ព័ត៌មានអន្ដរជាតិ
វៀតណាម ប្រកាន់យកគោលការណ៍ “ចិនតែមួយ” និងគោលនយោបាយការបរទេសឯករាជ្យ
អគ្គលេខាធិការគណៈកម្មាធិការមជ្ឈិមបក្សកុម្មុយនីស្តវៀតណាមលោក Nguyen Phu Trong បាននិយាយកាលពីថ្ងៃអង្គារថា វៀតណាមប្រកាន់ខ្ជាប់នូវគោលការណ៍ “ចិនតែមួយ” ហើយប្រឆាំងនឹងកម្លាំងណាមួយដែលព្យាយាមជ្រៀតជ្រែកចូលកិច្ចការផ្ទៃក្នុងរបស់ចិន ។
នៅក្នុងជំនួបជាមួយលោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន និងជាប្រធានាធិបតីចិន, លោក Trong បានលើកឡើងថា “ប្រទេសរបស់លោកទទួលស្គាល់តៃវ៉ាន់ជាផ្នែកមិនអាចផ្តាច់ចេញពីទឹកដីចិន និងគាំទ្រដល់បុព្វហេតុនៃការបង្រួបបង្រួមរបស់ចិន ក៏ដូចជាប្រឆាំងយ៉ាងម៉ឺងម៉ាត់ចំពោះសកម្មភាពបំបែកខ្លួនដើម្បីឯករាជ្យតៃវ៉ាន់ មិនថាក្នុងទម្រង់ណាមួយនោះទេ” ។
ចំណែកបញ្ហាទាក់ទងនឹងហុងកុង ស៊ីនជាំង និងស៊ីហ្សាង សុទ្ធតែជាកិច្ចការផ្ទៃក្នុងរបស់ចិន ហើយលោកអគ្គលេខាធិការបានបញ្ជាក់ទៀតថា វៀតណាមសង្ឃឹម និងជឿជាក់ផងដែរថា ប្រទេសចិននឹងរក្សាស្ថិរភាព ការអភិវឌ្ឍន៍ និងវិបុលភាពលើតំបន់ទាំងនោះ ។
ស្របពេលជាមួយគ្នានេះ លោកអគ្គលេខាធិការក៏បានប្រាប់ទៅដល់លោក Xi ផងដែរថា វៀតណាមក៏ប្រកាន់ខ្ជាប់នូវគោលនយោបាយការបរទេសឯករាជ្យ ហើយយកការអភិវឌ្ឍន៍ទំនាក់ទំនងជាមួយចិនជាអាទិភាពកំពូល និងជាជម្រើសយុទ្ធសាស្ត្ររបស់ខ្លួន ។
ក្រៅពីបញ្ហាយល់ចិត្តគ្នាខាងលើនេះហើយ ភាគីវៀតណាម និងចិនក៏ឈានទៅដល់ការចុះហត្ថលេខាលើឯកសារកិច្ចព្រមព្រៀងចំនួន ៣៦ សម្រាប់កិច្ចសហប្រតិបត្តិការលើវិស័យជាច្រើនរួមទាំងសន្តិសុខ និងការអភិវឌ្ឍន៍ផ្លូវដែកផងដែរ ដោយសារតែចិនគឺជាដៃគូពាណិជ្ជកម្មធំបំផុតរបស់វៀតណាមអស់រយៈពេលជាច្រើនឆ្នាំមកហើយ ខណៈគ្រាន់តែក្នុងឆ្នាំ ២០២២ ទំហំពាណិជ្ជកម្មទ្វេភាគីមានរហូតទៅដល់ ១៧៥.៦ ពាន់លានដុល្លារ ។
គួរបញ្ជាក់ថា លោក Xi បានអញ្ជើញទៅដល់វៀតណាមកាលពីថ្ងៃអង្គារ ទី១២ ខែធ្នូ ក្នុងដំណើរទស្សនកិច្ចផ្លូវរដ្ឋរយៈពេល ២ ថ្ងៃ ហើយនេះក៏ជាលើកទី ៣ ផងដែរសម្រាប់រូបលោកដែលហោះមកកាន់ប្រទេសអាស៊ីអាគ្នេយ៍មួយនេះក្នុងនាមជាអគ្គលេខាធិកាបក្ស និងជាប្រធានាធិបតីចិន ខណៈដំណើរទស្សនកិច្ច ២ លើកមុនគឺនៅឆ្នាំ ២០១៥ និងឆ្នាំ២០១៧ ៕
ប្រែសម្រួលដោយ ៖ ជីវ័ន្ត
ប្រភព ៖ Xinhua
ចុចអាន ៖ វៀតណាម-ចិន ចុះហត្ថលេខាលើកិច្ចព្រមព្រៀងជាមួយគ្នាចំនួន ៣៦
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ