Taylor Swift ត្រូវគេវែកញែករឿងសម្រស់ធ្លាក់ចុះខ្លាំង ក្រោយបង្ហាញខ្លួនក្នុងព្រឹត្តិការណ៍ Beyonce

កាលពីប៉ុន្មានថ្ងៃមុន Taylor Swift បានបង្ហាញវត្តមាននៅលើកំរាលព្រំក្រហមនៃកម្មវិធី Renaissance Movie របស់ Beyonce ។ ការបង្ហាញខ្លួនរបស់ម្ចាស់បទ Look What You Made Me Do ទទួលការចាប់អារម្មណ៍យ៉ាងឆាប់រហ័ស និងការស្វាគមន៍យ៉ាងកក់ក្តៅពីប្រព័ន្ធផ្សព្វផ្សាយអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកម្មវិធីរបស់ Beyonce តារាចម្រៀងរូបនេះបាន​ស្លៀក​រ៉ូប Balmain ​​រចនាបែប​លោហធាតុ​ភ្លឺចាំងដ៏​ទាក់ទាញ​ ដោយ​មាន​ឆែក​នៅ​ខាង​ដើម​នៃ​រ៉ូប​បង្ហាញ​ជើង​ដ៏​ស្រស់​ស្អាត​គួរ​ឲ្យទាក់​ទាញ ជាមួយនឹងបបូរមាត់ក្រហម។ ទោះជាយ៉ាងណាក៏ដោយ Taylor Swift ស្រាប់តែបង្ហាញរូបរាងរបស់នាងចាស់ជាងមុន និងកាន់តែយ៉ាប់យ៉ឺន។ ក្នុង​រូបថត​ស្និទ្ធស្នាល​ជា​បន្តបន្ទាប់ តារា​ចម្រៀង​ស្រី​បាន​បង្ហាញ​ស្បែក​ចាស់​ជ្រីវជ្រួញ និង​ពណ៌​ស្បែក​មិន​ស្មើគ្នា។ មិន​ត្រឹម​តែ​ប៉ុណ្ណោះ សម្រស់​របស់ Taylor Swift ហាក់មិនស៊ីគ្នាដូចកាលពីមុនសោះឡើយ។

ទោះជាយ៉ាងណាក៏ដោយ មូលហេតុនៃការធ្លាក់ចុះសម្រស់របស់ Taylor Swift ត្រូវបានគេនិយាយថា ជាការតុបតែងខ្លួន និងពន្លឺចេញពីកាមេរ៉ារបស់ប្រព័ន្ធផ្សព្វផ្សាយតែប៉ុណ្ណោះ។ ដោយសារតែនៅមុំកាមេរ៉ាមួយចំនួនទៀត តារាចម្រៀងស្រីរូបនេះ នៅតែបញ្ចេញភាពទាក់ទាញ និងគួរឲ្យស្រលាញ់ខ្លាំង បើទោះបីជាមានវ័យជ្រេក្ដី។

ប៉ុន្មានឆ្នាំមកនេះ សម្រស់របស់ Taylor Swift តែងតែត្រូវបានអ្នកជំនាញសរសើរ។ ជាពិសេស នាងធ្លាប់បានជាប់ចំណាត់ថ្នាក់កំពូលមុខស្អាតបំផុតទាំង ១០០ លើពិភពលោកជាច្រើនដង ក្នុងមុខតំណែងគួរឲ្យចាប់អារម្មណ៍ដូចជា កំពូលទាំង ៥ ក្នុងឆ្នាំ ២០១៩ កំពូល ២ ក្នុងឆ្នាំ ២០១៥។ ដូចច្នេះមិនមែនជារឿងចម្លែកនោះទេ ដែលមុំខ្លះក្នុងរូបថតបង្ហាញពីសម្រស់របស់នាងរាងធ្លាក់ចុះជាងមុន។ ប៉ុន្តែយ៉ាងណាក៏ដោយ នាងនៅតែជាតារាស្រីមានសម្រស់ស្អាតសម្រាប់អ្នកគាំទ្រទូទាំងពិភពលោកដដែល៕

ប្រែសម្រួល៖ សាង ស្រីល័ក្ខ

ប្រភព៖saostar

ចុចអាន៖​អ្នក​គាំទ្រ​ចិន​និយាយបែបណា​ ក្រោយ Lisa ​លេច​មុខ​ទៅ​ទស្សនាបាល់ទាត់​នៅ​បារាំង