ព័ត៌មានជាតិ

រាជធានីភ្នំពេញមានបេក្ខជនប្រឡងជាប់បាក់ឌុបជាង៦៤% ក្នុងនោះ និទ្ទេសA ជាប់ ៥៤៧ នាក់

បានផុស

១ year មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

លោក ហែម ស៊ី ណារ៉េត ប្រធានមន្ទីរអប់រំយុវជន និងកីឡាបានមានប្រសាសន៍នៅព្រឹកថ្ងៃទី ២៤ ខែវិច្ឆិកានេះថា ការប្រឡងបាក់ឌុបឆ្នាំនេះរាជធានីភ្នំពេញមានបេក្ខជនប្រឡងជាប់ចំនួន ១៦ ០៦៩ នាក់ស្មើនឹង ៦៤,២៧% ស្រី៨ ៥៥១នាក់នៃបេក្ខជនមកប្រឡង ២៥ ០០៣ នាក់ស្រី ១២ ១៨៨ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងចំណោមបេក្ខជនប្រឡងជាប់ ១៦ ០៦៩ នាក់ក្នុងនោះជាប់និទ្ទេស A មានចំនួន ៥៤៧ នាក់ស្រី២៩៦ នាក់ កើនឡើងទ្វេរដង និទ្ទេស B ១ ៤៩៥ នាក់ស្រី ៨៥៦ នាក់និទ្ទេស C ២៨៤៦ នាក់ស្រី ១ ៦៧២នាក់ និទ្ទេស D ៤ ៩៩៤ នាក់ស្រី ២ ៧៥០ និងនិទ្ទេស E ៦ ១៨៧ នាក់ស្រី ២ ៩៧៧នាក់។

លោកប្រធានមន្ទីរបានបន្តថា ចំណែកប្រឡងបាក់ឌុបឆ្នាំមុនមានបេក្ខជនប្រឡងជាប់ចំនួន ១៤ ៦១៥ នាក់ស្មើនឹង ៦៤,៧១% ស្រី ៧ ៨៧៧ នាក់នៃបេក្ខជនមកប្រឡង ២២ ៥៨៤ នាក់ស្រី ១១ ០៥៨ នាក់ក្នុងនោះមាន និទ្ទេស A មានចំនួន ២៦៨ នាក់ស្រី ១៣៧ នាក់ និទ្ទេសB ១ ៣៣៥ នាក់ស្រី ៧៧៨ នាក់ និទ្ទេស C ២ ៨៧០ នាក់ស្រី ១ ៦៩៩នាក់ និទ្ទេស D ៤ ៦៦៦ នាក់ស្រី ២ ៤៩៧ និងនិទ្ទេស E ៥ ៤៧៦ នាក់ស្រី ២ ៧២៦ នាក់។

សម្រាប់ឆ្នាំ២០២៣នេះនៅទូទាំងប្រទេសមានបេក្ខជនប្រឡងជាប់បាក់ឌុបសរុប ៩៨ ៤៦០ នាក់ត្រូវជា៧២,៨៩ភាគរយនៃចំនួនបេក្ខជនមកប្រឡងចំនួន ១៣៥ ០៨៤ នាក់ស្រី ៧២ ៣៤៤ នាក់ក្នុងចំណោមបេក្ខជនចុះឈ្មោះប្រឡងសរុបចំនួន ១៣៧ ៤១២ នាក់ស្រី ៧៣ ២៧៨ នាក់។

ក្នុងនោះបេក្ខជនជាប់និទ្ទេស A ចំនួន ១ ៦៧៣ នាក់, និទ្ទេស B ចំនួន ៦៩៦៤នាក់និទ្ទេស C ចំនួន ១៨ ៣០៨ នាក់, និទ្ទេស D ចំនួន ៣៤ ២៤៦ នាក់,និងនិទ្ទេស E ចំនួន ៣៧ ២៦៩ នាក់៕