ជីវិតកម្សាន្ដ

គូ Tono-Nychaa ត្រូវមហាជនចាប់អារម្មណ៍រូបភាពផ្អែមល្ហែម ក្នុងមង្គលការមិត្តសម្លាញ់

បានផុស

១ year មុន

នៅ

ថ្ងៃចន្ទ ៤ ធ្នូ ២០២៣

ដោយ

តារាចម្រៀង-សម្ដែង Tono Phakin និងតារាសម្ដែង Nychaa Nuttanicha បានដឹកដៃគ្នាចូលរោងការមិត្តសម្លាញ់ ក្នុងពេលដែលអ្នកគាំទ្របានឃើញអ្នកទាំងពីរបញ្ចេញរូបភាពផ្អែមល្ហែមដូចគូស្នេហ៍ថ្មីថ្មោង រហូតមតិជាច្រើនត្រេកអរចង់ឃើញមង្គលការរបស់ពួកគេឆាប់ៗ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះគេបានដឹងថា ជាពិធីមង្គលការដ៏កក់ក្តៅរបស់មិត្តសម្លាញ់និងជាមិត្តរួមក្រុមចម្រៀង Tono ដែលបានរៀបការជាមួយកូនក្រមុំដ៏ស្រស់ស្អាតរបស់គាត់កាលពីថ្ងៃទី ០១ ខែធ្នូឆ្នាំ២០២៣ និងមានមិត្តភ័ក្តិភ្ញៀវជាច្រើនបានមកអបអរសាទរជាមួយគ្នា។

នៅក្នុងព្រឹត្តិការណ៍នេះ Tono បានកាន់ដៃជាមួយ Nicha ដើម្បីអបអរសាទរមិត្តជាទីស្រឡាញ់។ រហូតមហាជនជាច្រើនបានឃើញហើយត្រេកអរ និងទន្ទឹងរង់ចាំឃើញរូបភាពរបស់របស់អ្នកទាំងពីរក្នុងឈុតកូនក្រមុំកូនកំលោះយ៉ាងឆាប់រហ័សថែមទៀតផង ។

លើសពីនេះ នៅក្នុង Instagram របស់ Nicha ក៏បានបង្ហោះរូបថតផ្អែមល្ហែមជាមួយ Tono បង្ហាញពីភាពស្និតស្នាលកាន់តែខ្លាំង ខណៈដែលមនុស្សជាច្រើនហាក់មានក្ដីសង្ឃឹមថា គូនេះអាចនឹងមាន
រឿងល្អប្រកាសប្រាប់អ្នកគាំទ្រឆាប់ៗមិនខាន។

យ៉ាងណាមិញ នេះក៏មិនមែនជាលើកទីមួយនោះទេ សម្រាប់គូស្នេហ៍ដែលបញ្ចេញរូបភាពផ្អែមល្ហែមលើបណ្ដាញសង្គមជាសាធារណៈបែបនេះ។ កន្លងមក ទាំង Tono ក្ដី ឬ Nychaa អ្នកទាំងពីរតែងតែបង្ហោះនូវរូបភាពដំណើរកម្សាន្តរួមគ្នាបែបឯកជន និងនៅក្បែរគ្នាពេលជួបលំបាក ឬបង្ហោះសារជូនពរគ្នាទៅមកថែមទៀតផង៕