ជីវិតកម្សាន្ដ

ឈិន ម៉ានិច មិនទាន់កាត់ចិត្តពីលោកឪពុក ក្រោយចែកឋាន ១ ឆ្នាំ

បានផុស

១ year មុន

នៅ

ថ្ងៃអង្គារ ១២ ធ្នូ ២០២៣

ដោយ

តារាចម្រៀងស្រីវ័យក្មេង កញ្ញា ឈិន ម៉ានិច ថ្វីត្បិតពេលនេះលោកឪពុកជាទីស្រលាញ់បានចែក ឋានលាចាកឆ្ងាយពីគ្រួសារមានរយៈពេលប្រមាណ ១ ឆ្នាំ ហើយពិតមែន ប៉ុន្តែសម្រាប់ទំហំទឹកចិត្ត នៃការនឹកស្រលាញ់ក្នុងនាមកូនៗ នៅមិនទាន់បំភ្លេចបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនាខួប ១ ឆ្នាំ នៃការស្លាប់លោកឪពុកជាទីស្រលាញ់ តារាចម្រៀង ឈិន ម៉ានិច បានបង្ហាញអារម្មណ៍នឹកទៅដល់អ្នកមានគុណទាំងក្តីក្ដុកក្ដួលនូវអនុស្សាវរីយ៍ជាច្រើន។ តារាចម្រៀង ឈិន ម៉ានិច បានលើកឡើងថា «ថ្ងៃនេះ គឺជាថ្ងៃពុកបានលាចាកពីលោកនេះទៅ ថ្ងៃនេះ គម្រប់ខួប ១ ឆ្នាំ នូវការបាត់បង់លោកពុកជាទីស្រលាញ់របស់កូន កូននៅតែមានក្តីនឹករលឹកដល់ពុកគ្រប់ពេល នឹកអនុស្សាវរីយ៍កន្លង»។

ឈិន ម៉ានិច បានបញ្ជាក់ថា «ខ្ញុំពិតជានឹកគ្រប់អនុស្សាវរីយ៍កន្លងដែលមានទាំងសុខ និងទុក្ខជាមួយគ្រួសារដ៏តូចនេះ សូមបុណ្យកុសលដែលកូនៗ និងម៉ែបានធ្វើ បានដល់លោកពុក ស៊ឹម សារ៉ុម កុំបីឃ្លាតៗ ឡើយ»។ ក្នុងនោះ បន្ទាប់ពីលោកឪពុកជាទីស្រលាញ់របស់នាងបានចែកឋានទៅដោយគ្មានថ្ងៃវិលត្រឡប់វិញនោះ តារាស្រី ឈិន ម៉ានិច ជារឿយៗ គេសង្កេតឃើញនាងតែងតែបង្ហាញនូវអារម្មណ៍សោកសៅ និងនឹករលឹកចំពោះលោកអ្នកមានគុណ។

គេចាំបានថា តារាចម្រៀងវ័យក្មេង កញ្ញា ឈិន ម៉ានិច និងក្រុមគ្រួសារ កាលពីថ្មីៗ កន្លងទៅ បានជួបទុក្ខដ៏ក្រៀមក្រំ និងសោកសៅជាទីបំផុត ខណៈលោកឪពុកជាទីស្រលាញ់របស់នាងបានទទួលមរណភាពទាំងអាល័យ៕

អត្ថបទ ៖ ចាន់រ៉ា