្ញា បានមកលេងជាញឹកញាប់ ប៉ុន្តែមិនមានការជិនណាយទេ ដោយសារខេត្តកែបមានការអភិវឌ្ឍថ្មីៗ ជានិច្ច សំបូរកន្លែងទេសចរណ៍ប្លែកៗ។ ជាក់ស្ដែងដូចជា «ខ្សែរ៉កកាហ្វេ»នេះ ពិតជាទាក់ទាញខ្លាំងណាស់ ពិសេសសម្រាប់អ្នកចូលចិត្តថតរូបអនុស្សាវរីយ៍។
ចំណែក លោក វាសនា អ្នកទេសចរមកពីខេត្តសៀមរាបវិញ ក៏បានបង្ហាញចំណាប់អារម្មណ៍របស់ខ្លួនក្រោយពេលជិះខ្សែរ៉ក ថា នេះជាលើកដំបូងក្នុងឆាកជីវិត ដែលជិះខ្សែរ៉ក វាពិតជាសប្បាយរីករាយ និងមានអារម្មណ៍ប្លែក រំភើបខុសពីការដើរកម្សាន្តនៅតំបន់ផ្សេងៗ។
ដោយឡែក លោក បុត្រ ជាអ្នកនាំភ្ញៀវជិះខ្សែរ៉ក បានប្រាប់ឲ្យដឹងថា សេវាកម្មជិះខ្សែរ៉ក ជាផ្នែកមួយសំខាន់សម្រាប់ទាក់ទាញទេសចរឲ្យមកកម្សាន្តខេត្តកែប។ ក្រោយពេលបើកបានជាង ១ ខែនេះ «ខ្សែរ៉កកាហ្វេ» មានពលរដ្ឋ និងភ្ញៀវទេសចរ មកកម្សាន្តកាន់តែច្រើន ពិសេសសម្រាប់ថ្ងៃចុងសប្ដាហ៍។
គួរជម្រាបថា ខេត្តកែប នឹងធ្វើជាម្ចាស់ផ្ទះក្នុងការរៀបចំពិធីបុណ្យសមុទ្រលើកទី ១០ ជុំទី ៣ ឆ្នាំ ២០២៣ នៅថ្ងៃទី ១ ធ្នូ ដល់ថ្ងៃទី ៣ ខែធ្នូ ឆ្នាំ ២០២៣ ខាងមុខនេះ ក្រោមប្រធានបទ«ទាំងអស់គ្នា ដើម្បីទេសចរណ៍»។ ក្នុងនោះ បែងចែកជា ៣ តំបន់ ដោយតំបន់ A (ទីតាំងប្រារព្ធពិធីនៅឆ្នេរ ២៧០០ ម៉ែត្រ ក្បែរផ្សារក្តាម) ,តំបន់ B (ឆ្នេរលេងទឹកស្រី ស) និងតំបន់ C (បរិវេណនៅខាងមុខសាលាខេត្តកែប)។ ចំពោះសកម្មភាពរៀបចំសំខាន់ៗ មានដាក់តាំងស្តង់ពិព័រណ៍ទំនិញ ការដាំដើមឈើនៅតាមឆ្នេរ សកម្មភាពកីឡា ការសម្ដែងសិល្បៈ ប្រគំតន្ត្រី ដុតកាំជ្រួច និងបង្ហោះគោម ដើម្បីអបអរសាទរព្រឹត្តិការណ៍បុណ្យសមុទ្រលើកទី ១០ ជុំទី ៣ ឆ្នាំ ២០២៣ នាពេលខាងមុខ ក្បែរផ្សារក្តាម នៃខេត្តកែប៕
អត្ថបទ ៖ សឹង រ៉ាត់
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
នគរបាលប្រឆាំងបទល្មើសគ្រឿងញៀន ឃាត់ខ្លួនជនជាតិចិនម្នាក់ និងរឹបអូសថ្នាំជិត៥០គីឡូក្រាម ក្នុងភូមិសាស្ត្ររាជធានីភ្នំពេញ
CMAC ផ្អាកដោះមីនបណ្ដោះអាសន្ន នៅខេត្តចំនួន៨ ក្រោយអាមេរិកផ្អាកផ្ដល់ជំនួយ
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ខេត្តកំពត ទទួលស្វាគមន៍ភ្ញៀវទេសចរណ៍ជាង ៣ ម៉ឺននាក់ ក្នុងរយៈពេលពីរថ្ងៃនៃពិធីបុណ្យចូលឆ្នាំចិន
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
ផ្លូវ ៦០ ម៉ែត្រ ទៀតហើយ! ស្ត្រីម្នាក់ ត្រូវរថយន្តស៊េរីទំនើបបុកពីក្រោយរបួសធ្ងន់
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
-
ចរាចរណ៍៧ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ១ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៥ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក