កីឡា

ស្មើគ្នាយប់មិញ លោក Klopp ថា ស្ថិតិរបស់Liverpool ល្អជាងពេលឈ្នះ Man Utd ៧-0 ទៀត

បានផុស

១ year មុន

នៅ

ថ្ងៃចន្ទ ១៨ ធ្នូ ២០២៣

ដោយ

អ្នកចាត់ការក្រុម Liverpool លោក Jurgen Klopp បានកោតសរសើរចំពោះទម្រង់លេងដ៏ល្អរបស់កូនក្រុមខ្លួនពេលលេងទល់នឹង Manchester United បញ្ចប់ដោយលទ្ធផលស្មើគ្នា ០- ០ កាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតិក្នុងការប្រកួតនៅកីឡដ្ឋាន Anfield យប់ថ្ងៃអាទិត្យ Liverpool បានគ្រប់គ្រងបាល់រហូតដល់៦៩% និងបានព្យាយាបមស៊ុតសំដៅទី៣៤លើក ស៊ុតចំគោលដៅ៨លើក ប៉ុន្តែនៅតែមិនអាចទម្លាយសំណាញ់ទីរបស់បិសាចក្រហមបាន។

បើប្រៀបធៀបពីស្ថិតិនឹងការប្រកួតជាមួយក្រុម Man Utd កាលពីខែមីនា Liverpool គ្រប់គ្រងបាល់បាន ៦០% ហើយបង្កើតឱកាសស៊ុតបញ្ចូលទី១៨លើក ស៊ុតចំគោលដៅ៨លើក ប៉ុន្តែរកបានគ្រាប់បាល់៧គ្រាប់។
ស្ថិតិការគ្រប់គ្រងបាល់ និងការប៉ុនប៉ងស៊ុតបញ្ចូលទី ការវាយតម្លៃរបស់លោក Klopp ត្រឹមត្រូវ ដោយសារការប្រកួតយប់មិញជាមួយក្រុម Man Utd គឺក្រុមរបស់លោកគ្រប់គ្រងបានល្អ និងបង្កើតឱកាសស៊ុតច្រើនជាងពេលដែលក្រុម Liverpool ឈ្នះក្រុម Man Utd ៧-០ ទៀត។

លោក Jurgen Klopp បាននិយាយថា៖«ខ្ញុំបានមើលឃើញរឿងល្អជាច្រើនក្នុងការប្រកួតនេះ តែរឿងដែលខ្ញុំមិនសប្បាយចិត្តគឺលទ្ធផល។ យើងគួរតែរកគ្រាប់ស៊ុតបញ្ចូលទីបាន យើងមានឱកាសច្រើន។ ខ្ញុំស្ទើរតែភ្លេចបាត់ទៅហើយថាយើងធ្លាប់បង្ហាញទម្រង់លេងលេចធ្លោបែបនេះ ក្នុងការប្រកួតជាមួយ Man United នៅពេលយើងឈ្នះ ៧-០»

«បើយើងប្រើទម្រង់លេងដាក់សម្ពាធបែបនេះ ជាការពិតជានឹងផ្ដល់ផលលំបាកដល់ក្រុមជាដៃគូរបស់យើង តែរបៀបការពាររបស់ក្រុម Manchester United គឺពួកគេធ្វើបានយ៉ាងល្អជាមួយការតាំងចិត្តខ្ពស់»៕

ប្រែសម្រួល៖ ផា រតនា
ប្រភព៖ BBC