កីឡា

វិសាខាចែកផ្លូវគ្នាជាមួយលោកគ្រូ Simon ក្រោយដឹកនាំ១២ប្រកួតក្នុងលីគ

បានផុស

១០ ខែ មុន

នៅ

ថ្ងៃអង្គារ ៥ ធ្នូ ២០២៣

ដោយ

ក្លិបបាល់ទាត់វិសាខាបានឈានដល់ការចែកផ្លូវគ្នាជាមួយលោកគ្រូបង្វឹក Simon Mcmenemy បន្ទាប់ពីដឹកនាំបាន១២ប្រកួតក្នុងលីគកំពូលកម្ពុជាក្នុងរដូវកាលនេះ។ ១២ប្រកួតក្នុងលីគកំពូលកម្ពុជា លោកបានដឹកនាំវិសាខាទទួលបានជ័យជម្នះ៧ ស្មើ២ និងចាញ់៣ រកបាន២៤ពិន្ទុ កំពុងឈរលេខ៣ក្នុងតារាង។

លោក Simon (ស្តាំ) និងលោក មាស ចាន់ណា (ឆ្វេង)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Simon McMenemy ជនជាតិស្កុតឡេន វ័យ៤៥ឆ្នាំ ត្រូវបានតែងតាំងជាគ្រូបង្វឹកវិសាខាកាលពីខែមករា ឆ្នាំ២០២៣ ដើម្បីដឹកនាំប្រកួតលីគកំពូលកម្ពុជា និងខេមបូឌានលីគខាប់ ព្រមទាំងខាមបូឌានស៊ុបភើខាប់។

កាលពីឆ្នាំ២០១៧ លោក Simon ដឹកនាំក្រុម Bhayangkara FC លីគកំពូលឥណ្ឌា និងឆ្នាំ ២០១៩ ដឹកនាំក្រុមជម្រើសជាតិឥណ្ឌូណេស៊ី មុនចូលរួមជាមួយវិសាខា។

លោកជាគ្រូបង្វឹកទី២ត្រូវបានបញ្ចប់កិច្ចសន្យានៅរដូវកាលនេះក្នុងលីគកំពូលកម្ពុជា បន្ទាប់ពីទី១ អង្គរថាយហ្គឺរបានបញ្ចប់កិច្ចសន្យាបុរសសញ្ជាតិអង់គ្លេសលោក Alistair Heath កាលពីចប់ជើងទី១៕

អត្ថបទ៖ វីរបុត្រ