ព័ត៌មានអន្ដរជាតិ
EU ប្រាប់ឲ្យអ៊ីស្រាអែល ត្រូវតែគោរពច្បាប់សង្គ្រាម
អ៊ីស្រាអែល ត្រូវតែគោរពច្បាប់សង្គ្រាម និងចាត់វិធានការប្រុងប្រយ័ត្នជាចាំបាច់ទាំងអស់ ដើម្បីចៀសវាងការស្លាប់ជនស៊ីវិល ខណៈខ្លួននៅតែបន្តការវាយប្រហារតាមផ្លូវអាកាស និងដីគោកនៅតំបន់ហ្គាហ្សា ប្រឆាំងក្រុមប្រដាប់អាវុធហាម៉ាសប៉ាឡេស្ទីន។ នេះបើតាមការបញ្ជាក់ពីតំណាងជាន់ខ្ពស់សហភាពអឺរ៉ុបទទួលបន្ទុកកិច្ចការបរទេស លោក Josep Borrell។
![](https://www.kampucheathmey.com/wp-content/uploads/2023/11/image-1505-1024x683.png)
នៅក្នុងបទសម្ភាសជាមួយកាសែត El Pais របស់អេស្ប៉ាញ កាលពីថ្ងៃចន្ទទី២០ខែវិច្ឆិកា លោក Borrell បានរំលឹកឡើងវិញថា ថ្វីបើលោកថ្កោលទោសការវាយប្រហាររបស់ចលនាហាម៉ាសលើអ៊ីស្រាអែលក៏ដោយ ប៉ុន្តែភាពភ័យរន្ធត់មួយ មិនគួរបង្ហាញឲ្យឃើញភាពភ័យរន្ធត់មួយទៀតទេ។ លោកនិយាយបែបនេះ ដោយសំដៅទៅលើការទម្លាក់គ្រាប់បែកឥតឈប់ឈរនៅតំបន់ហ្គាហ្សា។
អ្នកការទូតកំពូល EU រូបនេះបន្តថា លោកបានរំលឹកមន្ត្រីអ៊ីស្រាអែលថា សង្រ្គាមមានច្បាប់របស់វា ហើយការទម្លាក់គ្រាប់បែកត្រូវតែគិតគូរដល់ការស្លាប់និងរបួសមនុស្ស។
ទន្ទឹមនោះ លោក Borrell បានសម្តែងនូវភាពមិនច្បាស់លាស់ ទាក់ទងនឹងការអះអាងរបស់អ៊ីស្រាអែលដែរថា ការវាយប្រហារដ៏មានឥទ្ធិពលលើអគារនានាក្នុងតំបន់ហ្គាហ្សា គឺមានគោលបំណងបំផ្លាញផ្លូវរូងក្រោមដី ដែលសាងសង់ដោយក្រុមហាម៉ាស។
![](https://www.kampucheathmey.com/wp-content/uploads/2023/11/image-1506.png)
លោកក៏បានគូសបញ្ជាក់ផងដែរថា ជម្លោះរវាងអ៊ីស្រាអែលនិងប៉ាឡេស្ទីន មិនអាចដោះស្រាយជាមួយនឹងការជម្លៀសប្រជាជនច្រើនជាងពីរលាននាក់ចេញពីតំបន់ហ្គាហ្សាបានទេ ហើយថា មានតែដំណោះស្រាយនយោបាយប៉ុណ្ណោះ ទើបមានឱកាសជោគជ័យ។ ប្រសិនបើអ៊ីស្រាអែលចង់កសាងសន្តិភាព ពួកគេមិនអាចសាបព្រួសនូវភាពស្អប់ខ្ពើមបន្ថែមទៀតបានឡើយនាពេលឥឡូវនេះ។
ចាប់តាំងពីផ្ទុះសង្គ្រាមនៅថ្ងៃទី៧ខែតុលាមក EU បានទទួលស្គាល់សិទ្ធិរបស់អ៊ីស្រាអែលក្នុងការការពារខ្លួន និងអំពាវនាវសម្រាប់ការផ្អាកបាញ់មនុស្សធម៌។
ទោះបីជាយ៉ាងណាក៏ដោយ ប្រទេសអឺរ៉ុបមួយចំនួន ដូចជាសហរដ្ឋអាមេរិកផងដែរ បានស្ទាក់ស្ទើរក្នុងការជំរុញឲ្យភាគីទាំងសងខាង ឲ្យយល់ព្រមលើបទឈប់បាញ់ ដោយលើកឡើងពីក្តីព្រួយបារម្ភអំពីថាតើ កិច្ចព្រមព្រៀងបែបនេះនឹងធានាសន្តិសុខរបស់ប្រទេសនាពេលអនាគតដែរឬក៏អត់៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ីស្រាអែល បើកការវាយប្រហារអាកាស លើមន្ទីរពេទ្យឥណ្ឌូណេស៊ី នៅ ហ្គាហ្សា
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៧ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សេចក្ដីជូនដំណឹង៩ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ