ព័ត៌មានជាតិ

អាជ្ញាធរខណ្ឌដង្កោប្រើវិធានការក្តៅលើពលរដ្ឋណាដែលរំលោភចំណីផ្លូវសាធារណៈ

បានផុស

៤ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

កន្លងទៅមន្ត្រីសាលាខណ្ឌដង្កោ ក៏ដូចជាកម្លាំងសណ្តាប់ធ្នាប់សាលាខណ្ឌ សង្កាត់ តែងចុះរៀបចំសណ្តាប់ធ្នាប់ នៅក្នុងមូលដ្ឋានឲ្យបានល្អប្រសើរជាប្រចាំ ដោយសារតែបងប្អូនប្រជាពលរដ្ឋមួយចំនួនតូចមិនទាន់បានចូលរួមសហការជាមួយអាជ្ញាធរ ដោយពួកគាត់ចេះតែយកសម្ភារៈផ្សេងៗទុកដាក់ដែលនាំឲ្យប៉ះពាល់ចំណីផ្លូវសាធារណៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែមិនអនុវត្តតាមការណែនាំកម្លាំងចម្រុះអាជ្ញាធរខណ្ឌ ដឹកនាំបញ្ជាផ្ទាល់ដោយលោក ជចាន់ស៊ាង អភិបាលរងខណ្ឌដង្កោ និងលោក ម៉ុក ពុទ្ធា នាយកសាលាខណ្ឌដង្កោ បានប្រើវិធានក្តៅ ដោយកាត់ស្លាកយីហោស្រាបៀរផ្សេងៗ ក៏ដូចជាស្លាកពាណិជ្ជកម្មទាំងឡាយណា ដែលដាំរំលោភចំណីផ្លូវសាធារណៈ និងណែនាំបន្ថែមទៀត ទៅលើបងប្អូនប្រជាពលរដ្ឋមួយចំនួនដែលចេះតែដាក់សម្ភារៈអេតចាយមានដូចជា បាវអេតចាយធំៗ សំបកដកទឹកសុទ្ធ សំបកកំប៉ុង ឬសម្ភារៈផ្សេងៗទៀត រំលោភនៅលើចំណីផ្លូវសាធារណៈ ។

មន្ត្រីសាលាខណ្ឌដង្កោប្រាប់ឲ្យដឹងថា លោកស្រី គឹម ញឹប អភិបាលនៃគណៈអភិបាលខណ្ឌដង្កោ ជារឿយៗតែងតែណែនាំមន្ត្រីក្រោយមឱវាទឲ្យចុះពិនិត្យមើលជាប្រចាំនូវរាល់ការងារទាំងឡាយនៅជុំវិញមូលដ្ឋានខណ្ឌដង្កោ ទាំងសន្តិសុខ អនាម័យ បរិស្ថាន ជាពិសេសការរំលោភបំពានផ្លូវសាធារណៈជាដើម ពីព្រោះថា ការរំលោភបំពានផ្លូវសាធារណៈនេះហើយ ដែលនាំឲ្យបាត់បង់សណ្តាប់ធ្នាប់ របៀបរាបរយសាធារណៈ ក៏ដូចជានាំឲ្យមានការកកស្ទះចរាចរណណ៍ផងដែរ ។

ចំពោះបញ្ហានេះលោកស្រី គឹម ញឹប អភិបាលនៃគណៈអភិបាលខណ្ឌដង្កោ បានណែនាំកម្លាំងសណ្តាប់ធ្នាប់សាលាខណ្ឌដង្កោ សហការជាមួយកម្លាំងប្រជាការពារសង្កាត់ចុះរៀបចំសណ្តាប់ធ្នាប់នៅលើកកំណាត់ផ្លូវ៥០ម៉ែត្រជាប់ជាប្រចាំ ដោយសារតែបងប្អូនប្រជាពលរដ្ឋមួយចំនួនចេះតែដាក់សម្ភារៈអេតចាយ មានដូចជា បាវអេតចាយធំៗ សំបកដកទឹកសុទ្ធ សំបកកំប៉ុង ឬ សម្ភារៈផ្សេងៗទៀត រំលោភនៅលើចំណីផ្លូវសាធារណៈ ដែលនាំឲ្យបាត់បង់របៀបរៀបរយ សណ្តាប់ធ្នាប់ សុវត្ថិភាពសាធារណៈ ។

ប្រភពព័ត៌មានបានលើកឡើងបន្តថា បញ្ហានេះជារឿយៗនៅពេលចុះម្តងៗ អាជ្ញាធរខណ្ឌដង្កោ ក៏តែងតែធ្វើការណែនាំទៅដល់បងប្អូនប្រជាពលរដ្ឋទាំងអស់ សូមចូលរួមសហការជាមួយអាជ្ញាធរ សង្កាត់ ខណ្ឌ ឲ្យបានល្អប្រសើរ ដើម្បីថែរក្សាសណ្តាប់ធ្នាប់សាធារណៈ ជៀសវាងមានការរំលោភបំពាននៅលើចំណីផ្លូវសាធារណៈ ដែលនាំឲ្យបាត់បង់សណ្តាប់ធ្នាប់របៀបរាបរយ ក៏ដូចជានាំឲ្យមានការកកស្ទះចរាចរណណ៍ផងដែរ ។ ដោយតម្រូវឲ្យបងប្អូនប្រជាពលរដ្ឋរើចេញឲ្យអស់នូវសម្ភារៈអេតចាយមួយចំនួន រួមមាន បាវអេតចាយធំៗ សំបកដកទឹកសុទ្ធ សំបកកំប៉ុង ឬ សម្ភារៈផ្សេងៗទៀត ដែលដាក់រំលោភនៅលើចំណីផ្លូវ៥០ម៉ែត្រ ចាប់ពីចំណុចផ្លូវបំបែកស្តុបវត្តឬស្សីសាញ់ រហូតទៅដល់ចំណុចភ្លើងស្តុបផ្លូវបំបែកការ៉េប្រាំបី ( ហៅ ) ស្តុបបាគូ នៃមូលដ្ឋានសង្កាត់ព្រៃស និងសង្កាត់ដង្កោ ។

បញ្ហានេះក៍មានបងប្អូនប្រជាពលរដ្ឋមួយចំនួនបានចូលរួមសហការជាមួយអាជ្ញាធរបានល្អប្រសើរគួរអោយកត់សម្គាល់ ផ្ទុយទៅវិញក៏នៅពលរដ្ឋមួយចំនួនទៀតមិនទាន់មានការចូលរួមសហការនោះទេ ដូច្នេះអាជ្ញាធរខណ្ឌដង្កោ ប្រើវិធានក្តៅចំពោះពលរដ្ឋណាដែលនៅតែធ្វើឲ្យបាត់បង់សណ្តាប់ធ្នាប់ផ្លូវសាធារណៈ ដោយមិនទទួលខុសត្រូវ នូវរាល់ការបាត់បង់ បាក់បែក ខូចខាតសម្ភារៈផ្សេងៗអ្វីឡើយ ៕

អត្ថបទ ៖ រ៉ាវុទ្ធ