ជីវិតកម្សាន្ដ

ស៊ឹម ស្រីមុំ ស្នើអ្នកគាំទ្រ បញ្ឈប់ការយល់ច្រឡំជាមួយ ពូ ម៉ៅ

បានផុស

១ year មុន

នៅ

ថ្ងៃពុធ ៦ ធ្នូ ២០២៣

ដោយ

តារាសម្ដែងរូបស្រស់កញ្ញា ស៊ឹម ស្រីមុំ បន្ទាប់ពីមានការទម្លាយ ចែករំលែកនូវរូបភាពស្និទ្ធស្នាលជាមួយអតីតស្វាមីរបស់អ្នកស្រី ទ្រីដាណា បង្កការចាប់អារម្មណ៍នៅលើបណ្តាញសង្គមកាលពីថ្មីៗកន្លងទៅ ទីបំផុតសាមីខ្លួនបានចេញមុខបកស្រាយ និងទទូចស្នើសុំអ្នកគាំទ្រកុំមានការយល់ច្រឡំរវាងនាងជាមួយពូ ម៉ៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខបកស្រាយរបស់តារាសម្តែងកញ្ញា ស៊ឹម ស្រីមុំ នាពេលនេះ ខណៈមានអ្នកគាំទ្រមួយចំនួនការដាក់ការសង្ស័យជុំវិញទំនាក់ទំនងរវាងនាងជាមួយនឹងពូ ម៉ៅ ថាអាចមានអ្វីលើសពីការរាប់អានគ្នាធម្មតា ពោលគឺមានអ្នកខ្លះយល់ដែរថាពូម៉ៅ កំពុងមានអ្នកស្អំបេះដូងបន្ទាប់ពីមានឈ្មោះកំលោះពោះម៉ាយមួយរយ:ធំ។

តារាសម្តែង ស៊ឹម ស្រីមុំ បានចេញមុខបញ្ជាក់ថាតាមរយៈរូបភាព និងអត្ថន័យដែលនាងបានបង្ហោះជាមួយ នឹងពូ ម៉ៅ នោះគឺគ្រាន់តែការលេងសើចប៉ុណ្ណោះគឺមិនមានអ្វីលើសពីហ្នឹងទេ។ ស្រីមុំ លើកឡើងថា” Prankសូមបងប្អូនកុំមានការយល់ច្រឡំ រូបនាងខ្ញុំបង្ហោះលេងទេបងប្រុស ហ៊ា រិទ្ធ)”។

យ៉ាងណាតារាស្រី ស៊ឹម ស្រីមុំ ក៏បានស្នើសុំផងដែរដល់អ្នកគាំទ្រដើម្បីកុំឲ្យបន្តមានការយល់ច្រឡំរវាងនាង និងពូម៉ៅ ព្រោះមិនមានទំនាក់ទំនងអ្វីក្រៅពីការរាប់អានគ្នានោះឡើយ ហើយម្យ៉ាងទៀតក៏សុំចិត្តមហាជនបញ្ឈប់បញ្ចេញមតិ ឬយល់ខុសលើរឿងរ៉ាវនេះទៀត។

សូមបញ្ជាក់ថា តារាសម្តែង ស៊ឹម ស្រីមុំ ថ្មីៗនេះបានទម្លាយរូបភាពបែបស្និទ្ធជាមួយពូ ម៉ៅ ធ្វើឲ្យមានការចែកចាយពេញបណ្តាញសង្គមហ្វេសប៊ុក និងមានការចុះផ្សាយពីបណ្ដាសារព័ត៌មានក្នុងស្រុកមួយចំនួនទៀតផង ៕

អត្ថបទ៖ ចាន់រ៉ា