ជីវិតកម្សាន្ដ

Jungkook ត្រូវគេរុញវិះនឹងដួលផ្កាប់មុខ នៅព្រលានយន្តហោះ

បានផុស

១២ ខែ មុន

នៅ

ថ្ងៃចន្ទ ៤ ធ្នូ ២០២៣

ដោយ

Jungkook សមាជិកក្រុម BTS វិះនឹងដួលផ្កាប់មុខ ខណៈពេលដែលទស្សនិកជនមកចាំស្វាគមន៍ការវិលត្រលប់មកវិញនៅឯព្រលានយន្តហោះ Incheon ដោយម្នាក់ៗរុញគ្នាទៅមកដើម្បីទៅកៀកអាយដលរបស់ខ្លួន រហូតបង្កើតទិដ្ឋភាពច្របូកច្របល់ឡើងភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលដែល Jungkook នឹងត្រូវចូលចូលបម្រើកងទ័ពនៅថ្ងៃទី ១២ខែធ្នូខាងមុខ ហើយនឹងត្រូវជួបជុំគ្នាជាមួយក្រុមឡើងវិញនៅឆ្នាំ ២០២៥។ ស្របពេលដែលក្នុងរយៈពេលប៉ុន្មានថ្ងៃថ្មីៗនេះ សមាជិក BST បានធ្វើដំណើរទៅក្រៅប្រទេសចុងក្រោយបង្អស់ នៅសហរដ្ឋអាមេរិក។

យ៉ាងណាមិញ មានអ្នកគាំទ្រជាច្រើនដែលមិនស្ទាក់ស្ទើរក្នុងការទៅព្រលានយន្តហោះ Incheon ដើម្បីស្វាគមន៍ Jungkook ត្រឡប់មកវិញនោះទេ។ ប៉ុន្តែដោយសារតែបែបនេះហើយ ទើបអ្នកគាំទ្របានបង្កើតឈុតឆាកចលាចល នៅព្រលានយន្តហោះមានទាំងអ្នកររំភើបចិត្តថែមទាំងញាប់ញ័រ និងរុញច្រានគ្នាទៅមកធ្វើឲ្យ Jungkook វិះនឹងដួលផ្លាប់មុខ។

ទោះយ៉ាងណាក៏ដោយ ម្ចាស់បទ Seven រូបនេះនៅតែរួសរាយរាក់ទាក់ ស្វាគមន៍អ្នកគាំទ្រពីព្រលានរហូតដល់ឡើងរថយន្តដែលមកទទួលលោកចាកចេញទៅ ក្រោមរូបភាពមួយបញ្ចាក់ថា ទោះនឿយហត់យ៉ាងណា។ ប៉ុន្តែនៅចំពោះមុខទស្សនិកដែលចាំគាំទ្រលោកនៅតែមានស្នាមញឹមជាប់ជានិច្ច។

ជាមួយគ្នានេះដែរ អ្នកគាំទ្រដែលមិនបានមកផ្ទាល់ក៏មានក្ដីរំភើប និងបានដឹងពីទុក្ខលំបាកដែលក្រុម BTS ម្នាក់ៗតែងតែជួបនៅព្រលានយន្តហោះ។ មនុស្សជាច្រើនរិះគន់អ្នកគាំទ្រថាបានបង្កភាពចលាចលនៅអាកាសយានដ្ឋាន ដែលបង្កគ្រោះថ្នាក់ដល់តារាចម្រៀងរបស់ពួកគេ។ ក្រៅពីនេះក៏មានមតិជាច្រើនរិះគន់ HYBE Labels ថាមិនបានរៀបចំវិធានការគ្រប់គ្រាន់ដើម្បីការពារតារាក្នុងស្ថានភាពបែបនេះកើតឡើងលើតារាចម្រៀងក្រោមទ្រនំ៕

ប្រែសម្រួល៖ សាង ស្រីល័ក្ខ

ប្រភព៖kenh1

ចុចអាន៖ទើបទទួលរង្វាន់កិត្តិយសពីស្ដេចអង់គ្លេស ពេលនេះ Lisa បានអាវពិសេសមួយទៀតពីម្ចាស់ក្លិបអ្នកមានបារាំង PSG