កីឡា
NOCC នឹងធ្វើមហាសន្និបាតបូកសរុបលទ្ធ ផលការងារ និងលើកទិសដៅ សម្រាប់ឆ្នាំ២០២១ នៅចុងខែកុម្ភៈនេះ
គណៈកម្មាធិការជាតិអូឡាំពិកកម្ពុជា (NOCC) នឹងរៀបចំធ្វើមហាសន្និបាតបូកសរុបលទ្ធផលការងារ និងលើកទិសដៅបន្តសម្រាប់ឆ្នាំ២០២១ នៅចុងខែកុម្ភៈខាងមុខនេះ។
លោកបណ្ឌិត ថោង ខុន ប្រធានគណៈកម្មាធិការជាតិអូឡាំពិកកម្ពុជា បានដឹកនាំកិច្ចប្រជុំ កាលពីល្ងាចថ្ងៃទី១០ ខែកុម្ភៈ ឆ្នាំ២០២១ នៅទីស្នាក់ការរបស់ខ្លួន បានដឹកនាំកិច្ចប្រជុំមួយ ដើម្បីត្រួតពិនិត្យតាមដានសកម្មភាពការងារ ក៏ដូចជាត្រៀមរៀបចំមហាសន្និបាតបូកសរុបលទ្ធផលការងារ និងលើកទិសដៅបន្ត សម្រាប់ឆ្នាំ២០២១ ដែលគ្រោងនឹងធ្វើឡើងនាថ្ងៃទី២៥ ខែកុម្ភៈ ខាងមុខនេះ។
លោកប្រធាន NOCC បានចាត់ទុកថា កិច្ចប្រជុំនេះ គឺជាការឆ្លុះបញ្ចាំងអំពីខ្លឹមសារនៃអង្គមហាសន្និបាតចុងខែកុម្ភៈនេះ ផងដែរ ដែលយើងនឹងទទួលបានធាតុចូលបន្ថែមទៀតពីសហព័ន្ធកីឡាជាតិនានា ដើម្បីដាក់ចេញនូវផែនការពិសេសមួយ ក្នុងដំណើរឆ្ពោះទៅរួមគ្នា នៃការទទួលរៀបចំធ្វើជាម្ចាស់ផ្ទះស៊ីហ្គេម លើកទី៣២ ឆ្នាំ ២០២៣ ឲ្យទទួលបានជោគជ័យ។ លោកបណ្ឌិត ថោង ខុន បានសង្កត់ធ្ងន់ហើយថា អ្វីដែលប៉ះពាល់ដល់ដំណើរការនៃការអភិវឌ្ឍបច្ចេកទេស ឬសហព័ន្ធកីឡាជាតិណាខ្លះមិនទាន់រឹងមាំ ដែលជាក្តីបារម្ភ ក្នុងការអភិវឌ្ឍបច្ចេកទេសនោះ គឺយើ ងត្រូវតែរួមគ្នាកែសម្រួលលើកិច្ចការទាំងអស់នោះ ដើម្បីកសាងសមត្ថភាពរបស់កីឡាករ កីឡាការិនីជម្រើសជាតិ ឲ្យកាន់តែរឹងមាំ ក្នុងរយៈពេល២ឆ្នាំកន្លះ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ប្រាប់ឲ្យដឹងក្រោយបញ្ចប់កិច្ចប្រជុំថា នេះជាកិច្ចប្រជុំជាទៀងទាត់រៀងរាល់៣ខែម្តង ដែលនេះជាយន្តការត្រួតពិនិត្យតាមដាន ក៏ដូចជាត្រៀមរៀបចំមហាសន្និបាត បូកសរុបលទ្ធផលការងារ និងលើកលើកទិសដៅបន្តប្រចាំឆ្នាំ២០២១។ លោកបន្តថា ក្នុងកិច្ចប្រជុំនេះ លោកបណ្ឌិត ថោង ខុន បានត្រួតពិនិត្យមើលលើលទ្ធផលការងារឆ្នាំ២០២០ កន្លងមក ដែលជាឆ្នាំនៅក្នុងស្ថានភាពវិបត្តិជំងឺកូវីដ១៩ ប៉ុន្តែអ្វីដែលជាស្នាដៃនៃសមិទ្ធផលរបស់គណៈកម្មាធិការជាតិអូឡាំពិកកម្ពុជា ដែលសម្រេចបានក្នុងឆ្នាំ២០២០ ក៏ត្រូវបានលើកបង្ហាញ រួមទាំងបញ្ហាប្រឈម ចំណុចខ្វះខាត ដើម្បីកែសម្រួលតម្រង់ទិសស្វែងរកផែនការយុទ្ធសាស្ត្រថ្មីៗ សម្រាប់គោលដៅបន្ត ក្នុងការសម្រួចគោលដៅចូលរួមរៀបចំជាមួយគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (SEA Games) លើកទី ៣២ ឆ្នាំ២០២៣ (CAMSOC) ដោយបានកំណត់ថា ឆ្នាំ២០២១នេះ គឺជាពេលវេលាចាប់ផ្តើមរៀបចំស៊ីហ្គេម (Games Ope ration Time)។
លោកអគ្គលេខាធិការបន្ថែមថា នៅក្នុងមហាសន្និបាតរបស់គណៈកម្មាធិការជាតិអូឡាំពិកកម្ពុជានាចុងខែកុម្ភៈខាងមុខនេះ នឹងរំលេចចេញនូវគោលការណ៍វិធានការក៏ដូចជាការសម្រេចចិត្តនូវនយោបាយមួយចំនួន ដើម្បីបន្តការអភិវឌ្ឍវិស័យកីឡាជាតិជាពិសេសលើផ្នែកជំនាញបច្ចេកទេសគុណផលកីឡា រួមជាមួយនឹងក្រសួងអប់រំ យុវជននិងកីឡា ក្នុងគោលដៅឈានទៅរកប្រសិទ្ធភាពពិតប្រាកដចាប់ពីឆ្នាំ២០២១ រហូតដល់អំឡុងពាក់កណ្តាលឆ្នាំ២០២៣ ដែលកម្ពុជាទទួលរៀបចំស៊ីហ្គេម លើកទី ៣២តែម្តង។ ពេលនេះ យើងត្រូវតែត្រៀម លក្ខណៈឲ្យ បានរួចរាល់ដោយត្រូវមានវិធានការរបៀបថ្មីនៃរបត់ថ្មី សម្រាប់ផែនការហ្វឹកហាត់របស់កីឡាករ កីឡាការិនីជម្រើសជាតិឲ្យបានទាន់ពេលវេលា។ អ្វីដែលសំខាន់ក្នុងកិច្ចប្រជុំនេះ គឺសមាជិកទាំងអស់ បានមូលមតិគ្នា ឯកភាពគ្នា ជាមួយលោក អ៊ុក សិទ្ធិជាតិ អគ្គនាយកកីឡាតំណាងក្រសួងអប់រំយុវជននិងកីឡា ដើម្បីបន្តកិច្ចពិភាក្សារួមគ្នាដោយរៀបចំនូវចំណុចខ្វះខាតឲ្យទៅជាកម្លាំងបង្គំពិសេសមួយឆ្ពោះទៅរកភាពរីកចម្រើនលើផ្នែកបច្ចេកទេស ដែលក្នុងនោះយើងនឹងពិនិត្យចាប់ តាំងពីពេលវេលានៃការហ្វឹកហាត់បញ្ហាប្រឈមរបស់អត្តពលិក គ្រូបង្វឹក មន្ត្រីកីឡាទាំងអស់៕
អត្ថបទ៖ វិសិទ្ធ
សូមចុចអាន៖ បញ្ចប់ការប្រកួត កីឡាវាយកូនបាល់ជើងឯកថ្នាក់ជាតិ រកឃើញជយលាភី៤វិញ្ញាសា
បុរសម្នាក់ ស្លាប់នៅក្រោមកង់រថយន្តយ៉ាងអាណោចអាធ័ម ខណៈជិះម៉ូតូឈប់រង់ចាំភ្លើងស្តុប
រដ្ឋមន្ត្រីសុខាភិបាលណែនាំឲ្យមន្ត្រីត្រូវស្វែងយល់ការប្រើបច្ចេកវិទ្យាបញ្ញាសិប្បនិម្មិតក្នុងការថែទាំព្យាបាលសុខភាព
កូរ៉េខាងជើង បើកទីក្រុងព្រំដែន ទទួលទេសចរ ចូលលេងកម្សាន្ត
កម្ពុជាវ៉ាដាច់ហ្វីលីពីន លើការទទួលភ្ញៀវទេសចរបរទេសច្រើនបំផុតនៅឆ្នាំ២០២៤
ប ស ស បើកកិច្ចប្រជុំជាមួយមូលដ្ឋានសុខាភិ បាលឯកជនដៃគូទូទាំងប្រទេសដើម្បីដោះស្រាយបញ្ហាប្រឈម
ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
មេដាយអូឡាំពិក២០២៤ជាង១០០គ្រឿងត្រូវបានបញ្ជូនមកវិញ ក្រោយជួបបញ្ហាច្រែះ
ពាក់មី ហួសចិត្តនឹងអ្នកប្រើរូបខ្លួន ប្រកាសលក់ផ្ទះបន្ទាន់ និងស្នើសាធារណជន កុំគាំទ្រទង្វើរកសុីបែបនេះ
អ៊ីរ៉ង់ចង់ធ្វើកិច្ចសហប្រតិបត្តិការលើឧស្សាហកម្មយោធាជាមួយកម្ពុជា
-
ចរាចរណ៍៤ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ១ សប្តាហ៍ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៦ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៤ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៣ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៧ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ