ព័ត៌មានអន្ដរជាតិ
លោក Netanyahu ៖ “ប្រតិបត្តិការសឹករបស់ អ៊ីស្រាអែល គឺស្របច្បាប់ ហើយយុត្តិធម៌ពិតជាឈរនៅខាងយើង”
នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃចន្ទនៅតែរក្សាពាក្យសម្ដីរបស់ខ្លួនដដែលថា ប្រតិបត្តិការយោធារបស់អ៊ីស្រាអែលនៅក្នុងតំបន់ហ្គាហ្សាស្ទ្រីបគឺជា “រឿងស្របច្បាប់” ហើយយុត្តិធម៌គឺពិតជាឈរនៅខាងអ៊ីស្រាអែល ។
លោក Netanyahu បាននិយាយនៅក្នុងកិច្ចប្រជុំគណៈរដ្ឋមន្ត្រីថា សង្រ្គាមនៅតែកំពុងក្ដៅគគុកទាំងនៅភាគខាងជើង និងភាគខាងត្បូងនៃតំបន់ហ្គាហ្សា ក្រោមគោលដៅកម្ចាត់ក្រុមប្រដាប់អាវុធប៉ាឡេស្ទីនហាម៉ាស បញ្ជូនចំណាប់ខ្មាំងទាំងអស់ត្រឡប់មកវិញ ជាពិសេសគឺការធានាដល់តំបន់ហ្គាហ្សា មិនឲ្យវិលទៅរកការគំរាមកំហែងដល់ប្រទេសអ៊ីស្រាអែលទៀតនោះឡើយ ។
ទោះយ៉ាងណា លោកនាយករដ្ឋមន្ត្រីក៏បានប្រាប់អធិការបតីអាល្លឺម៉ង់ Olaf Scholz និងប្រធានាធិបតីបារាំង Emmanuel Macron ក្នុងកិច្ចសន្ទនាតាមទូរស័ព្ទថា វាក៏មិនអាចទៅរួចនោះដែរ ដែលត្រូវប្រើដៃម្ខាងក្នុងការកម្ចាត់ក្រុមហាម៉ាស និងដៃម្ខាងទៀតទប់សម្ពាធពីបរទេសឲ្យបញ្ចប់សង្គ្រាម ។
ពាក់ព័ន្ធនឹងបញ្ហានេះដែរ អ៊ីស្រាអែលហាក់ដូចជាមិនខ្វល់ពីការព្រមានពីបរទេសឡើយ ពោលចាប់តាំងពីថ្ងៃទី១ ខែធ្នូ ក្រោយពេលដែលការផ្អាកបាញ់មនុស្សធម៌អស់សុពលភាព កងកម្លាំងអ៊ីស្រាអែលបានចាប់ផ្ដើមប្រតិបត្តិការវាយប្រហារលើគោលដៅក្រុមហាម៉ាសជាង ៣,៥០០ កន្លែងក្នុងតំបន់ហ្គាហ្សា ។
ស្របពេលជាមួយគ្នានេះ អ៊ីស្រាអែលអះអាងថា ការបន្តវាយសង្គ្រប់របស់ខ្លួននៅភាគខាងត្បូងនៃតំបន់ហ្គាហ្សា គឺដោយសារតែសង្ស័យថា មេដឹកនាំក្រុមប្រដាប់អាវុធហាម៉ាសនៅតំបន់ហ្គាហ្សាគឺលោក Yahya Sinwar កំពុងលាក់ខ្លួននៅក្នុងទីក្រុង Khan Younis ។
គួរបញ្ជាក់ថា សង្គ្រាមរវាងអ៊ីស្រាអែល និងក្រុមប្រដាប់អាវុធហាម៉ាសបានបន្តអូសបន្លាយពេលជាង ២ ខែមកហើយ ដោយក្នុងនោះភាគីខាងអ៊ីស្រាអែលបានបាត់បង់ជីវិតមនុស្សប្រមាណ ១,២០០ នាក់ និងទាហាន ១០៤ នាក់ ខណៈនៅតំបន់ហ្គាហ្សាមានជនស៊ីវិលជាង ១៨,២០០ នាក់ត្រូវបានសម្លាប់ និងប្រជាជន ២.៣ លាននាក់កំពុងខ្វះជំនួយមនុស្សធម៌ ក្រោយការវាយប្រហារមិនប្រណីដៃរបស់កងកម្លាំងរបស់លោក Netanyahu ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ