ព័ត៌មានអន្ដរជាតិ
លោក Zelensky នឹងទៅជួបលោក Biden ក្រោយ អាមេរិក ប្រកាសលក់អាវុធឲ្យ អ៊ីស្រាអែល និងជិតអស់លុយជួយ អ៊ុយក្រែន
ប្រធានាធិបតីសហរដ្ឋអាមេរិកលោក Joe Biden និងប្រធានាធិបតីអ៊ុយក្រែនលោក Volodymyr Zelensky នឹងជួបពិភាក្សាគ្នានៅសេតវិមាននាថ្ងៃអង្គារ ទី១២ ខែធ្នូ ស្របពេលដែលសភាអាមេរិកកាលពីពេលថ្មីៗនេះប្រកាសជិតអស់លុយជួយដល់អ៊ុយក្រែន និងយល់ព្រមលក់អាវុធជាបន្ទាន់ទៅឲ្យអ៊ីស្រាអែល ។
សេតវិមានបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា “ដំណើរទស្សនកិច្ចនៅពេលនេះ គឺដើម្បីបញ្ជាក់ពីការប្តេជ្ញាចិត្តដែលមិនអាចខ្វះបានរបស់សហរដ្ឋអាមេរិកក្នុងកិច្ចគាំទ្រដល់ប្រជាជនអ៊ុយក្រែន ស្របពេលដែលរដ្ឋាភិបាលទីក្រុងកៀវកំពុងតែការពារខ្លួនប្រឆាំងនឹងសង្គ្រាមលុកលុយដ៏ឃោរឃៅរបស់រុស្ស៊ី” ។
សេចក្ដីថ្លែងការណ៍បានបញ្ជាក់ទៀតថា “ស្របពេលដែលរុស្ស៊ីនៅតែបង្កើនការវាយប្រហារដោយគ្រាប់មីស៊ីល និងយន្តហោះគ្មានមនុស្សបើកប្រឆាំងនឹងអ៊ុយក្រែន ដូច្នេះក្នុងជំនួបនាពេលនេះ មេដឹកនាំទាំងពីរក៏នឹងពិភាក្សាអំពីតម្រូវការបន្ទាន់របស់អ៊ុយក្រែន ក៏ដូចជាសារៈសំខាន់នៃការដុតដៃដុតជើងគាំទ្ររបស់សហរដ្ឋអាមេរិកផងដែរ” ។
ចំណែកក្រុមអ្នកវិភាគបែរជាមើលឃើញដំណើរទស្សនកិច្ចរបស់លោក Zelensky នៅពេលនេះថាជាសញ្ញានៃការព្រួយបារម្ភរបស់រដ្ឋាភិបាលទីក្រុងកៀវ បន្ទាប់ពីប្រធានការិយាល័យគ្រប់គ្រងថវិការបស់សេតវិមាន (OMB) លោកស្រី Shalanda Young បានបញ្ជាក់ច្បាស់ៗថា “ប្រសិនបើសភាមិនមានសកម្មភាពអ្វីទេនោះ នៅចុងឆ្នាំនេះ រដ្ឋបាលអាមេរិកនឹងអស់ថវិកាក្នុងការទិញសព្វាវុធ និងឧបករណ៍បន្ថែមទៀតសម្រាប់ជួយទៅដល់អ៊ុយក្រែន ហើយអាមេរិកខ្លួនឯងក៏អស់អាវុធក្នុងស្តុកយោធាផងដែរ” ។
ទន្ទឹមនោះ ក្ដីកង្វល់នេះក៏កើតមានឡើង ស្របពេលដែលអាមេរិកបានសម្រេចជាបន្ទាន់លើការលក់សព្វាវុធ និងគ្រាប់កាំភ្លើងក្នុងទំហំទឹកប្រាក់ ១០៦.៥ លានដុល្លារឲ្យប្រទេសអ៊ីស្រាអែល ខណៈសង្គ្រាមរវាងកងកម្លាំងរបស់លោកនាយករដ្ឋមន្ត្រី Benjamin Netanyahu ជាមួយនឹងក្រុមហាម៉ាសនៅតំបន់ហ្គាហ្សាកំពុងបន្តបែកផ្កាភ្លើង និងមិនមានសញ្ញាធូរស្រាលណាមួយផងដែរ ។
គួរបញ្ជាក់ថា ក្នុងអំឡុងសម័យសង្គ្រាម លោក Biden បានស្នើសុំសភានូវកញ្ចប់ថវិកាចំនួន ១១០ ពាន់លានដុល្លារ ដោយក្នុងនោះ ៦១.៤ ពាន់លានដុល្លារសម្រាប់អ៊ុយក្រែន និងអ៊ីស្រាអែលដែលសុទ្ធសឹងតែកំពុងជាប់ដៃធ្វើសង្គ្រាម រួមជាមួយនឹងអាទិភាពសន្តិសុខជាតិផ្សេងទៀតផងដែរ ។ ប៉ុន្តែទោះជាយ៉ាងណា សំណើនេះត្រូវជាប់គាំង និងស្ថិតក្នុងការជជែកវែកញែកជុំវិញគោលនយោបាយអន្តោប្រវេសន៍ និងសន្តិសុខព្រំដែនរបស់អាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ អាមេរិក យល់ព្រមលក់អាវុធជាបន្ទាន់ ទៅឲ្យអ៊ីស្រាអែល
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ