ជីវិតកម្សាន្ដ

យ៉ែម សំអូន ទម្លាយថា ម៉េង កែវពេជ្ជតា ជាគ្រូលាក់មុខជួយឲ្យទទួលបានផ្លែផ្កា ជោគជ័យ

បានផុស

១ year មុន

នៅ

ថ្ងៃពុធ ២២ វិច្ឆិកា ២០២៣

ដោយ

តារាចម្រៀងប្រុសលោក យ៉ែម សំអូន សុខៗ ស្រាប់តែចេញមកទម្លាយថា កំពូលតារាចម្រៀងជើង ចាស់អ្នកនាង ម៉េង កែវពេជ្ជតា ជាអ្នកមានគុណធ្លាប់ជួយជ្រោមជ្រែងឲ្យលោកជោគជ័យ និងទទួលបានផ្លៃផ្កាមកដល់សព្វថ្ងៃនេះ។ ក្នុងនោះ លោកក៏បានចាត់ទុកអ្នកនាង ម៉េង កែវពេជ្ជតា ជាគ្រូលាក់មុខទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក យ៉ែម សំអូន បានបង្ហោះរូបភាពដោយសរសេរភ្ជាប់ខ្លឹមសារដូច្នេះថា «My only one idol គាត់ ជាគ្រូលាក់មុខរបស់ខ្ញុំ ដែលកំពូលសមត្ថភាពរបស់គាត់ធ្វើឲ្យខ្ញុំរៀនតាម និងទទួលបានផ្លែផ្កាជោគជ័យមកដល់រាល់ថ្ងៃនេះ ខ្ញុំសូមគោរពតបស្នងគុណរបស់រៀមច្បង ដោយការថែរក្សា កេរ្តិ៍តម្លៃ ដ៏ថ្លៃថ្លា មិនអាចកាត់ថ្លៃបាននេះរហូត»។

ជាការពិតណាស់ អ្នកនាង ម៉េង កែវពេជ្ជតា ថ្វីត្បិតតែបច្ចុប្បន្នមានវ័យច្រើនបន្តិចក្តី តែតារាស្រីរូបនេះនៅតែរក្សាបានការគាំទ្រ និងមានប្រជាប្រិយភាពសម្រាប់ទីផ្សារចម្រៀងគ្រប់មជ្ឈដ្ឋាន ពោល ទទួលបានការគាំទ្រទាំងមនុស្សវ័យចំណាស់ និងមិត្តៗយុវវ័យផងដែរ ខណៈអ្នកនាងត្រូវបានគេចាត់ទុកដែរថាជារាជិនីសំឡេងពីរោះរណ្ដំចិត្ត។

ចំណែកតារាចម្រៀងប្រុសលោក យ៉ែម សំអូន វិញ ក៏មានប្រជាប្រិយភាពច្រើនផងដែរ ដោយសារបច្ចុប្បន្នលោកមានក្រុមតន្ត្រីសម័យផ្ទាល់ខ្លួន បម្រើអារម្មណ៍ទស្សនិកជននៅតាមបណ្ដាកម្មវិធីផ្សេងៗ គ្រប់ទីកន្លែងទៀតផង៕

អត្ថបទ ៖ ចាន់រ៉ា