ព័ត៌មានជាតិ
អគ្គិសនីកម្ពុជាចេញខាតថវិកាជាង ៦០០ លានដុល្លារសម្រួលតម្លៃអគ្គិសនីឲ្យនៅថេរ
ចាប់តាំងពីឆ្នាំ២០១២ រហូតមកដល់ឆមាសទី ១ ឆ្នាំ២០២៣ អគ្គិសនីកម្ពុជាបានចំណាយថវិកាប្រមាណជាង ៦០០ លានដុល្លារ (៦២៩ លានដុល្លារ) ដើម្បីជួយឧបត្ថម្ភធននិងការបង់ខាតជំនួសប្រជាពលរដ្ឋអ្នកប្រើប្រាស់តាមលំនៅឋាន និងអ្នកប្រើប្រាស់គ្រប់ប្រភេទ សំដៅដើម្បីរក្សាតម្លៃឲ្យស្ថិតនៅដដែល និងជាការសម្រួលដល់ការបង់ភ្លើងប្រើប្រាស់របស់ប្រជាពលរដ្ឋ ពិសេសនៅតាមតំបន់ទីជនបទ។ នេះជាការគូសបញ្ជាក់របស់លោក កែវ រតនៈ រដ្ឋមន្រ្តីក្រសួងរ៉ែ និងថាមពល។
នៅក្នុងវេទិកាពិភាក្សាស្តីពី «គោលនយោបាយរ៉ែ និងថាមពលនៅកម្ពុជា» នៅសណ្ឋាគារសុខានាព្រឹកថ្ងៃទី ២១ ខែវិច្ឆិកា ឆ្នាំ ២០២៣ នេះ លោក កែវ រតនៈ បានបញ្ជាក់ថា ប្រព័ន្ធបណ្ដាញអគ្គិសនីនៅក្នុងប្រទេសអាស៊ានទាំងអស់មិនអាចមានតម្លៃដូចគ្នាទេ គឺអាចខុសគ្នាពាក់កណ្ដាលទៅ និងពាក់កណ្ដាលមក។ ដូច្នេះក្នុងគោលដៅជួយសម្រួលដល់ថ្លៃអគ្គិសនីឲ្យនៅឋេរ ចាប់តាំងពីឆ្នាំ២០១២ រហូតមកដល់ឆមាសទី១ ឆ្នាំ២០២៣ អគ្គិសនីកម្ពុជាបានចំណាយថវិកាប្រមាណជាង ៦០០លានដុល្លារ (៦២៩ លានដុល្លារ) រួចមកហើយ សម្រាប់ឧបត្ថម្ភធនឬហៅថាការជួយចេញខាតជំនួសប្រជាពលរដ្ឋ។
ការឧបត្ថម្ភធននេះបានន័យថា រដ្ឋបានជួយចេញទៅលើថ្លៃដើមផលិតពិតប្រាកដដោយក្នុង ១ គីឡូវ៉ាត់ម៉ោង គឺមិនមែន ៣៨០ រៀល ៤៨០រៀល នោះទេ ដែលតម្លៃភ្លើងពិតប្រាកដអាចមានតម្លៃចន្លោះពី ១ ២០០ រៀល ដូច្នេះកាលដែលរដ្ឋលក់ត្រឹម ៣៨០រៀល ឬ ៤៨០រៀល បានន័យថារដ្ឋគឺបានជួយឧបត្ថម្ភធនជួយបំពេញខាតនិងជូនប្រជាពលរដ្ឋរួចទៅហើយ។
ស្របជាមួយគ្នានេះ លោក កែវ រតនៈ បានបន្តថា តាមរយៈអគ្គិសនីជនបទ រដ្ឋាភិបាលក៏បានជួយពង្រីកបណ្ដាញជនបទ ដោយក្នុងនោះបានចំណាយថវិកាចំនួន ១០២ លានដុល្លារក្នុងរយៈពេលដូចគ្នា ដែលនេះនៅមិនទាន់គិតថវិការបស់អគ្គិសនីកម្ពុជាផ្ទាល់សម្រាប់ប្រតិបត្តិករវិនិយោគនៅក្នុងស្រុកនៅឡើយទេ។
ពាក់ព័ន្ធនឹងតំបន់ដាច់ស្រយាលពិសេសតំបន់ដែលគ្មានចរន្តអគ្គិសនីតទៅដល់ លោក កែវ រតនៈ បានបន្ថែមថា អគ្គិសនីកម្ពុជាក៏បានជួយអន្តរាគមន៍ដើម្បីអាចមានអគ្គិសនីប្រើប្រាស់ដោយការបំពាក់ប្រព័ន្ធសូឡានៅលើដំបូលផ្ទះរបស់ប្រជាពលរដ្ឋ ក្នុងនោះអគ្គិសនីកម្ពុជាបានចំណាយថវិកាជាង ២៨ លានដុល្លារផងដែរ។
ដោយឡែក ចំពោះអ្នកដែលគ្មានថវិកាគ្រប់គ្រាន់ដើម្បីទិញខ្សែភ្លើងតបណ្ដាញអគ្គិសនី និងថ្លៃដំឡើងអគ្គិសនីនៅតាមផ្ទះ អគ្គិសនីកម្ពុជាក៏បានចំណាយថវិកាជិត ៥លានដុល្លាររួចហើយដែរ ដើម្បីចេញថ្លៃតសេវាអគ្គិសនីធ្វើយ៉ាងណាដើម្បីអាចឲ្យប្រជាពលរដ្ឋទទួលបានអគ្គិសនីប្រើប្រាស់។
យ៉ាងណាមិញ លោកកែវ រតនៈ ក៏បានអះអាងដែរថា ការរាប់ខាងលើនេះគឺគ្រាន់តែគិតតែមួយជ្រុងនៃការជួយអន្តរាគមន៍របស់អគ្គិសនីជនបទដែលជានាយកដ្ឋានមួយរបស់អគ្គិសនីកម្ពុជា៕
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៨ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី