ព័ត៌មានជាតិ
សារមន្ទីរខេត្តបាត់ដំបង នឹងលក់សំបុត្រសម្រាប់ភ្ញៀវបរទេសចូលទស្សនា ចាប់ពីដើមខែមករា តទៅ
សារមន្ទីរខេត្តបាត់ដំបង នឹងចាប់ផ្ដើមលក់សំបុត្រសម្រាប់ភ្ញៀវទេសចរបរទេសចូលទស្សនា ចាប់ពីថ្ងៃទី១ ខែមករា ឆ្នាំ២០២៤ ខាងមុខនេះតទៅ ហើយចំពោះភ្ញៀវទេសចរជាជនជាតិខ្មែរ មិនតម្រូវឲ្យមានការបង់ប្រាក់ឡើយ។
យោងតាមសេចក្ដីជូនដំណឹងរបស់មន្ទីរវប្បធម៌ និងវិចិត្រសិល្បៈខេត្តបាត់ដំបង បានឲ្យដឹងថា តម្លៃសំបុត្រចូលទស្សនាសារមន្ទីរខេត្តបាត់ដំបង សម្រាប់ភ្ញៀវជនជាតិខ្មែរ មិនមានការគិតថ្លៃនោះទេ។ ហើយភ្ញៀវបរទេសអាយុក្រោម ១០ឆ្នាំ ខាងមន្ទីរ ក៏មិនគិតថ្លៃសំបុត្រដូចគ្នា ប៉ុន្តែជនបរទេសដែលមានអាយុចាប់ពី ១០ឆ្នាំ ឡើងទៅ តម្លៃសំបុត្រ ១២,០០០រៀល ក្នុង ១ នាក់ (មានសុពលភាព០១ថ្ងៃ)។
សេចក្ដីជូនដំណឹងដដែលបានបញ្ជាក់ថា សម្រាប់ជនបរទេស មានអាយុក្រោម ១០ឆ្នាំ មិនតម្រូវឲ្យទិញសំបុត្រ តែត្រូវបង្ហាញឯកសារពាក់ព័ន្ធ ឬលិខិតឆ្លងដែនទៅកាន់បញ្ជរលក់សំបុត្រ ឬមន្ត្រីឆែកសំបុត្រ។ ករណីពុំមានឯកសារបញ្ជាក់ច្បាស់លាស់ ភ្ញៀវត្រូវបង់ប្រាក់ចូលទស្សនាតាមការកំណត់ដូចក្នុងសេចក្ដីជូនដំណឹង។
ជាមួយគ្នានេះ មន្ត្រី នៃមន្ទីរវប្បធម៏ និងវិចិត្រសិល្បៈខេត្តបាត់ដំបង បានលើកឡើងដែរថា សារមន្ទីរ ជាកន្លែងប្រមូលផ្តុំនូវគ្រប់ផ្ទាំងទស្សនីយភាពដែលរួមបញ្ចូលនូវផ្នែកវប្បធម៌ សិល្បៈ ចម្លាក់ ក្បូរក្បាច់រចនា និងសំណង់ស្ថាបត្យកម្មដ៏ល្អឯក។ ហើយសារមន្ទីរខេត្តបាត់ដំបង ត្រូវបានដាក់សម្ពោធឲ្យប្រើប្រាស់ កាលពីថ្ងៃទី២៩ ខែតុលា ឆ្នាំ១៩៦៨ ដោយស្ថាបត្យករ យាង (Yieng) ដែលជាស្ថាបត្យករប្រចាំខេត្តបាត់ដំបង និងធ្វើការនៅមន្ទីរសាធារណការ និងដឹកជញ្ជូន នាសម័យនោះផងដែរ។
យ៉ាងណាមិញ សារមន្ទីរ និងសាលតាំងពិព័រណ៍វត្ថុបុរាណខេត្តបាត់ដំបង ក៏ត្រូវបានជួសជុលឡើងក្រោមការឧបត្ថម្ភគាំទ្រពីអង្គការមិត្តវប្បធម៌ខ្មែរ FOKCI ដោយចំណាយថវិកាជាង ២៧ម៉ឺនដុល្លារអាមេរិក និងដាក់សម្ពោធឲ្យប្រើប្រាស់ជាផ្លូវការម្ដងទៀត កាលពីថ្ងៃទី១១ ខែមករា ឆ្នាំ២០១៩ ក្រោមអធិបតីភាពលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និង លោក ងួន រតនៈ កាលដែលលោកនៅជាអភិបាលខេត្តបាត់ដំបង។
ទន្ទឹមនោះដែរ លោក គឹម សោភ័ណ ប្រធានមន្ទីរវប្បធម៌ និងវិចិត្រសិល្បៈខេត្តបាត់ដំបង បានឲ្យដឹងថា រូបចម្លាក់ និងវត្ថុបុរាណផ្សេងៗ ទៀត ដែលមានក្នុងសារមន្ទីរខេត្តបាត់ដំបង សព្វថ្ងៃនេះមានប្រមាណ ១,៥០០រូប ក្នុងនោះមានរូបចម្លាក់ ឬវត្ថុបុរាណ សាងសង់ពីថ្ម ឈើ មាស សំរឹទ្ធ ស្ព័ន ដីដុត។ ហើយរូបចម្លាក់ ឬវត្ថុបុរាណខ្លះ ក៏មានអាយុកាលរហូតដល់ទៅជាង ៧ម៉ឺនឆ្នាំមកហើយដែរ ដែលបានកសាងតាំងពីសម័យបុរេប្រវត្តិមកម្ល៉េះ។
គួរជម្រាបថា សារមន្ទីរខេត្តបាត់ដំបង មានទីតាំងស្ថិតនៅតាមដងផ្លូវលេខ០១ ខាងជើងវិមានឯករាជ្យប្រហែល ១០០ម៉ែត្រ ចំកណ្ដាលក្រុងបាត់ដំបង៕
អត្ថបទ ៖ សៅ សារិទ្ធ
ទិវាសន្តិភាព ២៩ ធ្នូ៖ សម្តេចតេជោ រំលឹករំលេចឱ្យដឹងពី«យុទ្ធសាស្រ្ត»របស់សម្តេចដែលទទួលមេដឹកនាំខ្មែរក្រហមនៅផ្ទះសម្តេច
ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់
ក្រសួងការពារជាតិ រៀបចំពិធីអបអរសាទរខួបលើកទី២៦ «ទិវាសន្តិភាពនៅកម្ពុជា» នៅវិមាន ឈ្នះឈ្នះ
៤វិធីងូតទឹកឲ្យត្រឹមត្រូវ មិនបាច់បារម្ភខ្លាចស្លាប់ភ្លាមៗ
រដ្ឋបាលជលផល និងកូរ៉េ ផ្តល់ការគាំទ្រដាំស្តារព្រៃកោងកាងទំហំជាង៥០០ហិចតានៅខេត្តកោះកុង
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
ក្នុងឆ្នាំ២០២៤ នាយករដ្ឋមន្ត្រីធ្វើទស្សនកិច្ចផ្លូវការទៅកាន់ប្រទេសចំនួន៨
NBC បញ្ជាក់សារជាថ្មីថា៖ ទ្រព្យសកម្មគ្រីបតូមួយចំនួនត្រូវបានធនាគារជាតិនៃកម្ពុជាអនុញ្ញាតិឱ្យធ្វើប្រតិបត្តិការ
នគរបាលខេត្តស្វាយរៀង បំបែកសំណុំរឿងឃាតកម្មលើស្ត្រីជនពិការ(គ)
តារាសម្តែងស្រី នី មុន្នីនាថ បង្ហាញក្តីបារម្ភ ខណ:ការបរិច្ចាគឈាមមកកាន់មូលនិធិឈាមនាង ជួបការខ្វះខាត
-
សន្តិសុខសង្គម៤ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៥ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានជាតិ១ សប្តាហ៍ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម៣ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoកម្ពុជាបានចំណាយជាង២,១៨ពាន់លានដុល្លារលើការនាំចូលប្រេងឥន្ធនៈក្នុងរយៈពេល១១ខែ
-
ព័ត៌មានអន្ដរជាតិ១ សប្តាហ៍ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ
-
ចរាចរណ៍៤ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៥ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ