ព័ត៌មានជាតិ
ស្អែកនេះ ក្រុមហ៊ុនធំៗ ៧ ប្រកាសផ្តល់ឱកាសការងារថ្មីបន្ថែមទៀត ជាង ៥០០ កន្លែង ក្នុងវេទិកាការងាររបស់ NEA
ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជាវិស័យការងារ និងបណ្ដុះបណ្ដាលវិជ្ជាជីវៈ នឹងរៀបចំវេទិកាការងារ និងកម្មសិក្សា ដោយមានក្រុមហ៊ុនធំៗ ចំនួន ៧ ចូលរួមផ្តល់ឱកាសការងារថ្មីបន្ថែមទៀត ចំនួន ៥០៥ កន្លែង ដល់យុវជន សិស្ស/និស្សិត និងអ្នកកំពុងស្វែងរកការងារធ្វើ នាថ្ងៃព្រហស្បតិ៍ ទី ៣០ ខែវិច្ឆិកា ស្អែកនេះ។
ក្រុមហ៊ុនទាំង ៧ ដែលនឹងចូលរួមក្នុងវេទិកាការងារប្រចាំខែនាថ្ងៃទី ៣០ នោះរួមមាន ៖ ក្រុមហ៊ុន JACCS, ក្រុមហ៊ុន Develocus Investment, ផ្សារទំនើប ម៉ាក្រូ, ធនាគារស្ថាបនា, ធនាគារឯកទេស AEON, Sokimex និងពន្លឺអលង្ការ។ ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្ដូរការងារ អាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះបាន ចាប់ពីម៉ោង ៨ និង ០០ នាទីព្រឹក ដល់ម៉ោង ០៥ និង ០០ នាទីល្ងាច នៅក្នុងបរិវេណក្រសួងការងារ និងបណ្ដុះបណ្ដាលវិជ្ជាជីវៈ។
លោកស្រី ពេជ្រ ធីតា ប្រធានផ្នែកសម្ភាសន៍ និងបង្ហាត់បង្រៀន នៃផ្សារទំនើប ម៉ាក្រូ លើកឡើងថា ក្រោយពីចូលរួមក្នុងពិព័រណ៍ការងារជាមួយ NEA ម៉ាក្រូ ទទួលបានបេក្ខជនជាច្រើនមកដាក់ពាក្យធ្វើការ តែក៏មិនទាន់គ្រប់តម្រូវការរបស់ក្រុមហ៊ុនដែលមានភាពរីកចម្រើន និងមានការគាំទ្រពីអតិថិជនមកពីគ្រប់ទិសទីនោះដែរ។ ហើយ ក្រុមហ៊ុន នៅតែបន្តសហការជាមួយ NEA ដើម្បីធ្វើការជ្រើសរើសបុគ្គលិកបន្ថែមទៀត ពិសេសក្នុងវេទិកាការងារ នាថ្ងៃទី ៣០ ខែវិច្ឆិកា នេះ តែម្ដង។
លោកស្រី សង្ឃឹមយ៉ាងមុតមាំថា ការចូលរួមសហការជាមួយ NEA នេះ នឹងរួមចំណែកដ៏សំខាន់ក្នុងការជ្រើសរើសបុគ្គលិកប្រកបដោយគុណភាព និងទាន់តម្រូវការរបស់ស្ថាប័ន និងថែមទាំងចូលរួមចំណែកជួយសិស្ស និស្សិត និងអ្នកកំពុងស្វែងរកការងារធ្វើ ឲ្យមានឱកាសជួបសម្ភាសន៍ការងារផ្ទាល់ជាមួយតំណាងក្រុមហ៊ុន។
លោកស្រី ពេជ្រ ធីតា បន្ថែមទៀតថា ភាពរីកចម្រើនរបស់ផ្សារទំនើបម៉ាក្រូ ក៏នាំឲ្យមានតម្រូវការបុគ្គលិកថ្មីៗ ជាច្រើន ដើម្បីបម្រើការងារទៅតាមផ្នែកសំខាន់ៗ ទៀតផងដែរ ដូច្នេះប្រសិនបើសិស្សនិស្សិត ឬអ្នកចង់ផ្លាស់ប្ដូរការងារ មានបំណងចង់បានឱកាសការងារជាមួយផ្សារទំនើប ម៉ាក្រូ ត្រូវមានបុគ្គលិកលក្ខណៈរួសរាយ ស្មោះត្រង់ និងរៀបចំប្រវត្តិរូប (CV) ឲ្យបានស្អាត ដើម្បីជួបជាមួយក្រុមការងារ។
គួរបញ្ជាក់ផងដែរថា សម្រាប់សប្ដាហ៍នេះ NEA បានប្រមូល និងផ្សព្វផ្សាយឱកាសការងារនៅក្នុងប្រទេសបានចំនួនជាង ៤ ម៉ឺនកន្លែង។ ដូច្នេះ សម្រាប់ប្រជាពលរដ្ឋ ដែលកំពុងស្វែងរកការងារ ឬចង់ផ្លាស់ប្តូរការងារនៅគ្រប់រាជធានី-ខេត្តទូទាំងប្រទេស ឬចង់ចុះឈ្មោះសិក្សាជំនាញវិជ្ជាជីវៈ និងបច្ចេកទេស សូមទាក់ទងមកកាន់ NEA តាមរយៈលេខ ០១២ ៩០៦ ៦៦៤ / ០១៦៧៨៦៦៥៥ (Telegram) ឬ គេហទំព័រ www.nea.gov.kh និងទំព័រ Facebook (neakhmer)៕
អភិបាលខេត្តស្ទឹងត្រែងជំរុញមន្ត្រីជំនាញបង្កើតរមណីយដ្ឋានទេសចរណ៍ទស្សនាសត្វផ្សោតនៅឃុំអូរម្រះ
មេដឹកនាំឥណ្ឌូណេស៊ី ជឿថាប្រទេសខ្លួននឹងឈប់នាំចូលអង្ករនៅឆ្នាំក្រោយ
លោកស្រីអភិបាលខេត្តកោះកុង ប្រាប់ដល់យោធិនថ្មី ត្រូវប្រឹងសិក្សា និងគោរពវិន័យទ័ពឱ្យបានល្អ
ស្ថាប័នរដ្ឋពីរចាប់ដៃគ្នាក្នុងផ្តល់សេវាហិរញ្ញវត្ថុដល់ម្ចាស់សហគ្រាសនានា
អាជ្ញាធរសង្កាត់ភ្លើងឆេះរទេះ ដាក់គ្រឿងចក្រឈូសឆាយរៀបចំស្ថាបនាផ្លូវបេតុងថ្មី
វៀតណាម នឹងរំលាយចោលក្រសួងចំនួន ៥
ក្រោយឮថាលែងប្រពន្ធមកយក Janie តួប្រុស Aum ចេញមុខបកស្រាយភ្លាមៗ
ករណីចាប់ត្រាក់ទ័រមួយគ្រឿង អ្នកភូមិអះអាងថាឈូសសំអាតដីភូមិធ្វើស្រែចម្ការ មិនមែនឈូសដីព្រៃនោះទេ
ហេតុអ្វីកូរ៉េខាងត្បូង ដាក់ច្បាប់អាជ្ញាសឹក? តើពេលនេះ ស្ថានការណ៍យ៉ាងណាហើយ?
មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង
-
សេដ្ឋកិច្ច៦ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៥ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
ព័ត៌មានអន្ដរជាតិ៣ ថ្ងៃ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ