ជីវិតកម្សាន្ដ

Taeyeon ប្រាប់អ្នកគាំទ្រថា កុំសន្សំសំចៃពេកលើគ្រឿងសម្អាង បើចង់ឲ្យសម្រស់ស្អាត

បានផុស

៦ ខែ មុន

នៅ

ថ្ងៃអង្គារ ១២ ធ្នូ ២០២៣

ដោយ

នៅក្នុងបទសម្ភាសន៍ថ្មីៗនេះ Taeyeon សមាជិកក្រុម Girls’ Generation បានផ្តល់ដំបូន្មានដល់អ្នកគាំទ្ររបស់នាងអំពីការប្រើប្រាស់គ្រឿងសំអាង។ អ្នកគាំទ្របានចោទជាសំណួរដែលទាក់ទងនឹងមនុស្សស្រីជាច្រើនថា តើ Taeyeon ធ្វើអ្វីជាមួយគ្រឿងសម្អាងដែលមិនបានប្រើ ហើយធ្វើដូចម្តេចទើបអាចស្រកដោយមិនមានវិប្បដិសារី? ជាការឆ្លើយតបរបស់ Taeyeon មានទាំងការអនុវត្ត និងការគិតគូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Taeyeon បានបញ្ចាក់ថា គន្លឹះសំខាន់គឺស្វែងរកនរណាម្នាក់ដែលនឹងពេញចិត្តចំពោះរបស់ដែលមិនប្រើ។ នាងបានណែនាំថា “ប្រសិនបើមានគ្រឿងសម្អាងដែលអ្នកមិនបានប៉ះក្នុងរយៈពេលជាងមួយឆ្នាំ វាដល់ពេលដែលត្រូវឲ្យពួកវាទៅ។ បញ្ជូនវាទៅអ្នកដែលនឹងប្រើវាឲ្យបានល្អ”។

សមាជិកក្រុម Girls’ Generation ក៏បានបញ្ចាក់ពីសារៈសំខាន់នៃការទទួលស្គាល់កាលបរិច្ឆេទផុតកំណត់របស់គ្រឿងសម្អាង។ “ខ្ញុំមិនជឿលើការសន្សំសំចៃជាមួយគ្រឿងសម្អាងពេកទេ។ ពួកវាមានអាយុកាល ហើយខ្ញុំទិញវាដើម្បីប្រើ។ ប្រសិនបើមានលើសកំណត់ កុំខ្ជះខ្ជាយវាពេកអី យើងគួរអនុវត្តវានៅលើរាងកាយយើងផ្ទាល់។ វាប្រសើរជាងការទុកវាចោលដោយមិនបានប្រើ ហើយនៅទីបំផុតបោះវាចោល។ ការសន្សំសំចៃច្រើនពេក អាចនាំអោយមានកាកសំណល់ដែលមិនចាំបាច់គរពេញផ្ទះ។

យ៉ាងណាមិញ ក្រោយអ្នកគាំទ្ររបស់នាងបានស្ដាប់ដំបូន្មានរួចរាល់ក៏ប្រញាប់បញ្ចេញមតិអរគុណនូវគន្លឹះដ៏សំខាន់មួយនេះ។ ជាពិសេស គ្រប់គ្នានឹងយកសំដីរបស់ Taeyeon ទៅអនុវត្តភ្លាមៗ ដើម្បីទទួលបានសម្រស់ព្រមជាមួយនឹងការសន្សំសំចៃដ៏ល្អប្រសើរជាងខ្ជះខ្ជាយដែរ៕

ប្រែសម្រួល៖ សាង ស្រីល័ក្ខ

ប្រភព៖KBIZoom

ចុចអាន៖ជាប់ពន្ធនាគារ ៥ ឆ្នាំ តារាចម្រៀង Jung Joon Young នឹងមានសេរីភាពវិញនៅឆ្នាំ ២០២៤