២ថ្ងៃ នៃព្រះរាជពិធីបុណ្យអុំទូក ខេត្តកែបទទួលបានភ្ញៀវទេសចរជាតិ-អន្តរជាតិ ជាង ៥ ម៉ឺននាក់

ខេត្តកែប បានទទួលស្វាគមន៍ភ្ញៀវទេសចរជាតិ-អន្តរជាតិ ជាង ៥ម៉ឺននាក់ ក្នុងរយៈពេល ២ថ្ងៃ នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក។ នេះបើតាមការឲ្យដឹងពីលោក សោម ចិន្ដា ប្រធានមន្ទីរទេសចរណ៍ខេត្តកែប នៅថ្ងៃទី ២៨ ខែវិច្ឆិកានេះ។

លោកថា រយៈពេល ២ថ្ងៃ ក្នុងឱកាសឈប់សម្រាក នៃព្រះរាជពិធីបុណ្យអុំទូក ដែលចំថ្ងៃទី ២៦-២៧ ខែវិច្ឆិកា ឆ្នាំ ២០២៣ គឺខេត្តកែប បានទទួលស្វាគមន៍ភ្ញៀវទេសចរជាតិ-អន្តរជាតិ ប្រមាណ ៥៦,០១៩នាក់។

លោក សោម ចិន្តា ប្រធានមន្ទីរទេសចរណ៍ខេត្តកែប បានឲ្យដឹងបន្តថា សម្រាប់ថ្ងៃទី ២៦ ខែវិច្ឆិកា ឆ្នាំ ២០២៣ មានភ្ញៀវទេសចរជាតិ-អន្តរជាតិ មានចំនួន ១៨,៧៣៣នាក់ និងថ្ងៃទី ២៧ ខែវិច្ឆិកា មានភ្ញៀវចំនួន ៣៧,២៨៦នាក់ ដែលបានចូលទៅលេងកម្សាន្ត នៅតាមសហគមន៍ និងរមណីយដ្ឋាននានា ក្នុងភូមិសាស្ត្រ នៃខេត្តកែប៕

អត្ថបទ៖ សឹង រ៉ាត់