ជីវិតកម្សាន្ដ

ទស្សនិកជនភ្ញាក់ផ្អើល ក្រោយដឹងថា Suho ក្រុម EXO មានមុខដូចគ្នានឹងស្ដេចចុងក្រោយនៃរាជវង្ស Joseon

បានផុស

៦ ខែ មុន

នៅ

ថ្ងៃអាទិត្យ ១៧ ធ្នូ ២០២៣

ដោយ

យោងតាម koreaboo បញ្ចាក់ឲ្យដឹងថា អ្នកលេងអ៊ីនធឺណិប្រទេសតកូរ៉េខាងត្បូងកំពុងមានការភ្ញាក់ផ្អើលយ៉ាងខ្លាំង ក្រោយការធ្វើប្រៀបធៀបរវាងព្រះអង្គម្ចាស់ចុងក្រោយនៃរាជវង្ស Joseon របស់ប្រទេសកូរ៉េ និង Suho សមាជិកក្រុម EXO ។

កាលពីថ្ងៃទី ១៦ ខែធ្នូ អ្នកលេងអ៊ីនធឺណិតបានចាប់ផ្តើមវែកញែកព្រោងព្រាតពីព្រះភ័ក្ររបស់ព្រះអង្គម្ចាស់ចុងក្រោយនៃរាជវង្ស Joseon ដែលមើលទៅដូចជា Suho សមាជិកក្រុម EXO បេះដាក់។ អ្នកលេងអ៊ីនធឺណិតម្នាក់បានជំរុញឲ្យមានការពិភាក្សាដោយនិយាយថា រូបភាពរបស់ព្រះអង្គម្ចាស់ Yi U បានធ្វើឲ្យគាត់គិតដល់ Suho សមាជិកក្រុម EXO ភ្លាមៗតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ មតិមួយចំនួនគឺបានបញ្ចេញយោបល់ទាំងភ្ញាក់ផ្អើលខ្លាំងសឹងមិនជឿថា អ្នកទាំងពីរមានមុខស្រដៀងគ្នារកកន្លែងខុសគ្មាន។ ជាពិសេសសូម្បីតែកាល Suho នៅតូចក៏មានរូបរាងទម្រង់មុខដូចគ្នានឹងស្ដេចចុងក្រោយនៃរាជវង្ស Joseon ផងដែរ។

សូមបញ្ចាក់ដែរថា ព្រះអង្គម្ចាស់ Yi U ជាស្ដេចចុងក្រោយនៃរាជវង្ស Joseon ដែលជារាជវង្សដ៏ល្បីក្នុងសម័យកាលមួយនោះ។ ទ្រង់ប្រសូត្រនៅថ្ងៃទី១៥ ខែវិច្ចិកា ឆ្នាំ ១៩១២ ពីរឆ្នាំ បន្ទាប់ពីការបញ្ចូលប្រទេសកូរ៉េពីការគ្រប់គ្រងរបស់ជប៉ុន។ ស្ដេចអង្គនេះត្រូវបានគេស្គាល់ថាទ្រង់មានការលះបង់ខ្លាំងចំពោះបេតិកភណ្ឌកូរ៉េរបស់ប្រទេស ទោះបីជាមានការគាបសង្កត់ឲ្យឱនក្បាលចំពោះជាតិបរទេសក៏ដោយ។ ទ្រង់ថែមទាំងបដិសេធមិនរៀបអភិសេកជាមួយស្ត្រីជនជាតិជប៉ុន ហើយជំនួសមកវិញ ទ្រង់បានរៀបអភិសេកជាមួយ Park Chan-ju ដែលជាកូនស្រីរបស់អភិជនកូរ៉េ រហូតមានបុត្រពីរនាក់។ ក្រោយមក ទ្រង់ត្រូវគេបញ្ចូនទៅកាន់ជប៉ុនហើ់យបន្ទាប់មកទ្រង់បានសុគតក្នុងអំឡុងការទម្លាក់គ្រាប់បែកបរមាណូនៅទីក្រុងហ៊ីរ៉ូស៊ីម៉ា ក្នុងព្រះជន្ម៣២វស្សាតែប៉ុណ្ណោះ។

រូបភាពខាងក្រោមនេះ ជារូបព្រះអង្គម្ចាស់ Yi U តើអ្នកគិតថា ទ្រង់មានព្រះភ័ក្រដូច Suho សមាជិកក្រុម EXO ឬទេ?